២២ សន្លឹកលាតត្រដាងអត្ថន័យជីវិតពិត មិនអាចប្រកែកបាន
- 2019-09-16 09:00:00
- ចំនួនមតិ 0 | ចំនួនចែករំលែក 0
២២ សន្លឹកលាតត្រដាងអត្ថន័យជីវិតពិត មិនអាចប្រកែកបាន
អស់រយៈពេលជាច្រើនឆ្នាំ ដែលអ្នកបានរស់នៅធំដឹងក្តីលើភពផែនដី។ អ្នកប្រាកដជាធ្លាប់បានឆ្លងកាត់បទពិសោធន៍ជាច្រើន ជាមួយនឹងរសជាតិជីវិតខុសប្លែកគ្នា។ ដោយឡែក នៅមានមនុស្សមួយចំនួន មិនទាន់បានដឹងពីរឿងរ៉ាវផ្សេងទៀត ដែលឆ្លុះបញ្ចាំងពីការពិតក្នុងជីវិតនៅឡើយ។ បើចង់យល់កាន់តែច្បាស់ រូបភាពខាងក្រោមអាចបកស្រាយបាន ដោយមានភ្ជាប់ជាមួយអត្ថន័យជាក់ស្តែងតែម្តង។
#១
ពេលដែលអ្នកធ្វើអ្វីមួយ ហើយដើរទៅមុខតាមតែគេបញ្ជាប្រាប់ ថ្ងៃណាមួយអ្នកអាចនឹងដើរធ្លាក់ជ្រោះជ្រៅ រងរបួសឬស្លាប់ដោយមិនដឹងខ្លួន។
#២
នៅសាលាគ្រូតែងតែប្រាប់រឿយៗថាមនុស្សម្នាក់ៗមានចំណុចចាប់ផ្តើមពីសូន្យដូចគ្នា ប៉ុន្តែក្នុងជីវិតពិតវាមានភាពផ្ទុយស្រឡះពីគ្នា។
#៣
ជីវិតប្រៀបបានដូចជាការមើលរឿងដែលគេបានសម្តែងនៅលើឆាក។ ទម្រាំដល់ភាគបញ្ចប់ អ្នកមិនអាចដឹងទាយទេថា មានរឿងល្អៗអ្វីខ្លះ ដែលនឹងកើតឡើង។
#៤
អ្នកខ្លះរស់នៅពឹងផ្អែកលើសម្រស់ខាងក្រៅ ប៉ុន្តែវាមានន័យអីទៅ បើចិត្តនិងរាងកាយខាងក្នុងបានស្លាប់បាត់ទៅហើយ។
#៥
ពេលដែលអ្នកមានគំនិតចង់បំផ្លាញអ្នកដទៃ កុំភ្លេចថាមានមនុស្សផ្សេងទៀត ក៏គិតចង់បំផ្លាញអ្នកដូចគ្នា។
#៦
នៅពីក្រោយបុរសជោគជ័យ តែងមានប្រភេទនារីម្នាក់ដែលចាំលើកទឹកចិត្ត ហ៊ានលះបង់ដើម្បីគាត់ និងប្រភេទមួយទៀត ដែលចាំតែបឺតជញ្ជក់ផលប្រយោជន៍ ដើម្បីភាពលេចធ្លោផ្ទាល់ខ្លួន។
#៧
ទោះជាមានរឿងអ្វីកើតឡើងក៏ដោយ ត្រូវតែដើរទៅមុខមិនចុះចាញ់ ពុំដូច្នោះទេគ្មានផ្លូវណាដែលនឹងប្រសើរសម្រាប់អ្នកឡើយ។
#៨
ដរាបណាអ្នកអាចស្វែងរកពន្លឺឲ្យខ្លួនឯងបាន ត្រូវចែករំលែកដល់អ្នកដទៃផង កុំទុកឲ្យគ្នានៅកន្លែងងងឹតតែឯង។
#៩
កុំរំពឹងខ្ពស់ពេក ថាមនុស្សគ្រប់គ្នា សុទ្ធតែល្អស្មោះត្រង់ចំពោះអ្នក។
#១០
មនុស្សម្នាក់ៗមានអត្តចរិតខុសប្លែកគ្នាពិបាកយល់ មានតែអ្នកម្នាក់គត់ទើបអាចស្គាល់ច្បាស់ពីខ្លួនឯង។
#១១
ពេលខ្លះគ្រាន់តែមានសម្រស់ស្រស់ស្អាត ក៏ត្រូវបានគេស្អប់ និងមានគ្រោះថ្នាក់ដោយមិនដឹងខ្លួន។
#១២
ពេលដែលខ្ញុំត្រូវលើកឱបដុំថ្មធ្ងន់ ខ្ញុំគ្មានពេលឱបមនុស្សដែលខ្លួនស្រលាញ់ទេ ប៉ុន្តែបើខ្ញុំដាក់វាចុះ ខ្ញុំនឹងគ្មានអ្វីដើម្បីផ្គត់ផ្គង់គេ។
#១៣
ប៉ាម៉ាក់បានកាត់ផ្តាច់សិទ្ធិសេរីភាពនិងការសម្រេចរបស់កូន ហើយចុងក្រោយបែរជាបង្ខំចង់ឲ្យកូនហោះហើរបានឆ្ងាយទៅវិញ។
#១៤
នេះជារូបភាពចង់បញ្ជាក់ពីមនុស្សដែលអានសៀវភៅបានច្រើន គឺអាចសម្លឹងមើលឃើញពិភពលោកទូលំទូលាយ ជាងអ្នកដែលមិនចូលចិត្តឬមិនសូវបានអានទាល់តែសោះ។
#១៥
អ្នកដទៃគិតមកលើអ្នកយ៉ាងណាមិនគ្មានអ្វីត្រូវខ្វល់ សំខាន់អ្នកអាចយល់ច្បាស់ពីតម្លៃរបស់ខ្លួន។
#១៦
កើតមកជាមនុស្សដូចគ្នាពិតមែន ប៉ុន្តែទម្លាប់រស់នៅប្រចាំថ្ងៃ អាចធ្វើឲ្យជីវិតខុសគ្នា។
#១៧
អ្វីដែលអ្នកកំពុងតែមានសព្វថ្ងៃ អាចជាក្តីប្រាថ្នារបស់អ្នកដទៃផ្សេងទៀត ដូច្នេះហើយកុំនៅរអ៊ូរទាំ មិនស្កប់ស្កល់តទៅទៀត។
#១៨
ធ្វើអ្វីឲ្យចេះប្រយ័ត្ននិងគិតគូរឲ្យបានវែងឆ្ងាយ ដាច់ខាតកុំបំផ្លាញអនាគត ដោយស្នាដៃខ្លួនឯង។
#១៩
ប្រសិនបើអ្នកមានក្តីសុបិនផ្ទាល់ខ្លួន ត្រូវព្យាយាមការពារនិងប្រែក្លាយវាឲ្យក្លាយជាការពិត។
#២០
ទំហំនៃដើមឈើដែលអ្នកខំដាំដុះមិនមែនជាបញ្ហាចម្បង សំខាន់អ្នកមានភាពក្លាហានរឹងមាំ ដើម្បីឲ្យវាលូតលាស់បន្ត។
#២១
បើអ្នកឆាប់បោះបង់ មិនតស៊ូឲ្យដល់ទីបំផុត អ្នកមិនអាចជោគជ័យបានឡើយ។
#២២
ពេលខ្លះអ្នកមានអារម្មណ៍ថានឿយហត់ធុញទ្រាន់ខ្លាំងណាស់ ប៉ុន្តែភាពលំបាកទាំងនោះ អាចនាំអ្នកទៅរករបស់អ្វីមួយដែលធំនឹកស្មានពុំដល់៕