ការឈឺចាប់ក្នុងរឿងស្នេហា បង្រៀនមនុស្សស្រីឲ្យដឹងរឿងសំខាន់ ៧ យ៉ាងនេះ

2019-09-11 03:00:00
ចំនួនមតិ 0 | ចំនួនចែករំលែក 0

ពេលបែកគ្នាទទួលស្គាល់ថាមានការឈឺចាប់ តែវាក៏អាចធ្វើឲ្យយើងដឹង និងស្គាល់ពីរឿងរ៉ាងស្នេហាបានកាន់តែច្បាស់ដែរ។ ៧ យ៉ាងនេះរៀនបាន ក្រោយពេលបុរសក្បត់យើង៖

១.គេអាចក្បត់យើងបាន តែយើងមិនអាចក្បត់ខ្លួនឯងទេ៖ ទោះជាមនុស្សប្រុសធ្វើឲ្យយើងឈឺចាប់បានក៏ដោយ តែយើងមិនអាចធ្វើឲ្យខ្លួនឯងឈឺចាប់ទេ។

រូបតំណាង

**២**.គេក្បត់យើង ព្រោះមិនដឹងពីតម្លៃនៃយើង៖ នេះជាការខាតបង់ដ៏ធំ ព្រោះបុរសម្នាក់នេះមិនដឹងថាយើងមានតម្លៃសំខាន់យ៉ាងណា ហើយយើងត្រូវធ្វើឲ្យគេដឹងថា គេបានបោះបង់ដុំពេជ្រ ទៅស្រវាដុំថ្ម។

៣.មិត្តប្រុសគ្មានអ្វីសំខាន់សម្រាប់ជីវិតយើងឡើយ៖ ត្រូវធ្វើឲ្យខ្លួនឯងរឹងប៉ឹងដើម្បីបង្ហាញអ្នកដទៃអ្នកថា យើងអាចរស់នៅបាន ទោះគ្មានមនុស្សប្រុសក៏ដោយ។

៤.យើងចំណាយពេលលើមនុស្សឥតប្រយោជន៍៖ ពេលនោះយើងនឹងដឹងខ្លួនថា រយៈពេលកន្លងមកនេះ យើងចំណាយពេលដ៏មានតម្លៃទៅលើមនុស្សគ្មានបានការដូចជាគេ។

៥.រស់នៅដោយជីវិតប្រសើរជាងមុន៖ ក្រោយពេលបែកបាក់មិនគួរនៅខូចចិត្តត្រាំត្រែងឡើយ តែគួរផ្លាស់មករស់នៅក្នុងជីវភាពដ៏ប្រសើរជាងមុន ទើបល្អចំពោះខ្លួនឯង។

៦.គ្មានអ្វីអស្ចារ្យជាងគ្រួសារយើងឡើយ៖ ខូចចិត្តកម្រិតណា ក៏មិនគួរបង្ហាញអាការៈដូចជិតស្លាប់ខ្លួនឲ្យអ្នកមានគុណឃើញឡើយ ព្រោះគាត់អាចពិបាកចិត្តជាមួយយើងដែរ។ តែត្រូវធ្វើខ្លួនឲ្យរីករាយ ទើបមនុស្សសំខាន់យើងរីករាយដែរ ហើយពេលនោះនឹងដឹងដោយខ្លួនឯងថា គ្រួសារគឺជាអ្នកដែលចាំនៅក្បែរយើងគ្រប់ពេល។

៧.រស់នៅម្នាក់ឯង៖ បន្ទាប់ពីជាសះស្បើយកុំទាន់យក ឬរកសង្សារថ្មីអី ឬយកល្អមិនបាច់យកតែម្ដងក៏បាន រង់ចាំបុរសណាម្នាក់សុំយើងរៀបការ ដើម្បីកុំឲ្យឈឺចាប់ដោយសារមិត្តប្រុសម្ដងទៀត៕