វិធីសាស្ត្រ ៥ យ៉ាងដែលស្រីៗអាចគេចខ្លួនពីការរំលោភបំពានផ្លូវភេទបាន
- 2019-08-09 10:00:00
- ចំនួនមតិ 0 | ចំនួនចែករំលែក 0
វិធីសាស្ត្រ ៥ យ៉ាងដែលស្រីៗអាចគេចខ្លួនពីការរំលោភបំពានផ្លូវភេទបាន
ស្ត្រី ជាភេទដែលងាយប្រឈមមុខនឹងអំពើរំលោភបំពានផ្លូវភេទ។ ដូចនេះ កញ្ញា សូមបង្ហាញពីវិធីសាស្ត្រ ៥ យ៉ាងដែលអាចការពារខ្លួនអំពើអសីលធម៌នេះបាន៖
១.រៀនកីឡាការពារខ្លួន៖ កីឡាដែលអាចជួយយើងបានមានដូចជាប្រដាល់, ការ៉ាតេដូ, និងកុងហ្វូ ជាដើម ព្រោះប្រភេទកីឡាទាំងនេះអាចធ្វើឲ្យយើងផ្លាស់ទីបានលឿន និងជួយឲ្យរឹងមាំ មានទំនុកចិត្តហ៊ានប្រយុទ្ធប្រឆាំងនឹងមនុស្សអាក្រក់វិញ។
**២.ស្ព្រៃយ៍ម្រេច**៖ ប្រសិនបើយើងមិនចេះកីឡាណាដែលអាចជួយរំដោះខ្លួនបានទេ គួរតែដាក់ស្ព្រៃយ៍ម្រេចតាមខ្លួនឲ្យជាប់ក៏ជាវិធីល្អដែរ។ ចំណុចដែលគួរបាញ់នោះគឺភ្នែកខាងស្ដាំរបស់ជនអគតិទាំងនោះ។
៣.ភ្ជាប់លេខសង្គ្រោះពិសេសតាមទូរសព្ទ៖ ស្រីៗមិនគួររំលងការភ្ជាប់លេខសង្គ្រោះពិសេសតាមទូរសព្ទដៃទេ លេខនេះព្រោះពិតជាមានប្រយោជន៍ខ្លាំងដល់ខ្លួនយើង។ បើដឹងខ្លួនថាមានមនុស្សប៉ុនប៉ងមិនល្អដើរតាមក្រោយ គួរតែចុចទៅកាន់លេខពិសេសនោះសុំជំនួយ។
៤.ស្វែងប៉ុស្តិ៍ប៉ូលិសដែលនៅជិតបំផុត និងរាយការណ៍ពីការយាយីនេះ៖ បើធ្លាប់ទទួលការយាយីតាមផ្លូវណាមួយ គួរតែរាយការណ៍ដល់ប៉ូលិសភ្លាមៗដែលនៅជិតទីនោះ និងមិនគួរខ្មាសអៀន ឬអារម្មណ៍ថាមានកំហុសអ្វីទេ។ សូមចងចាំថាពេលយើងរាយការណ៍ពីការយាយីផ្លូវភេទដល់ប៉ូលិស គឺអាចជួយទប់ស្កាត់ និងកាត់បន្ថយអំពើអាក្រក់នេះបាន។
៥.ពេលឡើងឡានតាក់ស៊ីណាមួយត្រូវ៖ ថតរូបស្លាកលេខឡាន ផ្ញើទៅក្រុមគ្រួសារ ឬមិត្តភ័ក្ដិភ្លាមៗ។ ម្យ៉ាងទៀតបើយើងដើរជៀសវាងកុំឆ្លងកាត់ទីងងឹត ឬកន្លែងស្ងាត់តែម្នាក់ឯងអី។ មួយវិញទៀតគួរទន្ទេញឲ្យចាំលេខអ្នកដែលស្និទ្ធនឹងយើងបំផុត ក្នុងករណីដែលបាត់ទូរសព្ទយើង ហើយរត់ទៅកន្លែងទីប្រជុំជនមានមនុស្សប្រុសស្រីអ៊ូអរ ហើយតេទៅរកអ្នកមកទទួល៕
ចុចអាន៖ ចង់បានសុភមង្គលសម្រាប់ជីវិតខ្លួនឯង លុះត្រាទម្លាប់គិតអ្វីមិនស្មុគស្មាញ