៥តិចនិចអ្នកត្រូវសាកល្បងធ្វើជាមុនសិន បើគ្រួសារអ្នកមិនពេញចិត្តសង្សារខ្លូន

2019-08-08 07:55:00
ចំនួនមតិ 0 | ចំនួនចែករំលែក 0

មានមិនតិចទេដែលគូរស្នេហ៍មួយចំនួនធំត្រូវបែកបាក់គ្នាដោយសារឳពុកម្ដាយមិនពេញចិត្តឬខុសខែឆ្នាំគ្នា។ ប៉ុន្តែបើអ្នកទាំងពីរពិតជាស្រលាញ់គ្នា ចង់បង្កើតគ្រួសារជាមួយគ្នាពិតប្រាកដមែននោះ វាគ្មានអ្វីអាចរារាំងស្នេហាអ្នកបានឡើយ។ លើកលែងតែអ្នកចុះចាញ់វាដោយខ្លួនឯង។

មុននឹងអ្នកសម្រេចចិត្តដកខ្លូនចេញ អស់កម្លាំងចិត្តស៊ូចំពោះស្នេហា ព្រោះតែគ្រូសារមិនពេញចិត្តសង្សារអ្នក យ៉ាងហោចណាស់ អ្នកគូរសាកល្បងប៉ុន្មានចំណុចនេះសិន៖

១. សួរពីហេតុផលគ្រួសារអ្នក

អ្នកប្រាកដជាអន់ចិត្តខ្លាំងណាស់ នៅពេលគ្រូសារអ្នកបដិសេធន៏មនុស្សអ្នកស្រលាញ់។ ប៉ុន្តែអ្នកត្រូវស្ដាប់ពួកគាត់សិន ពូកគាត់អាចនឹងមានហេតុផលអ្វីមួយដែលយើងគិតមិនដល់ក៏ថាបាន។ ពួកគាត់អាចបារម្ភអ្នកជ្រើសរើសមនុស្សម្ដងទៀត។

អីច៊ឹង អ្នកត្រូវបើកចិត្តទូលាយពេលគាត់កំពុងប្រាប់អ្នក កុំបង្ហាញអារម្មណ៍ខឹង ធ្វើមិនដឹងមិនលឺរាល់ពាក្យពេជន៍គាត់ តបតដោយសម្ដីត្រគោះបោះបោក។ ពេលអ្នកស្តាប់គាត់ដោយស្ងប់ចិត្ត ពួកគាត់នឹងសប្បាយចិត្តក្នុងការបង្ហាញពីការយល់ឃើញទៅកាន់អ្នកដូចជាអ្នកស្តាប់ដ៏ល្អម្នាក់។ ពូកនឹងដឹងថាអ្នកចាស់ទុំប៉ុណ្ណា អាចធ្វើការសម្រេចចិត្តបានដោយយ៉ាងម៉េចខ្លះ។

២. យកគំនិតគ្រួសារអ្នកមកវិភាគថាតើមានចំណុចល្អឬអត់

មិនមែនគ្រាន់តែឳពុកម្ដាយអ្នកនិយាយថាមិនពេញចិត្តសង្សារអ្នក មានន័យថាពួកគាត់ត្រូវឬខុសនោះទេ។ សំខាន់អ្នកត្រូវសង្កេតថា ឪពុកម្ដាយអ្នកបានលើកចំណុចល្អរបស់សង្សារខ្លួនបានប៉ុន្មានភាគរយ។ មានចំណុចខ្វះខាតប៉ុន្មានអ្នកទាំងពីរត្រូវតែតស៊ូជាមួយគ្នាធ្វើឲ្យពួកគាត់ជឿជាក់លើអ្នក។

៣. ហ៊ានប្រាប់ឪពុកម្ដាយអ្នកត្រូវតែទទូលយកសង្សាអ្នក បើពួកគាត់ពិតជាស្រលាញ់អ្នក

ដំណាក់កាលនេះមិនចាំបាច់ស្ទាក់ស្ទើរទៀតទេ ត្រូវធ្វើជាម្ចាស់ការលើខ្លូនឯងម្ដងហើយ។ ប្រាប់ពូកគាត់ដោយភាពក្លាហាននិងមានទំនុកចិត្ត និយាយពីទំហំនៃក្ដីស្នេហ៍អ្នក និងចំណុចល្អៗសង្សារអ្នកប្រាប់គាត់។

៤. រៀបចំដំណើរកំសាន្តឲ្យសង្សារនិងឪពុកម្ដាយអ្នកបានបង្កើតទំនាក់ទំនងល្អនឹងគ្នា

វាជាពេលវេលាដ៏ល្អបំផុតសម្រាប់គ្រួសារនិងសង្សារអ្នកមានឱកាសស្និទស្នាល ជជែកគ្នា ពឹងពាក់គ្នា និងចែករំលែកគំនិតដល់គ្នាទៅវិញទៅមក។

៥. ទុកពេលឲ្យឪពុកម្ដាយអ្នកមួយរយៈពេលសិន បន្ទាប់ពីពួកគាត់បដិសេធន៍ស្នេហាអ្នក

ដោយសារតែពួកគាត់ស្រលាញ់អ្នក គ្រប់យ៉ាងគាត់ចង់ឃើញអ្នកបានល្អនិងមានក្ដីសុខ។ នេះជាអ្វីដែលគាត់តែងតែព្រួយបារម្ភពីអនាគតអ្នកនិងសង្សារអ្នក។ ពេលខ្លះពូកគាត់គ្រាន់តែចង់ឲ្យប្រាកដថាអ្នកនឹងមិនខូចចិត្តជាថ្មី។ ពួកគាត់ក៏ត្រូវការពេលមើលចិត្តសង្សារអ្នកឲ្យបានច្រើនផងដែរ។ ប៉ុន្តែបើអ្នកពិតជាស្រលាញ់គ្នា អំណាចនៃក្ដីស្រលាញ់ប្រាកដជាយកឈ្នះចិត្តឪពុកម្ដាយអ្នកបានជាក់ជាពុំខាន។

ចុចអានបន្ត៖៩ ចំណុចបង្ហាញថាយើងកំពុងតែមានសង្សារជាមនុស្សប្រុសទន់ជ្រាយ

អត្ថបទ៖ ង៉ាន់ សុគុន