រឿងអាក្រក់ច្រើនយ៉ាងស្មានមិនដល់កើតលើទារក ពេលប្តីឈ្លោះជាមួយប្រពន្ធអំឡុងពរពោះ

2019-07-31 05:00:00
ចំនួនមតិ 0 | ចំនួនចែករំលែក 0

អំឡុងពរពោះ អ្នកម្ដាយតែងមានអារម្មណ៍ឆាប់ខឹង ឆេវឆាវដោយគ្មានហេតុផល ឆាប់យំសូម្បីពេលខ្លះមានរឿងតិចតួចក៏ដោយ។ នេះដោយសារតែការកើនឡើងនៃកម្រិតប្រូសេស្តេរ៉ូនក្នុងខ្លួនរបស់ស្ត្រី។ ដូច្នេះស្វាមីទាំងអស់គួរយល់ដឹងពីចំណុចនេះ ចៀសវាងបង្កើតជម្លោះជាមួយភរិយាអំឡុងមានគក៍។

ព្រោះបើប្តីឈ្លោះជាមួយប្រពន្ធពេលពរពោះ មិនត្រឹមជះហានិភ័យអាក្រក់ដល់ទំនាក់ទំនងរវាងប្តីប្រពន្ធទេ តែក៏រាលដាលដល់ការលូតលាស់កូនក្នុងផ្ទៃផងដែរ។ សំឡេងស្រែកឲ្យគ្នាខ្លាំងៗ ក៏អាចលឺដល់កូនក្នុងផ្ទៃបានដែរ ហើយជាផលប៉ះពាល់ដែលមិនអាចកំណត់បាន។

តាមការសិក្សាបញ្ជាក់ថា កូននឹងចាប់ផ្ដើមបង្ហាញសកម្មភាពប្រឆាំងដែលគេច្រើននិយាយថា ទារកធាក់ក្នុងពោះ ដោយសារទារកលឺសំលេងឈ្លោះគ្នាហើយគេចង់ការពារម្ដាយរបស់គេ។ គេចេះខឹងហើយចាប់ផ្ដើមចង់ប្រើដៃប្រើជើងតូចៗរបស់គេ ដើម្បីការពារម្ដាយដោយការលោតធាក់ឪពុកវិញ ។ ដែលនេះជារបៀបបញ្ចេញអារម្មណ៍ប្រឆាំង ដើម្បីសងសឹក ។ នៅពេលទារកមានអាយុ៦ខែ ការលូតលាស់ផ្សេងៗរបស់គេក៏មានដែរ ពិសេសសំលេងគឺឆាប់ចាប់បានជាងគេ។ តែសំលេងដែលគេមិនចូលចិត្តបំផុត គឺសំលេងឈ្លោះគ្នា ស្រែកលឺៗ ដែលពេលខ្លះទារកមានអារម្មណ៍ខឹងចំពោះឪពុកម្ដាយដោយមិនដឹងខ្លួន។

លើសពីនេះទៀត ទារកក៏ចេះយំអំឡុងនៅក្នុងផ្ទៃផងដែរ នៅពេលអ្នកម្ដាយកើតទុក្ខមិនសប្បាយចិត្ត ។ ការផ្សារភ្ជាប់រវាងបេះដូងរបស់អ្នកម្ដាយនិងទារកបាននៅជាមួយគ្នា ជាហេតុឲ្យទារកមានអារម្មណ៍ដូចនឹងម្ដាយរបស់គេ។ ម្ល៉ោះហើយ បើពេលពរពោះអ្នកម្ដាយជួបរឿងមិនសប្បាយចិត្តច្រើន ទារកកើតមកនឹងមានអារម្មណ៍ឆាប់ស្រងេះស្រងោច សៅហ្មងច្រើនទៅតាមនោះដែរ។

ដូច្នេះ ការពរពោះមិនមែនសំខាន់សម្រាប់តែស្ត្រីម្នាក់ប៉ុណ្ណោះទេ ស្វាមីក៏មាននាទីសំខាន់ក្នុងការរក្សាទារកឲ្យបានល្អតាំងពីនៅក្នុងផ្ទៃដែរ។ ក្រៅពីបំប៉នភរិយាដោយការញ៉ាំអាហារមានជីវជាតិ ទឹកដោះគោស្រស់ និងសម្រាកបានគ្រប់គ្រាន់ ស្វាមីត្រូវចេះថ្នមចិត្តប្រពន្ធ ឲ្យភរិយាសប្បាយចិត្ត នោះធ្វើឲ្យកូនកើតមកមានផ្លូវចិត្តល្អ គួរឲ្យស្រលាញ់ទៅតាមនោះដែរ៕