មនុស្សស្រីរស់នៅដោយខ្ពង់ខ្ពស់ថ្លៃថ្នូរ ប្ដីមិនចងក៏មិនហ៊ានរត់ដែរ

2019-07-19 03:40:00
ចំនួនមតិ 0 | ចំនួនចែករំលែក 0

អ្នកមានដែលឮទេថា អ្វីដែលព្យាយាមចង កាន់តែងាយរបូតនោះ? មនុស្សប្រុសក៏ដូចគ្នា ពេលខ្លះ យើងចង់ក្ដាប់គេពេក ជាហេតុផលដែលគេរឹតតែចង់ចាកចេញពីយើង។

សិល្បៈនៃការទុកដាក់ប្ដី គឺជាវិជ្ជាដែលមនុស្សស្រីគ្រប់រូបតែងចង់ចេះ ក្រោយពេលរៀបការរួច ព្រោះមនុស្សស្រីដឹងច្បាស់ថា មនុស្សប្រុសពេលណាក៏ចង់សប្បាយ ចង់ហ៊ឺហា តែហ៊ានប្រហែសគឺរបូត។ តែពួកគេមិនដឹងឡើយថា នៅពេលមនុស្សស្រីកាន់តែបន្ទាបតម្លៃខ្លួនឯង លើកតម្កើងគេពេក គេនឹងបានចិត្ត ហើយនិងកាន់តែបានចិត្ត ដើម្បីលលេងនឹងភាពអត់ធ្មត់របស់យើង។

ខ្សែចងជាប់តែរូប តែមិនជាប់ចិត្ត សួរថាគេនៅផ្ទះ តែចិត្តនៅខាងក្រៅ នៅមានន័យអ្វីទៀត? ដូចនេះ យើងត្រូវធ្វើយ៉ាងម៉េចឲ្យ ទោះជារូបគេនៅក្រៅពិត តែចិត្តនៅនឹងផ្ទះទើបពូកែ។

ដំបូងឡើយ មូលហេតុចម្បង ដែលគេចាប់អារម្មណ៍ស្រីខាងក្រៅ គឺមកពីសម្រស់នារីទាំងនោះបាន។ ក្ដាប់បានឱកាសនេះ នារីគ្រប់រូបត្រូវចងចាំថា គ្មានវិនាទីណាដែលអាចបណ្ដោយឲ្យខ្លួនអាក្រក់បានឲ្យសោះ។ នៅពេលដែលយើងស្អាតហើយ ទោះបីជានារីទាំងនោះក្មេងជាងយើង ក៏មើលទៅព្រលឹងព្រលះមិនស្មើមួយភាគនៃយើងដែរ ត្រូវចងចាំ។

បន្ទាប់មកទៀត ទោះស្រលាញ់គេស្ទើរលេបយ៉ាងណាក៏ដោយ ហាមលន់តួជាដាច់ខាត។ គេថាទន់ភ្លន់ តែមិនទន់ខ្សោយ។ ដរាបណាគេដឹងហើយថា អ្នកខ្វះគេមិនបាន គេនឹងលលេងនឹងអ្នកគ្មានថ្ងៃបញ្ចប់ឡើយ។ ស្រលាញ់ពិតមែន តែបង្ហាញពាក់កណ្ដាល ទុកក្នុងទ្រូងពាក់កណ្ដាល ទើបគេឲ្យតម្លៃនៃមនោសញ្ចេតនាយើង។

បន្ទាប់មកទៀត អ្នកត្រូវបង្ហាញឲ្យគេដឹងថា អ្នកគឺជាម្ចាស់ក្សត្រីក្នុងគ្រួសារមួយនេះ គ្រប់ស្រីដទៃ គ្រាន់តែស្នំប៉ុណ្ណោះ ហើយគ្មានសិទ្ធអ្វីទាំងអស់។ អ្នកនិយាយថាអត់គឺអត់ អ្នកនិយាយថាបានគឺបាន។ ប្រសិនបើគេមានស្រីខាងក្រៅមែន បង្វិចរៀបស្រាប់ គេអាចចាកចេញបានគ្រប់នាទី ព្រោះខ្ញុំជាកូនស្រីរបស់ប៉ាម៉ាក់មួយទាំងមូល មិនអាចរស់ក្នុងស្ថានភាពប្ដីរួមបាននោះឡើយ។ ប្រសិនបើអ្នកអាចបង្ហាញ បុគ្គលិកលក្ខណៈនេះឲ្យមនុស្សឃើញបាន ទោះបីអ្នកមិនចងគេ ក៏គេមិនហ៊ានរត់ដែរ៕

ចុចអាន៖ យកប្ដីពេលណាគឺរឿងរបស់ខ្ញុំ ម៉េចក៏ចង់ដឹងឮម្ល៉េះ?

ប្រភព៖ Guu ប្រែសម្រួល៖ Caramel