អ្នកម្ដាយគួរដឹងគន្លឹះទាំងនេះ ការពារកូនពីជំងឺគ្រុនឈាម

2019-07-17 10:10:00
ចំនួនមតិ 0 | ចំនួនចែករំលែក 0

អ្នកម្ដាយមានកូនតូចគូរប្រុងប្រយ័ត្មឲ្យខ្ពស់ ព្រោះក្មេងៗមានប្រព័ន្ធភាពស៊ាំខ្សោយជាងមនុស្សពេញវ័យក៏ដូចជាមនុស្សចាស់ អ៊ីចឹងហើយពួកគេងាយប្រឈមនឹងជំងឺផ្សេងៗណាស់។

សព្វថ្ងៃ ជំងឺគ្រុនឈាមកំពុងរាតត្បាតយ៉ាងខ្លាំង ដើម្បីងាយស្រួលក្នុងការកំណត់សម្គាល់ ថាតើកូនៗជាទីស្រលាញ់របស់អ្នកមានរោគសញ្ញាបែបណាខ្លះ។ តួយ៉ាង អ្នកម្ដាយ ស៊ីណា មានអាយុ ៣០ឆ្នាំ បានបង្ហើបគន្លឹះមួយចំនួនដើម្បីបញ្ចៀសកូនៗពីជំងឺនេះ ៖

១. ត្រូវចេះសង្កេតកូនៗ

ត្រង់ចំណុចនេះ គឺយើងត្រូវចេះតាមដានពីសុខភាពកូនៗយើង ថាតើមានអ្វីខុសពីប្រក្រតីឬទេ។ ត្រូវតាមដានឲ្យដិតដល់ជាទីបំផុត ហើយត្រូវតែសាកសួរកូនៗពីអាការៈរបស់ពួកគេជារៀងរាល់ថ្ងៃ ថាតើក្នុងខ្លួនគេមានអារម្មណ៏យ៉ាងម៉េចខ្លះ មានអ្វីខុសពីធម្មតាដែរទេនៅក្នុងខ្លួន។

២. សីតុណ្ហភាពកូនក្ដៅត្រជាក់ៗ

រឿងមួយដែលម្តាយគួរយកចិត្តទុកដាក់គឺ នៅពេលកូនក្តៅខ្លួនខ្លាំងបីបួនថ្ងៃជាប់ៗគ្នា ហើយពេលឲ្យថ្នាំក៏ធូរស្រាលបន្តិច តែក៏ចាប់ក្តៅខ្លួនវិញ នេះក៏អាចជាសញ្ញាគ្រោះថ្នាក់ដែរ។ កុំបណ្តោយឲ្យកូនក្តៅខ្លួនរហូតដល់រងារញ័រញាក់ ហើយមុខឡើងក្រហមខុសពីធម្មតា។

៣. ចាប់ផ្ដើមលេចចេញស្នាមកន្ទួលក្រហម

បន្ទាប់ពីពួកគេចេញសភាពគ្រុនក្ដៅខ្លាំង ស្បែកពួកគេចាប់ផ្ដើមឡើងកន្ទួលក្រហមៗ ឈឺសន្លាក់ សាច់ដុំ និងតាមឆ្អឹង។ ជាងនេះទៅទៀត ពួកគេក្អួតចង្អោរ និង ឈឺក្បាលជាខ្លាំង។ ដូច្នេះហើយត្រូវប្រយ៉ាប់បញ្ជូនកូនៗទៅមណ្ឌលសុខភាពជាបន្ទាន់ដើម្បីធ្វើតេស្តឈាមពិនិត្យពីអាការៈពួកគេជាក់ស្ដែង។

៤. យកចិត្តទុកដាក់ទៅលើកូនៗឲ្យបានខ្ពស់

នេះមានន័យថា ត្រូវឲ្យពួកគេដេកក្នុងមុងជានិច្ចដើម្បីកុំឲ្យមូសខ្លាខាំពួកគេបាន។ រៀបចំក្នុងនិងក្រៅផ្ទះឲ្យបានស្អាតបាតនិងរៀបរយ ជៀសវាងមានថ្លុកទឹកស្អុយអីត្រូវលុបចោលឲ្យអស់។ ម្យ៉ាងទៀត ត្រូវឲ្យកូនៗស្លៀកពាក់ខោអាវវែងៗ និងជៀសវាងនៅទីងងឹត។