ជ្រើសរើសរូបសត្វមួយ ដើម្បីដឹងពីចំណុចខ្វះខាតនៃបុគ្គលិកលក្ខណៈរបស់អ្នក

2019-06-27 10:20:00
ចំនួនមតិ 0 | ចំនួនចែករំលែក 0

មនុស្សយើងកើតមក តែងមានចំណុចល្អនិងចំណុចខ្វះខាត។ អ្នកខ្លះអាចមើលឃើញពីចំណុចវិជ្ជមានរបស់ខ្លួន ប៉ុន្តែមើលរំលងពីចំណុចអវិជ្ជមានក៏ថាបាន។ ថ្ងៃនេះវេបសាយ "កញ្ញា" នឹងបង្ហាញអ្នកទាំងអស់គ្នា នូវល្បែងចិត្តសាស្រ្ត ដោយគ្រាន់តែជ្រើសរើសរូបសត្វមួយក្នុងចំណោមរូបភាពទាំងនេះ ដើម្បីដឹងពីភាពខ្វះខាតនៃបុគ្គលិកលក្ខណៈរបស់អ្នក។

១. ខ្លាឃ្មុំ

ខ្លាឃ្មុំតំណាងឲ្យ ភាពអង់អាច ហ៊ានទាមទារនូវអ្វីដែលជារបស់ខ្លួន និងរក្សាអំណាចរឹងមាំជានិច្ច។ ខ្លាឃ្មុំក៏ជាតំណាងនៃភាពជាអ្នកដឹកនាំ មានទឹកចិត្ត សុទិដ្ឋិនិយមនិងគួរឲ្យគោរព។

បើអ្នករើសយករូបខ្លាឃ្មុំ មានន័យថាចរិតពីធម្មជាតិរបស់អ្នកក៏ស្រដៀងគ្នានឹងខ្លាឃ្មុំដែរ។ អ្នកតែងធ្វើអ្វីៗគ្រប់យ៉ាង ដើម្បីចង់បានអំណាចឬតំណែង។ អ្នកមានទំនុកចិត្តខ្ពស់លើខ្លួនឯង អត់ធន់ ដឹងថាត្រូវដើរផ្លូវណា។ ប៉ុន្តែពេលខ្លះ អ្នកអាចនឹងប្រើអំណាចខុសពេល ប្រើតិចនិកខុស ដែលនាំឲ្យខាតបង់ប្រយោជន៍។

២. ឆ្មាខ្មៅ

ឆ្មាខ្មៅតែងតែត្រូវបានគេចាត់ទុកដូចជាលាភមិនល្អក្នុងជំនឿនៃប្រទេសផ្សេងៗគ្នា។ ឧទាហរណ៍ មានតំណមមួយដែលតែងឭគេនិយាយតៗគ្នា បើឃើញឆ្មា ដើរឆ្លងកាត់ផ្លូវ អ្នកនឹងជួបសំណាងអាក្រក់។ ក្រៅពីចំណុចអវិជ្ជមាន ឆ្មាខ្មៅក៏តំណាងឲ្យ អាថ៌កំបាំង ភាពឡូយឆាយ គ្មានព្រំដែន និងស្ងៀមស្ងាត់ផងដែរ។

បើអ្នករើសយករូបឆ្មាខ្មៅ មានន័យថាចរិតរបស់អ្នកក៏មានពីរផ្នែកដែរ។ ទី១ អ្នកជាមនុស្សចិត្តត្រជាក់ ផ្អែមល្ហែម សុភាពរាបសាតែចូលចិត្តលេងសើច។ ទី២ អ្នកនឹងកាចឆ្នាស ផ្ទុះកំហឹង បើមាននរណាប៉ះពាល់ធ្វើឲ្យខឹង។

៣. ប្រចៀវ

ប្រចៀវជាប្រភេទបក្សីដែលចម្លែកខុសពីគេ ព្រោះលាក់ខ្លួននៅពេលថ្ងៃ ចេញរកចំណីនៅពេលយប់ និងដាំក្បាលចុះមកក្រោម។ បើប្រចៀវជាជម្រើសមួយរបស់អ្នកក្នុងចំណោមសត្វដទៃទៀត បញ្ជាក់ថាអ្នកមានបុគ្គលិកលក្ខណៈច្រើនយ៉ាង។ អ្នកមានរបៀបរស់នៅផ្ទាល់ខ្លួន និងមិនទន់ទេរតាមរបត់សង្គមឡើយ ព្រោះអ្នកតែងតែពេញចិត្តនូវជីវិតដែលជាខ្លួនឯង។ អ្វីដែលជាចំណុចខ្សោយនោះ គឺអ្នកចូលចិត្តសង្ស័យច្រើន និងមិនងាយទុកចិត្តមនុស្ស ទោះបីជាម្នាក់នោះល្អយ៉ាងណាក៏ដោយ។

៤. សត្វក្អែក

ក្អែកក៏ត្រូវបានចាត់ទុកជាសំណាងមិនល្អក្នុងជំនឿរបស់ប្រទេសមួយចំនួនដែរ។ តាមការពិត ក្អែកជាបក្សីដែលឆ្លាតគួរសម និងចេះបត់បែនបានល្អ។

បើអ្នករើសយករូបនេះ មានន័យថាអ្នកអាចលាក់បាំងចំណុចខ្វះខាតរបស់ខ្លួនបានយ៉ាងល្អ និងអាចបត់បែនតាមកាលៈទេសៈ។ អ្នកអាចមើលដឹងច្បាស់ថា នរណាធ្វើពុត នរណាជាមនុស្សល្អពិតប្រាកដ។ អ្នកមិនប៉ះពាល់អ្នកដទៃទេ បើគេមិនមករករឿង ធ្វើឲ្យអ្នកឈឺចាប់មុន។

៥. ចចក

ចចកជាសត្វកាចសាហាវ និងមានអាថ៌កំបាំងច្រើន ប៉ុន្តែធម្មជាតិរបស់វាក៏មានក្តីស្រលាញ់ និងភាពកក់ក្តៅដែរ។ វាបញ្ចេញអំណាចតែពេលមានសត្រូវប៉ុណ្ណោះ។ បើអ្នករើសយករូបនេះ មានន័យថា អ្នកជាមនុស្សគួរឲ្យចូលចិត្តរាប់អាន ប៉ុន្តែដាច់ខាតបើមាននរណាចង់ខ្សែលើ មកគំរាមកំហែងខុសទំនង អ្នកនឹងមិនលើកលែងឲ្យឡើយ។

៦. ត្មាត

ត្មាតជាសត្វដែលស៊ីសត្វព្រៃជាអាហារ។ បើវារកបានចំណីបានដល់មាត់ហើយ មិនងាយឲ្យរបូតទៅវិញងាយៗទេ។ បើអ្នកចាប់ចិត្តលើរូបសត្វនេះជាងគេ មានន័យថាអ្នកមានចំណុចអវិជ្ជមានច្រើនណាស់ដែលលាក់ទុកក្នុងខ្លួន។ គ្រាន់តែអ្នកមិនប្រើភាពអវិជ្ជមានទាំងនេះ ឲ្យប៉ះពាល់ដល់អ្នកដទៃនោះទេ។ អ្នកអាចកាចឆ្នាស តែចំពោះមនុស្សមួយចំនួនប៉ុណ្ណោះ។