វេជ្ជបណ្ឌិតស្រីមីយ៉ាន់ម៉ាត្រូវដកអជ្ញាប័ណ្ណព្រោះបង្ហោះរូបសិចស៊ី
- 2019-06-19 07:30:00
- ចំនួនមតិ 0 | ចំនួនចែករំលែក 0
វេជ្ជបណ្ឌិតស្រីមីយ៉ាន់ម៉ាត្រូវដកអជ្ញាប័ណ្ណព្រោះបង្ហោះរូបសិចស៊ី
សមាគមគ្រូពេទ្យប្រទេសមីយ៉ាន់ម៉ាបានបញ្ចេញមតិថា ការស្លៀកពាក់របស់វេជ្ជបណ្ឌិតស្រី Nang Mew San គឺដើរបញ្ច្រាស់នឹងវប្បធម៌របស់មីយ៉ាន់ម៉ា តែនាងថានេះគឺជាសិទ្ធិបុគ្គល។
កាលពីថ្មីៗនេះ សមាគមគ្រូពេទ្យមីយ៉ាន់ម៉ាបានផ្ញើលិខិតទៅកាន់ វេជ្ជបណ្ឌិត និងតារាម៉ូដែលស្រី Nang Mwe san ថាពួកគេនឹងដកអជ្ញាប័ណ្ណរបស់នាងជាផ្លូវការក្រោមមូលហេតុ របៀបស្លៀកពាក់របស់នាងកំពុងដើរបញ្ជ្រាស់នឹងវប្បធម៌របស់ប្រទេសមីយ៉ាន់ម៉ា។ យ៉ាងណាក្ដី អ្នកគ្រូពេទ្យខាងលើបានឲ្យដឹងថា នាងនឹងតវ៉ាវិញ។ “ខ្ញុំគិតថាពួកគេមិនគួរជ្រៀតជ្រែករឿងឯកជនឡើយ។ នោះមិនមែនជារឿងរបស់ពួកគេទេ នេះគឺជាការសម្រេចដែលមិនអាចទទួលយកបាន” វេជ្ជបណ្ឌិតវ័យ២៩ឆ្នាំឲ្យដឹង។
គួរបញ្ជាក់ផងដែរថា ពេទ្យស្រីខាងលើបានធ្វើជាវេជ្ជបណ្ឌិតទូទៅបាន៥ឆ្នាំហើយ មុនពេលក្ដោបថែមអាជីពមួយទៀតគឺតារាម៉ូដែល នៅឆ្នាំ២០១៧។ នាងត្រូវបានគេផ្ញើលិខិតដាស់តឿនមួយដងរួមមកហើយ កាលពីខែមករា។ ហើយនៅពេលនោះ នាងបានសន្យាថានឹងលុបរូបលើបណ្ដាញសង្គមចោល តែមិនបានអនុវត្តឡើយ ដោយនាងបានលើកឡើងថា ខ្លួនមិនបានស្លៀកសិចស៊ីបែបនេះទៅព្យាបាលអ្នកជំងឺទេ៕
ចុចអាន៖ ចង់ដឹងឮរឿងផ្ទះគេពេក ត្រូវជាប់ក្បាលក្នុងជម្រឹងទ្វារដែក៥ម៉ោង