ទុក្ខសោកទាំងប៉ុន្មានដែលមានតែអ្នកអត់គូយូរឆ្នាំទើបយល់ច្បាស់
- 2019-05-30 02:30:00
- ចំនួនមតិ 0 | ចំនួនចែករំលែក 0
ទុក្ខសោកទាំងប៉ុន្មានដែលមានតែអ្នកអត់គូយូរឆ្នាំទើបយល់ច្បាស់
ខណៈភាពនៅលីវមានអត្ថប្រយោជន៍ច្រើន វាមិនមានន័យថា អត់មានផលពិបាកទាំងអស់នោះទេ ត្បិតបើអត់គយូរពេក ក៏មានទុក្ខសោកច្រើនមិនតិចដែរ។ ខាងក្រោមនេះ គឺជារឿងដែលធ្វើឲ្យអ្នកអត់គូរកើតទុក្ខពិបាកចិត្ត នៅពេលប្រៀបធៀបនឹងអ្នកមានស្នេហា។
១. ត្រូវគេចំអក
ទោះបីជាដឹងថា មិត្តភ័ក្ដិ ក៏ដូចជាក្រុមគ្រួសារពេលខ្លះគ្រាន់តែចំអកយើងលេងសើចប៉ុណ្ណោះនៅពេលឃើញយើងកណ្ដោចកណ្ដែងយូរ តែយើងខ្លួនឯងក៏មានខ្លួនដែរ ពេលឧស្សាហ៍ត្រូវគេថាឲ្យថាគ្មានអ្នកយកដូចនេះ។
២. អន់ចិត្ត
ក្រុមមិត្តភ័ក្ដិដែលធ្លាប់ដើរជុំគ្នា ៥-៦នាក់ នៅពេលនេះក្រឡេកមើលឡើងវិញ នៅសល់តែឯង ព្រោះគេគ្រប់គ្នាសុទ្ធតែមានគូអស់ហើយ។ ដូចនេះនៅចុងសប្ដាហ៍ គេក៏ចំណាយពេលជាមួយមនុស្សដែលគេស្រលាញ់ ហើយយើងត្រូវទៅណាមកណាតែឯង។
៣. Valentine ជាអ្វី?
ទោះដឹងថាថ្ងៃ Valentine គឺជាថ្ងៃបង្ហាញក្ដីស្រលាញ់ជារួម មិនមែនសម្រាប់តែគូស្នេហ៍ តែពេលគេឃើញគេបង្អួតមនោសញ្ចេតនារបស់ខ្លួន បើថាមិនច្រណែនសោះ គឺកុហកហើយ។ ចំពោះអ្នកអត់គូ ថ្ងៃនេះគ្រាន់តែជាថ្ងៃធម្មតា ហើយត្រូវមើលភាពផ្អែមល្ហែមរបស់គេទៀត។
៤. ឧស្សាហ៍ក្លាយជាឆ្អឹងទទឹងក
នឹងមានពេលខ្លះ នៅពេលដែលមិត្តយើងទើបមានសង្សារ ហើយមិនហ៊ានទៅជួបគេតែម្នាក់ឯង នោះអ្នកនឹងត្រូវគេអូសទៅជាមួយ។ យ៉ាងណាក្ដី នៅពេលទៅដល់កន្លែងជួបគ្នា យើងនឹងក្លាយទៅជាមនុស្សគ្មានស្រមោល ឬនិយាយឲ្យត្រង់ទៅពួកគេអត់មើលឃើញវត្តមានរបស់យើងតែម្ដង៕
ចុចអានបន្ត៖