ការសិក្សា៖ កូនបងច្រើនជាកូនឆ្លាត និងរៀនពូកែជាងគេក្នុងគ្រួសារ

2019-04-11 04:53:59
ចំនួនមតិ 0 | ចំនួនចែករំលែក 0

ការសិក្សារបស់ទស្សនាវដ្ដីធនធានមនុស្ស (Journal of Human Resources) បានបង្ហាញថា កូនច្បងច្រើនតែឆ្លាត និងរៀនពូកែជាងប្អូនៗ ដោយសារពួកគេទទួលបានការបណ្ដុះទឹកចិត្ត និងការយកចិត្តទុកដាក់ពីឪពុកម្ដាយបានច្រើន។

ចុចអាន៖ ចង់ចិញ្ចឹមកូនឱ្យដើរតាមគន្លងធម៌ ឪពុកម្ដាយត្រូវដឹងពីចំណុចទាំង៧នេះ

រូបតំណាង

ការអះអាងបែបនេះធ្វើឡើងដោយយោងតាមការស្ទង់មតិទៅលើជនជាតិអាមេរិកអាយុពី១៤ដល់២១ឆ្នាំ ដែលត្រូវបានគេសម្ភាសជាច្រើនសាតាំងពីឆ្នាំ១៩៧៩មក ដោយសាកសួរអំពីលេខរៀងកំណើតរបស់ពួកគេក្នុងគ្រួសារ ពិន្ទុនៅសាលា បរិយាកាសគ្រួសារ និងព័ត៌មានផ្សេងៗទៀត។

រូបតំណាង

ចុចអាន៖ អ្នកជាកូនទីប៉ុន្មាន? មកមើលនិស្ស័យមនុស្សតាមលំដាប់នៃកូនក្នុងគ្រួសារ

ហេតុផលត្រូវបានគេសន្និដ្ឋានបានថាដោយសារ កូនច្បងបានទទួលក្ដីស្រលាញ់ ថ្នាក់ថ្នម និងយកចិត្តទុកដាក់ពីឪពុកម្ដាយទាំងស្រុង ព្រោះភាពជាម្ដាយឪពុកថ្មីថ្មោងតែងចង់ផ្ដល់អ្វីដែលល្អឥតខ្ចោះដល់កូនដំបូង ទាំងផ្លូវចិត្ត សម្ភារៈ ការសិក្សា និងពេលវេលា។ នេះមិនមែនបានន័យថា ឪពុកម្ដាយមិនស្រលាញ់កូនប្អូនដូចកូនបងឡើយ គ្រាន់តែថា ពេលមានកូនទី២ ទី៣ ឪពុកម្ដាយត្រូវចំណាយពេលវេលាកាន់តែច្រើនទៅលើការងារដើម្បីរកចំណូលផ្គត់ផ្គង់គ្រួសារ ហើយភាគច្រើនទុកភារៈអប់រំបន្តទៅឱ្យកូនច្បងជាអ្នកធ្វើចំពោះប្អូនៗ។

រូបតំណាង

ចុចអាន៖ ពេលវេលាដ៏កក់ក្តៅរវាងម្តាយ និងកូនជាទីស្រឡាញ់

មូលហេតុមួយទៀតផ្សារភ្ជាប់ពីចំណុចខាងលើ គឺកូនច្បងទទួលបានឱកាសចែករំលែកការអប់រំដល់ប្អូន ដែលអាចធ្វើឱ្យពួកគេកាន់តែចាស់ទុំ ដឹងខុសត្រូវ និងបានអនុវត្តគំនិតគិតគូរល្អិតល្អន់ ធ្វើជាគំរូដល់ប្អូនៗ ដែលចំណុចនេះកូនពៅមិនអាចធ្វើបានក្នុងគ្រួសារ៕

ប្រភព៖ Businessinsider | Today ប្រែសម្រួល៖ សរ សុគន្ធី