មនុស្សស្រីលើកលែងឲ្យប្ដីក្បត់លើកទី១ គឺចិត្តទូលាយ តែលើកទី២គឺល្ងង់

2019-04-12 04:00:00
ចំនួនមតិ 0 | ចំនួនចែករំលែក 0

មនុស្សស្រីត្រូវមនុស្សប្រុសក្បត់ម្ដង តើការឈឺចាប់ នឹងធំដល់ថ្នាក់ណា? ទោះបីជាដឹងថាគ្រួសារសំខាន់ អាណិតកូនតូច ស្ដាយញើសឈាមដែលធ្លាប់កម្សត់កម្រនឹងគ្នា តែប្ដីដែលមិនដឹងកំហុសខ្លួនឯងគឺមិនសមនឹងទុកឡើយ។

រូបតំណាង

មានហេតុផលច្រើន ដែលធ្វើឲ្យមនុស្សស្រីលើកលែងឲ្យប្ដីដែលទៅមានស្រីនៅខាងក្រៅ។ ដោយសារនៅស្រលាញ់ប្ដី ដោយសារតែគ្រួសារមួយនេះសំខាន់ខ្លាំង។ នៅក្នុងមង្គលការមួយ អាចនិយាយបានថា មនុស្សស្រីចំណាយកម្លាំងកាយចិត្តទាំងអស់ដើម្បីរក្សាសុភមង្គលឲ្យគ្រួសារខ្លួន ទើបមិនដាច់ចិត្តឈរឱបដៃមើលប្ដីបំផ្លាញចោល។ មនុស្សស្រីត្រូវការសម្បុកដ៏កក់ក្ដៅមួយ ដើម្បីឲ្យកូនធំដឹងក្ដីឡើងមិនចាញ់គេ។ ដោយសារតែស្រលាញ់កូនទើប សុខចិត្តលេបទឹកភ្នែកចូលវិញ។

រូបតំណាង

មនុស្សប្រុសខ្លះមិនមានបំណងក្បត់ប្រពន្ធឡើយ តែដោយសារតែគ្រប់គ្រងអារម្មណ៍ខ្លួនឯងមិនបានតែប៉ុន្មានវិនាទីក៏ត្រូវមិត្តភ័ក្ដិ ក៏ដូចជាឥទ្ធិពលនៃស្រានាំមុខ សាងកំហុសនឹងប្រពន្ធ។ មានមនុស្សប្រុសដែលពិតជាដឹងពីកំហុសរបស់ខ្លួន ហើយមិនប្រព្រឹត្តឡើងវិញជារៀងរហូត។ ជាមួយនឹងប្ដីប្រភេទនេះ ប្រពន្ធគួរតែលើកលែងឲ្យម្ដង ព្រោះលើលោកនេះ គ្មានអ្នកណាដែលមិនធ្លាប់ជ្រុលជ្រួសនោះឡើយ។ អ្វីដែលសំខាន់នោះ គេចេះថែខ្លួនឬអត់។ នៅក្នុងជីវិតអាពាហ៍ពិពាហ៍ ទាល់តែឆ្លងកាត់ព្យុះភ្លៀងខ្លះ ទើបគេចេះឲ្យតម្លៃអ្វីដែលខ្លួនមាន។

ផ្ទុយមកវិញ បើគេមានស្រីខាងក្រៅ ម្ដងជាពីរដង តែយើងនៅតែបន្តសណ្ដោសប្រណីនោះ គេលែងហៅថាចិត្តទូលាយ តែគេហៅល្ងង់វិញទេ។ មានហេតុផលអ្វីដែលត្រូវទ្រាំលេបថ្ម លេបក្រួសជាមួយមនុស្សដែលលែងស្រលាញ់យើងនោះ? ដោយសារតែគេឃើញយើងកំសាក មិនហ៊ានចោលគេនេះហើយ ទើបគេក្លាហានទៅរកក្រៅមិនចេះណាយបែបនេះនោះ។

រូបតំណាង

ស្ត្រីវ័យឆ្លាត គឺជាមនុស្សដែលដឹងថាគួរបញ្ចប់រឿងនៅពេលណា ពេលណាត្រូវដើរចេញ។ បើភាពកក់ក្ដៅរបស់គ្រួសារត្រូវដោះដូរដោយសុភមង្គលរបស់មនុស្សស្រីមួយជីវិតនោះ វាមិនស័ក្ដិសមឡើយ៕

ប្រភព៖ Guu ប្រែសម្រួល៖ Caramel