អាហារធម្មតា ៤ ប្រភេទធ្វើឲ្យកើតជំងឺរលាក និងមហារីកពោះវៀន
- 2019-04-09 02:00:00
- ចំនួនមតិ 0 | ចំនួនចែករំលែក 0
អាហារធម្មតា ៤ ប្រភេទធ្វើឲ្យកើតជំងឺរលាក និងមហារីកពោះវៀន
ម្ហូបអាហារជាច្រើនដែលញ៉ាំទៅបណ្ដាលឲ្យរាងកាយមានជំងឺរលាក និងមិនត្រូវជាមួយអ្នកដែលកំពុងមានរបួស ឬមានមានជំងឺពីក្នុងសរីរាង្គដែលយើងមើលមិនឃើញ ប៉ុន្តែព័តមានដែលអាក្រក់នោះគឺថាអាហារដែលគេកំពុងនិយម និងញ៉ាំញឹកញាប់បំផុតនោះ ក៏ធ្វើឲ្យកើតជំងឺមហារីកពោះវៀនបានដែរ។
បើតាមរបាយការណ៍ពីអ្នកធ្វើការស្រាវជ្រាវ ហើយនិងការតាមដានទម្លាប់នៃការញ៉ាំរបស់មនុស្សប្រមាណ ១២១០០ នាក់ (បុរស ៤៦៨០០ នាក់) អាយុ ២៦ ឆ្នាំត្រូវបានគេកត់ចំណាំថាក្នុងក្រុមអាហារដែលពួកគេចូលចិត្តបរិភោគគឺធ្វើឲ្យហានិភ័យនៃជំងឺរលាកកើនឡើងក្នុងរាងកាយ ហើយអ្នកដែលញ៉ាំអាហារទាំងនោះយ៉ាងទៀងទាត់ហានិភ័យនៃការកើតជំងឺមហារីកពោះវៀនមានច្រើនជាង ៤៤% ។
អាហារដែលធ្វើឲ្យកើតមានជំងឺរលាកក្នុងរាងកាយរួមមាន៖
សាច់ក្រហមដូចជា សាច់គោ សាច់ក្របី និងសាច់ជ្រូក
សាច់កែឆ្នៃដូចជា ហែម និងសាច់ក្រក
អាហារដែលមានជាតិស្ករខ្ពស់ដូចជា នំប៉័ង នំដុត ភេសជ្ជៈក្រឡុក តែ កាហ្វេដាក់ស្ករ ទឹកស៊ីរ៉ូ ទឹកដោះគោផ្អែម
បាយស បាយដំណើប និងនំប៉័ងពណ៌ស។
អាហារទាំងនេះធ្វើឲ្យមុខងារក្នុងរាងកាយចុះខ្សោយ ដោយសារតែវាមានជាតិសរសៃតិច រួមទាំងធ្វើឲ្យការបញ្ចេញចោលមានការលំបាក។ បើសិនជាអ្នកចង់កាត់បន្ថយជំងឺមហារីកពោះវៀនធំ អ្នកគួរតែញ៉ាំអាហារណាដែលមានជាតិសរសៃខ្ពស់ ដូចជាបន្លែស្លឹកបៃតង ផ្លែឈើ និងគ្រាប់ធញ្ញជាតិ៕
ចុចអាន៖ ប្រយ័ត្នស្រីៗ! ដុំសាច់ ៤ ប្រភេទត្រូវព្យាបាលឲ្យទាន់ បើបណ្ដោយអាចវិវត្តន៍ទៅជាមហារីក