ចង់បានអាយុវែងត្រូវថើបមនុស្សដែលអ្នកស្រលាញ់ឲ្យបានរាល់ថ្ងៃ
- 2019-04-08 04:40:00
- ចំនួនមតិ 0 | ចំនួនចែករំលែក 0
ចង់បានអាយុវែងត្រូវថើបមនុស្សដែលអ្នកស្រលាញ់ឲ្យបានរាល់ថ្ងៃ
ស្ដាប់ទៅហាក់ដូចជារឿងមិនពិត តែការពិតទៅអ្នកវិទ្យាសាស្ត្របានរកឃើញថា ការថើបមនុស្សដែលអ្នកស្រលាញ់ផ្ដល់អត្ថប្រយោជន៍យ៉ាងច្រើន។ គូស្នេហ៍ដែលស្រលាញ់គ្នាតែងតែបង្ហាញក្ដីស្រលាញ់របស់ខ្លួនតាមរយៈការថើប។ ការថើបមនុស្សដែលអ្នកស្រលាញ់ដោយក្ដីពេញចិត្តមិនត្រឹមតែជាការបង្ហាញអារម្មណ៍ទៅកាន់ដៃគូរម្ខាងទៀតប៉ុណ្ណោះទេ តែវាផ្ដល់អត្ថប្រយោជន៍ជាច្រើនដល់សុខភាពស្ទើរមិនគួរឲ្យជឿ។
កាត់បន្ថយអាឡែរហ្សី
បើសិនអ្នកឬដៃគូរបស់អ្នកមានបញ្ហាជាមួយនឹងការកណ្ដាស់ ហៀរសំបោរពេលធំក្លិនអ្វីចម្លែក វិធីដែលងាយស្រួលហើយលឿនបំផុតក្នុងស្ថានភាពបែបនេះគឺត្រូវថើបឲ្យយូរ។ ការថើបនឹងជួយកាត់បន្ថយការវិវត្តន៍អង់ស៊ីម immunoglobulin E នៅក្នុងឈាម ជួយបញ្ចេញចោលអ៊ីដ្រាមីន កាត់បន្ថយរោគអាឡែរហ្សី រួមទាំងហៀរសំបោរនិងកណ្ដាស់។
កាត់បន្ថយភាពតានតឹង
បើសិនជាអ្នកកំពុងស្មុគស្មាញដោយសារការងារ ឬហត់នឿយនឹងជីវិត។ កុំស្ទាក់ស្ទើរក្នុងការថើបមនុស្សដែលអ្នកស្រលាញ់។ វាគ្មានមូលហេតុអ្វីទេ អ្នកគ្រាន់តែថើបនិងឱបមនុស្សដែលអ្នកស្រលាញ់ពេលនោះរាងកាយរបស់អ្នកនឹងពោរពេញដោយកម្លាំង មានអារម្មណ៍ថារីករាយ ហើយនិងរំភើបយ៉ាងខ្លាំង ដោយសារតែនៅពេលថើបរាងកាយរបស់អ្នកបង្កើតនូវអុកស៊ីតូស៊ីនដែលជាសារធាតុគីមីម៉្យាងធ្វើឲ្យមានសម្រស់ដូចធម្មជាតិ។ អ័រម៉ូននេះជួយការពារការរំខាន និងភាពស្មុគស្មាញ ក្នុងចិត្តរបស់អ្នក ជួយព្យាបាលរបួសនិងធ្វើឲ្យរាងកាយរបស់អ្នកបានធូរស្បើយ។
ជួយសម្រកទម្ងន់
ចំពោះគូស្នេហ៍ដែលចូលចិត្តញ៉ាំមិនបាច់បារម្ភច្រើនទេ។បើនឹកគ្នាខ្លាំង ឬមានអារម្មណ៍ថាឡើងគីឡូ ថើបគ្នាអាចធ្វើឲ្យអ្នកដុតបំផ្លាញចាប់ពី ១២០ កាឡូរីឡើងទៅ។ពិតណាស់អ្នកមិនអាចថើបគ្នារាប់ម៉ោងបានទេ តែវាជាដំណោះស្រាយដ៏ល្អមួយនៅពេលដែលអ្នកញ៉ាំតែទឹកដោះគោច្រើនពេក។
ធ្វើឲ្យក្មេងជាងវ័យ
ការថើបគ្នាយ៉ាងជ្រាលជ្រៅធ្វើឲ្យសាច់ដុំលាតសន្ធឹងលើមុខ ២៣ - ២៤ និងសាច់ដុំចំនួន ១១២ នៅលើរាងកាយ។ វាជួយកាត់បន្ថយភាពជ្រីវជ្រួញ និងជួយកាត់បន្ថយភាពចាស់នៅជុំវិញថ្ពាល់។ អ្នកដែលមានគូស្នេហ៍ផ្អែមល្ហែមតែងតែមានទឹកមុខស្រស់បស់ និងមានថាមពលជានិច្ច។
ជួយការពារជំងឺមហារីកសួត
ជាធម្មតាយើងដកដង្ហើមចូលប្រហែល ២០ដងក្នុងមួយនាទី ប៉ុន្តែនៅពេលថើបគ្នាវាបង្កើនចំនួនដងរហូតដល់ ៦០ ដងក្នុងមួយនាទី។ ការថើបគ្នាល្អចំពោះសួតរបស់អ្នកណាស់ ព្រោះតែសួតរបស់អ្នកត្រូវបានប៉ះទៅនឹងខ្យល់ សួតរបស់អ្នកនឹងកាន់តែរឹងមាំ ហើយជំងឺក្នុងសួតនឹងត្រូវបានកាត់បន្ថយ៕