៦ តិចនិកប្រឈមមុខនឹងមិត្តរួមការងារ ចរិតពស់ មុខពីរ
- 2019-03-18 06:00:00
- ចំនួនមតិ 0 | ចំនួនចែករំលែក 0
៦ តិចនិកប្រឈមមុខនឹងមិត្តរួមការងារ ចរិតពស់ មុខពីរ
ក្រុមហ៊ុនមួយណាក៏មានយ៉ាងតិច អ្នករួមការងារអាក្រក់ ២ ៣ នាក់ដែរ ដែលតែងតែឈ្នានីស ឬនិយាយដើមអ្នកដទៃ។ ជាមួយមនុស្សប្រភេទនេះ យើងត្រូវមានតិចនិកទើបបង្ក្រាបបាន។ ខាងក្រោមនេះគឺជា វិធីនានាដែលអាចប្រឈមមុខនឹងមិត្តរួមការងារ មុខពីរ ចរិតដូចសត្វល្មូនបាន។
១. បន្លប់និយាយលេង តែជាន់កែងមែនទែន
មិត្តរួមការងារអាក្រក់តែងមានទំនោរនិយាយដើមយើងឲ្យអ្នកដទៃស្ដាប់។ នៅពេលដែលយើងដឹងហើយថា គេនិយាយដើមយើង មិនចាំបាច់ធ្វើអ្វីច្រើននោះទេ ដោយគ្រាន់តែនិយាយបែបលេងសើចថា៖ ខ្ញុំឮយើងនិយាយដើមខ្ញុំតែរហូតហ្នឹង តែខ្ញុំខ្ជិលនិយាយ។ និយាយបណ្ដើរ សើចបណ្ដើរ ធ្វើដូចនិយាយលេង តែគេខ្លួនឯងនឹងដឹងថា ការពិតយើងបានជាន់កែងគេរួចទៅហើយ។
**២. បញ្ចេញមតិត្រង់ៗ**
មនុស្សម្នាក់ៗ តំណងឲ្យជិតគំនិតមួយដាច់ដោយឡែកពីគ្នា។ ទោះដូចគ្នាយ៉ាងណាក៏មានចំណុចខុសគ្នាដែរ។ គេត្រូវ មិនប្រាកដថាយើងខុសឡើយ។ បើយើងឃើញថា គេការពារតែចំណុចរបស់គេ ចឹងកុំក្រែង តែត្រូវការពារជំហររបស់ខ្លួន កុំឲ្យគេជាន់បាន។
៣. បែងចែកការងារឲ្យដាច់
ជាមួយអ្នកមុខពីរគឺគួរឲ្យខ្លាចខ្លាំងណាស់ នៅចំពោះមុខយើង គេអាចប្រាប់ថា គេនឹងជួយយើងធ្វើអ្វីមួយ មិនបាច់បារម្ភទេ។ ដល់ពេលយើងទុកចិត្តគេហើយ គេបែរជាធ្វើមិនដឹងទៅវិញ។ ដូចនេះហើយ ដើម្បីកុំឲ្យនាំទុក្ខដាក់ខ្លួនត្រូវបែងចែកការងារឲ្យដាច់ពីដំបូង។
៤. មានវិជ្ជាជីវៈ
ទោះបីជាគេមានចរិតអាក្រក់ក៏ពិតមែន តែមិនមែនមានន័យថា យើងអាចធ្វើចរិតផ្សារដាក់គេបានឡើយ។ ដើម្បីរក្សាតម្លៃខ្លួនបាន យើងត្រូវខ្លួនឲ្យមានវិជ្ជាជីវៈក្នុងខ្លួនជានិច្ច។ ព្រោះបើយើងធ្លោយតែបន្តិច គេអាចយកចំណុចមួយនេះមកចាប់កំហុសយើងរហូត។
៥. កុំទន់ខ្សោយ
កុំដោយសារតែគេចរិតពស់ ហើយយើងខ្លាចគេឲ្យសោះ។ ព្រោះបើយើងបង្ហាញថាខ្លាចគេ នោះគេនឹងបានដៃលើសដើម។ ដូចនេះហើយ យើងត្រូវប្រមូលភស្តុតាងឲ្យបានគ្រប់ ចាំឱកាសល្អ បញ្ចេញទាំងអស់តែម្ដង។
៦. ស្នើជំនួយពីថ្នាក់លើ
ប្រសិនបើស្ថានភាពអាក្រក់លើសពីសមត្ថភាពយើងអាចដោះស្រាយបានហើយ វិធីចុងក្រោយ គឺស្នើឲ្យថ្នាក់លើជួយអន្តរាគមន៍។ ដោយអាចបំបែកអ្នកទាំង២ចេញពីផ្នែកផ្សេងគ្នា ឬធ្វើការវេនផ្សេងគ្នាជាដើម៕
ចុចអាន៖មានតែអ្នកអសមត្ថភាពប៉ុណ្ណោះ ទើបទៅផឹកស៊ីយកចិត្តមេរាល់ថ្ងៃ