ស្រីៗកុំចេះតែហ៊ានផាត់មុខឲ្យសង្សារឲ្យសោះ ប្រយ័ត្នសង្សារស្អាតជាងបែបនេះ

2019-03-06 04:00:00
ចំនួនមតិ 0 | ចំនួនចែករំលែក 0

ចំណាយពេលត្រឹមតែ១ម៉ោង បុរសជាសង្សារបានប្រែក្លាយជាមនុស្សថ្មីផ្សេងទៀត ហើយស្អាតជាងសង្សាររបស់ខ្លួនទៀតផង។

នៅសម័យបច្ចប្បន្ននេះ អាចនិយាយបានថា ការផាត់មុខបានដើរតួយ៉ាងសំខាន់នៅក្នុងជីវិតនារីជាច្រើនរូប។ ចំណែកនារីជប៉ុនថែមទាំងបាននិយាយថា ពេលខ្លួនមិនផាត់មុខ គឺមានអារម្មណ៍ដូចស្រាតចេញក្រៅដែរ។ រាល់ចំណុចខ្វះខាតលើមុខ សុទ្ធតែអាចកែខៃបានដោយការផាត់មុខទាំងអស់។

មនុស្សស្រីប្រែជាមនុស្សថ្មីដោយសារផាត់មុខ គឺជារឿងធម្មតាទៅហើយ តែបើមនុស្សប្រុសប្រែក្រឡាដោយការផាត់មុខទើបប្លែក។ ជាក់ស្ដែង ថ្មីៗនេះ នារីម្នាក់ប៊ិះបាត់សង្សាររបស់ខ្លួន ដោយសារតែយកសង្សារមកផាត់មុខ។ តាមនោះដែរ ខាងស្រីកំពុងរៀនផាត់មុខ ដោយសារតែគ្មានម៉ូដែលឲ្យខ្លួនអនុវត្ត ទើបក៏យកសង្សារខ្លួនមកអនុវត្ត។ ក្រោយពេលផាត់មុខ និងពាក់សក់ឲ្យសង្សាររួច នាងក៏បានបង្ហោះសមិទ្ធិផលរបស់ខ្លួនលើបណ្ដាញសង្គម។

ពេលដំបូង នាងសប្បាយចិត្តជាខ្លាំងពេលបានគេសរសើរពីស្នាដៃរបស់ខ្លួន។ តែក្រោយមក នាងសើចលែងសម នៅពេលមានបុរសជាច្រើនចាប់ផ្ដើមចាប់អារម្មណ៍ និងសុំគណនីបណ្ដាញសង្គមរបស់សង្សារនាង ធ្វើឲ្យនាងត្រូវប្រាប់ការពិតថា ម៉ូដែលរបស់នាងគឺជាមនុស្សប្រុសនោះទេ៕