មូលហេតុធ្វើឲ្យអ្នកមានអារម្មណ៍ថា មួយថ្ងៃៗហត់ ទាំងការពិតមិនសូវបានធ្វើអីផង
- 2019-02-28 04:00:00
- ចំនួនមតិ 0 | ចំនួនចែករំលែក 0
មូលហេតុធ្វើឲ្យអ្នកមានអារម្មណ៍ថា មួយថ្ងៃៗហត់ ទាំងការពិតមិនសូវបានធ្វើអីផង
និយាយឲ្យត្រង់ទៅ អ្នកធ្វើការការិយាល័យ គឺឃើញតែត្អូញឥតល្ហែក្នុងរយៈពេល៨ម៉ោងដែលគេធ្វើការនេះ។ បញ្ចប់ថ្ងៃធ្វើការមួយ អ្នកគ្រប់គ្នាតែងមានអារម្មណ៍ថាឈឺឆ្អឹង ចុកគ្រប់កន្លែង ចង់តែគេងឲ្យបាត់ៗ។ ងងុយគេង ឈឺក្បាល ធុញថប់ មានអារម្មណ៍ថាដូចខ្លួនទើបតែមកពីធ្វើសង្គ្រាម។ តែឈប់សិន! សូមគិតឡើងវិញ តាមការពិត មួយថ្ងៃៗការងាររបស់យើង មិនបានមានប្រិសទ្ធិភាពដូចដែលអ្វីយើងបានគិតនោះទេ គឺវាបានតិចជាងអ្វីយើងរំពឹងច្រើនណាស់។
ភាគច្រើន ពួកយើងតែងទៅដល់ការិយាល័យម៉ោង៨ ឬម៉ោង៩។ ក្រឡេកចុះឡើងមិនទាន់ឃើញមេមក ក៏ឆ្វែទៅញ៉ាំបាយ ផឹកកាហ្វេបន្តិចសិន។ ឆ្វែចុះឡើង ប៉ុន្មានជុំ ក៏ដាច់ចិត្តបើកកុំព្យូទ័រឡើង ហើយបើកឡើង គឺមិនបានធ្វើការអីទេ គឺបើកមើល Facebook និង Instagram សិន ថាមានអ្វីគួរឲ្យចាប់អារម្មណ៍ឬអត់។ បន្ទាប់មកក៏ចូលបន្ទាប់ទៅដល់ Youtube មើលវីដេអូមួយ ពីរទៀតសិន។
មើលចុះមើលឡើង ក៏លើសម៉ោង១១ ជាងទៅហើយ។ ដល់ម៉ោងនេះ សួរថាត្រូវធ្វើអី? នោះគឺត្រូវគិតថា ពេលថ្ងៃនេះ ត្រូវញ៉ាំអីសិន។ ដូចនេះហើយ មិនមានអារម្មណ៍ធ្វើរបាយការណ៍ ឬគម្រោងអ្វីទាំងអស់។ ចំណាយពេលគិតជិត១ ម៉ោង ចុងបញ្ចប់ក៏គិតបានសម្រេចថា ទៅញ៉ាំបាយកន្លែងដែលញ៉ាំរាល់ថ្ងៃ ហើយដល់ពេលសម្រាកថ្ងៃត្រង់ល្មម។
ញ៉ាំបាយហើយគឺពុលបាយ ចឹងត្រូវគេងមួយស្របក់សិន ទើបមានកម្លាំងធ្វើការបន្ត។ បន្ទាប់មកក៏បើកវេទិការតុមូលជាមួយមិត្តរួមការងារថា ពេលថ្ងៃគួរញ៉ាំអីបន្តទៀត ក៏អស់ពេលមិនតិចដែរ។ ពេលដែលសល់ប៉ុន្មាន ប្រាកដជាធ្វើបានត្រឹមតែរបាយការណ៍មួយ ឬឡើងគម្រោងមួយតែប៉ុណ្ណោះ។ ធ្វើបានប៉ុណ្ណោះក៏ត្អូញថា ហត់ ឈឺខ្នង ចុងភ្នែក។ សល់មួយម៉ោងចុងក្រោយ សួរថាត្រូវធ្វើអី? គឺមានតែបើកមើលបណ្ដាញសង្គមដល់ពេលចេញតែប៉ុណ្ណោះ។
ឃើញនៅអ្នកទាំងអស់គ្នា តាមការពិត មួយថ្ងៃធ្វើការរបស់ពួកយើង ពេលខ្លះមិនបានមានប្រសិទ្ធិភាពដូចដែលយើងតែងគិតនោះទេ។ តែដោយហេតុផលណាមួយ យើងតែងត្អូញថាហត់ជានិច្ច ពេលមកដល់ផ្ទះវិញ៕
ចុចអាន៖ភាពខុសគ្នា៤ចំណុច រវាងមិត្តពិតនិងមិត្តរលួយក្នុង