ឆាប់ទទួលរងនូវអារម្មណ៍សោកសៅពីអ្នកដទៃ បង្ហាញថាអ្នកជាមនុស្សទន់ជ្រាយ
- 2019-02-14 04:58:24
- ចំនួនមតិ 0 | ចំនួនចែករំលែក 0
ឆាប់ទទួលរងនូវអារម្មណ៍សោកសៅពីអ្នកដទៃ បង្ហាញថាអ្នកជាមនុស្សទន់ជ្រាយ
មនុស្សដែលឆាប់ទទួលនូវអារម្មណ៍គ្រប់បែបយ៉ាងពីមនុស្សជុំវិញខ្លួន គឺមិនដែលមានទទួលបានសេចក្ដីសុខពេញលេញឡើយ។ អារម្មណ៍ និងក្ដីសុខអ្នកគឺទទួលបានដោយសារតែអ្នកដទៃមិនមែនជាខ្លួនឯង នោះវានឹងបង្ហាញឲ្យឃើញថាអ្នកជាមនុស្សម្នាក់ដែលមិនទាន់រឹងមាំនឹងគ្រប់គ្រងអារម្មណ៍ខ្លួនឯង។
បែបនេះវាមិនខុសអីពីអ្នកផ្ញើសុភមង្គលខ្លួនឯងទៅនឹងអ្នកដទៃទេ គេចង់ឲ្យអ្នកសើចអ្នកសើច គេចង់ឲ្យអ្នកយំអ្នកយំ ដូច្នេះមួយជីវិតនេះអ្នកគ្មានឥទ្ធិពលលើជីវិតខ្លួនឯងឡើយ។ ក្ដីសុខដែលបានមកពីគេ គឺមិនមែនជាសេចក្ដីសុខដែលមនុស្សគ្រប់គ្នាគួរទទួលបាននោះទេ។ សុភមង្គលពិតគឺជាសុភមង្គលដែលរកឃើញចេញពីខ្លួនឯង ព្រោះខ្លួនអ្នកនឹងផ្ដល់សេចក្ដីឲ្យខ្លួនឯងបានរាល់ថ្ងៃ។
បើដឹងថាខ្លួនឯងជាមនុស្សម្នាក់ដែលឆាប់រំញោចនឹងអ្វីដែលអ្នកដទៃបង្ហាញមក អ្នកគួរតែព្យាយាមបង្វឹកខ្លួនឯងឲ្យក្លាយជាមនុស្សរឹងមាំជាងនេះបន្តិច។ កុំព្យាយាមទទួលគ្រប់រឿងដែលគេបានធ្វើឡើងពេក ព្រោះនោះជាអ្វីដែលគេធ្វើ តែអ្វីដែលអ្នកត្រូវធ្វើគឺប្រាប់ខ្លួនឯងឲ្យមានភាពធូរស្រាល មិនខ្វល់ខ្វាយពីគេច្រើនពេក។
មនុស្សដែលយំសើចដោយសារអ្នកផ្សេងពីខ្លួនឯង គឺជាមនុស្សដែលទន់ជ្រាយ គ្មានកម្លាំងតបតនឹងឥទ្ធិពលអ្នកផ្សេង ដែលឲ្យគេចូលមកបំផ្លាញសេចក្ដីអ្នកបាន។ ព្យាយាមឡើង ព្យាយាមកុំឲ្យអ្នកណាមកបំផ្លាញអ្នកបានអី ត្រូវញញឹម ត្រូវរឹងមាំ ត្រូវរីករាយឡើង ទោះគេធ្វើឲ្យអ្នកឈឺចាប់ក៏ដោយ។
គេធ្វើឲ្យអ្នកឈឺចាប់មិនបានទេ បើអ្នករឹងមាំ មិនទទួលអារម្មណ៍ពីគេ៕
ចុចអាន៖មនុស្សប្រុស បើស្រឡាញ់ខ្លាំង គឺតែងមានទង្វើបែបនេះជានិច្ច