៦យ៉ាងក្នុងខ្លួនមនុស្សស្រីៗត្រូវផ្លាស់ប្ដូរមិនគួរឲ្យជឿ ក្រោយសម្រាលកូនរួច

2019-02-13 06:47:03
ចំនួនមតិ 0 | ចំនួនចែករំលែក 0

ជីវិតមនុស្សស្រីយើងនឹងមានការផ្លាស់ប្ដូរយ៉ាងខ្លាំងបន្ទាប់ពីសម្រាលកូនរួច។ នាងត្រូវមានទំនួលខុសត្រូវលើខ្លួនឯងនិងកូនៗ។ អ្នកវិទ្យាសាស្ត្របានប្រាប់ថា ការផ្លាស់ប្ដូរដ៏ធំមួយនេះកើតមានឡើងនៅក្នុងរាងកាយអ្នកម្ដាយចាប់តាំងពីកូនចាប់កំណើតក្នុងផ្ទៃម្ល៉េះ ហើយការផ្លាស់ប្ដូរនេះនឹងនៅជាប់ខ្លួននាងអស់មួយជីវិត។ ថ្ងៃនេះ យើងនឹងមកដឹងថាស្រីៗប្រែប្រួលអ្វីខ្លះបន្ទាប់ពីសម្រាលកូនរួច?

១. ប្ដូរសំឡេង

សំឡេងរបស់មនុស្សស្រីនឹងប្រែប្រួល ក្រោយពេលផ្ដល់កំណើតឲ្យកូនហើយ។ វានឹងអន់ថយជាងមុន។ នេះជាការសន្និដ្ឋានរបស់អ្នកវិទ្យាសាស្ត្រនៅសាកលវិទ្យាល័យ Sussex ។ ប៉ុន្តែ១ឆ្នាំក្រោយ វាអាចនឹងវិលមកដូចដើមវិញ។ អ្នកស្រាវជ្រាវបាននិយាយទៀតថា ការផ្លាស់ប្ដូរនេះគឺមកពីការប្រែប្រួលអ័រម៉ូន។ អ័រម៉ូនភេទមានការថយចុះខ្លាំងបន្ទាប់ពីសម្រាលកូនរួច វាប៉ះពាល់ដល់សរសៃឈាម។

២. មានអារម្មណ៍ព្រួយបារម្ភច្រើនជាងមុន

បន្ទាប់ពីសម្រាលរួច ទោះអ្នកម្តាយទាំងអស់ខំប្រឹងធ្វើអារម្មណ៍ស្ងប់យ៉ាងណាក៏មិនអាចទៅរួចដែរ។ ពួកគេនឹងភ័យខ្លាចជាមួយរឿងគ្រប់យ៉ាង ជាពិសេសពេលទារកយំ ទារកមិនយំ ពេលទារកមិនគេង និងទាំងពេលគេងយូរពេកក៏ដោយ។ វាមិនមែនដោយសារតែអារម្មណ៍របស់ស្ត្រីបែបនេះទេ តែមកពីអ័រម៉ូនអុកស៊ីតូស៊ីនដែលរក្សាការកើនឡើងនូវកម្រិតនៃថប់អារម្មណ៍របស់ស្ត្រី។ អ័រម៉ូនមួយទៀតឈ្មោះថា Progesterone មានមុខងារទទួលខុសត្រូវការសម្រាកនៃប្រព័ន្ធប្រសាទ និងជួយការពារស្រ្តីពីស្ថានភាពបែបនេះ តែវាមានកម្រិតទាបបន្ទាប់ពីសម្រាលកូនរួច។ ដូច្នេះម្តាយគ្រប់រូបគួរតែសម្របខ្លួនជាមួយអារម្មណ៍បែបនេះបន្ទាប់ពីសម្រាលកូនរួច។

៣.ខួរក្បាលធ្វើការបានល្អជាងមុន

អ្នកវិទ្យាសាស្ត្រប្រាប់ថា ស្ត្រីនឹងឆ្លាតជាងមុនពេលសម្រាលកូនហើយ។ ខួរក្បាលប្រែជាធំជាងមុនតាមតម្រូវការខ្លួនឯង មិនមែនសម្រាប់តែទារកទេ។ នោះហើយជាមូលហេតុដែលអ្នកម្ដាយអ្នកមានកូនហើយជាបុគ្គលិកដ៏ល្អជាអ្នកដែលមិនទាន់មានកូន។មានសមត្ថភាពក្នុងការសម្រេចចិត្ត មានភាពរឹងមាំខាងផ្លូវចិត្ត អាចបង្កើតយុទ្ធសាស្ត្រផ្សេងៗក្នុងការដោះស្រាយបញ្ហា។ ប្រៀបបានដូចជាអ្នកដឹកនាំមួយរូបចឹង។

៤. ងាយនឹងមានកូនក្រោយៗទៀត

ប្រព័ន្ធភាពស៊ាំរបស់ស្ត្រីថយចុះខ្លាំងពេលមានផ្ទៃពោះ។ វាត្រូវបានទាមទារឲ្យមានការទប់ស្កាត់រាងកាយពីការរលូតកូន។ កោសិកា T-cell មានមុខងារទទួលខុសត្រូវចំពោះជីវិតទារកក្នុងស្បូន។ អ្នកវិទ្យាសាស្ត្របានរកឃើញថា កោសិកាទាំងនេះនឹងបន្តមាននៅក្នុងរាងកាយរបស់ស្ត្រីរយៈពេល ៤-៥ឆ្នាំបន្ទាប់ពីសម្រាលកូនរួច ហើយពួកវានឹងជួយសម្រួលដល់រាងកាយក្នុងករណីមានកូនជាថ្មីម្ដងទៀត។

៥. រាងកាយប្រែជាថ្មីម្ដងទៀត

ទាំងអស់នេះគឺដោយសារតែឈាមរបស់ទារក។ វាចាប់ផ្តើមដំណើរការជាថ្មីម្តងទៀតនៅក្នុងខ្លួនអ្នកម្ដាយ។ កោសិកាអំប្រ៊ីយ៉ុងជួយស្រ្តីមានផ្ទៃពោះឲ្យជាសះស្បើយពីរបួស និងការពារពីជំងឺធ្ងន់ធ្ងរ។ ជាឧទាហរណ៍ ស្រ្តីដែលមានជំងឺរលាកថ្លើមប្រភេទ C បានបញ្ឈប់ពីការព្យាបាល ហើយគេឃើញមានការប្រសើរឡើង។ អ្នកវិទ្យាសាស្ត្របានរកឃើញថាកោសិកាថ្លើមរបស់នាងជាកោសិកាថ្លើមរបស់ទារក។

៦. កាត់បន្ថយការកើតជំងឺមហារីក

ស្ត្រីដែលបានផ្ដល់កំណើតឲ្យកូននៅវ័យក្មេង មានការថយចុះនូវហានិភ័យនៃការកើតជំងឺមហារីកអូវែ និងអ័រម៉ូន endometrium ។ មនុស្សស្រីដែលមានកូននៅអាយុ ២៥ឆ្នាំ ហើយបំបៅកូនដោយទឹកដោះគឺមិនងាយនឹងកើតជំងឺមហារីកសុដន់ទេ៕

ចុចអាន៖

ប្រភព៖ Brightside ប្រែសម្រួល៖ ឃួន សុលីកា