៥ ល្បិចទាញចំណាប់អារម្មណ៍មនុស្សជាទីស្រលាញ់កាន់តែខ្លាំងឡើងៗ

2019-02-07 09:00:00
ចំនួនមតិ 0 | ចំនួនចែករំលែក 0

នរណាក៏ដោយមិនថាសង្សារអ្នក ឬមិនមែនទេឲ្យតែពេលបាននៅក្បែរប្រាកដជាមានអារម្មណ៍រំជើបរំជួល ប្រសិនបើមាន ៥ ចំណុចនេះ។ អ្នកទាំងនោះនឹងមិនដឹងខ្លួន ព្រោះដូចជាមានអ្វីមកសណ្ដំចិត្ត។

១.ឈប់សម្ដែងជាវីរនារី

នៅពេលមនុស្សស្រឡាញ់គ្នាទៅវិញទៅមក អ្នកគិតថាមូលហេតុគឺគួរឲ្យអស់សំណើចណាស់។ អ្នកមិនចាំបាច់ធ្វើខ្លួនជាមនុស្សស្រីអស្ចារ្យពេកនោះទេ ព្រោះថាការសម្ដែង ឬមិនសម្ដែងមើលទៅគឺដឹងច្បាស់ណាស់។ ធ្វើខ្លួនត្រឹមជាមនុស្សចេះជួយគេឯងពេលមានទុក្ខ គឺគ្រប់គ្រាន់ណាស់ទៅហើយ។

២.លេចឡើងនៅគ្រប់ទីកន្លែងដែលគាត់មិនសប្បាយចិត្ត

មិនថានៅពេលណា កន្លែងណា បើគាត់មិនសប្បាយ អ្នកត្រូវតែបង្ហាញខ្លួនឲ្យដៃគូឃើញ ដើម្បីជាការផ្ដល់កម្លាំងជំរុញទឹកចិត្តគាត់។ មនុស្សប្រុសពិតជារីករាយនៅពេលឃើញនារីដែលខ្លួនស្រលាញ់បង្ហាញខ្លួន ស្របពេលកំពុងកើតទុក្ខ ហើយក៏កាន់តែជឿជាក់ចំពោះស្នេហាខ្លួន។

៣.កុំធ្វើឲ្យគាត់មានអារម្មណ៍មិនល្អ

ប្រសិនបើអ្នកចង់ឲ្យគាត់មានអារម្មណ៍ងប់ងុលជាមួយអ្នក កុំព្យាយាមធ្វើឲ្យគាត់មានអារម្មណ៍មិនល្អ គ្រាន់តែរក្សាកែវភ្នែកលើគ្រប់ជំហាននៃសកម្មភាព ហើយបើគាត់ធ្វើមិនល្អ កុំប្រើពាក្យស្ដីបន្ទោស ព្រោះអាចជាការទម្លាក់ដុំថ្មលើទ្រូងគាត់។ កុំធ្វើឲ្យគាត់មានអារម្មណ៍ខ្វាយខ្វល់ពេលនិយាយជាមួយអ្នក។

៤.ឃើញតម្លៃនៃខ្លួនគាត់ មិនមែនជាទ្រព្យគាត់

មនុស្សស្រីដែលស្រលាញ់បុរសលើទ្រព្យ ពិតជាមិនអាចយកបានក្ដីស្រលាញ់ពិតឡើយ។ តែបើអ្នកស្រលាញ់តម្លៃនៃខ្លួនគាត់ នោះមនុស្សប្រុសនឹងស្រលាញ់អ្នកចេញពីបេះដូង។

៥.ផ្ដល់ឱកាសឲ្យអ្នកដទៃ

មនុស្សប្រុសក្រៅពី ៤ ចំណុចខាងលើ អ្វីដែលធ្វើឲ្យខ្លួនកាន់តែស្រលាញ់នារីម្នាក់នោះខ្លាំងឡើង គឺទង្វើនេះឯង។ ការមិនបៀតបៀន ហើយបែរជាចេះផ្ដល់ឱកាសឲ្យអ្នកដទៃបានរីកចម្រើន គឺជាសញ្ញាបញ្ជាក់ថាអ្នកជាមនុស្សស្រីដ៏ល្អ៕

ចុចអាន៖Quote ទាំង១០ សម្រាប់លើកទឹកចិត្តខ្លួនឯង ក្រោយបែកបាក់ស្នេហា

ប្រភព៖ Sanook ប្រែសម្រួល៖ ទ្រី រ៉ាវី