រូបមន្តធម្មជាតិសម្រាប់អ្នកចង់បានមុខសស៊ីជម្ពូ បាត់មុន ដោយប្រើប៉េងប៉ោះ
- 2019-01-05 04:00:56
- ចំនួនមតិ 0 | ចំនួនចែករំលែក 0
រូបមន្តធម្មជាតិសម្រាប់អ្នកចង់បានមុខសស៊ីជម្ពូ បាត់មុន ដោយប្រើប៉េងប៉ោះ
ប៉េងប៉ោះសម្បូរដោយវីតាមីនសំខាន់ៗជាច្រើនដូចជា វីតាមីន A, C និង K ដែលអ្នកអាចរកឃើញនៅលើផលិតផលថែរក្សាសម្រស់ផ្សេងៗ។ វីតាមីនទាំងនេះជួយធ្វើឱ្យស្បែកមានសុខភាពល្អ ហើយជាតិអាស៊ីតពីធម្មជាតិដែលមាននៅក្នុងផ្លែប៉េងប៉ោះក៏អាចជួយកាត់បន្ថយបញ្ហាស្ទះរន្ធរោម និងបំបាត់មុនបានទៀតផង។ ក្រៅពីនេះ ជាតិលីកូពីនដែលមានក្នុងផ្លែប៉េងប៉ោះអាចប្រឆាំងរ៉ាឌីកាល់សេរីដែលបំផ្លាញកោសិកាស្បែកបានថែមទៀត។
ថ្ងៃនេះ យើងនឹងមករៀនធ្វើ Scrub ដុសមុខសម្រាប់អ្នកមានបញ្ហាមុន និងចង់បានស្បែកមុខសបែបស៊ីជម្ពូដោយប្រើប៉េងប៉ោះជាមួយគ្នា!
របស់ដែលត្រូវការគឺ ប៉េងប៉ោះ១ចំហៀង និងស្ករសកន្លះស្លាបព្រាកាហ្វ។ យកប៉េងប៉ោះដែលកាត់ជាពីរមករោយស្ករសពីលើ ហើយដុសថ្នមៗលើមុខជារង្វង់។ ចាប់ផ្ដើមពីថ្ពាល់ ចង្កា ថ្ងាស និងជុំវិញច្រមុះ តែត្រូវចាំថាកុំប្រើកម្លាំងដៃធ្ងន់ៗពេក ព្រោះវានាំឱ្យស្ករកកិតលើស្បែកទៅជាដាច់រលាត់ និងជាំបាន។
វិធីនេះ អ្នកអាចធ្វើ១ ទៅ២ដងក្នុងមួយសប្ដាហ៍ ដោយម្ដងម៉ាស្សាចុះឡើង២-៣នាទី រួចសឹមលាងចេញដោយប្រើទឹកក្ដៅឧណ្ហៗ ហើយលាបប្រេងផ្ដល់សំណើមលើស្បែកតាមក្រោយក៏បាន៕