៣ វិធីជួយឲ្យអាចអ្នកថែរក្សាស្នេហ៍ដំបូងបានគង់វង្ស

2018-12-30 03:00:00
ចំនួនមតិ 0 | ចំនួនចែករំលែក 0

អ្នកណាៗក៏តែងតែនិយាយថា ស្នេហាដំបូងក្នុងជីវិត គឺមិនអាចដើរជាមួយគ្នាបានយូរនោះឡើយ គឺរមែងតែងបែកបាក់ពាក់កណ្ដាលផ្លូវជានិច្ច។ តែបើយើងដឹងពីវិធីថែរក្សាវា នោះវានឹងគង់វង្សខុសពីអ្វីដែលគេនិយាយ។

រូបតំណាង

សួរថាលើលោកនេះ បានមនុស្សប៉ុន្មាននាក់ដែលអាចដើរជាមួយស្នេហ៍ដំបូងរបស់ខ្លួនដល់ចុងវិថីជីវិតនោះ? គឺកម្រខ្លាំងណាស់ បានដើរជាមួយគ្នាប៉ុន្មានឆ្នាំគឺចាត់ទុកថាសំណាងទៅហើយ កុំថាឡើយនៅជាមួយគ្នារហូត។ ស្នេហាដំបូងនៅវ័យក្មេងខ្ចី គំនិតក៏ខ្លី ខឹងងង៉ក់អីតែបន្តិចក៏ចង់បែក។ ដូចនេះហើយ គេតែងថា ស្នេហ៍ដំបូងមិនដែលបានគង់ទេ តែបើយើងស្រលាញ់ចេញពីចិត្ត ហើយដឹងពីវិធីថែរក្សាវា នោះវានឹងមិនដូចអ្វីដែលគេនិយាយទេ។ ខាងក្រោមនេះ គឺជាវិធីមួយចំនួនជួយរក្សាស្នេហ៍គ្រាដំបូងឲ្យបានយូរ។

១. ស្វែងយល់គ្នាឲ្យបានច្បាស់មុនស្រលាញ់

ដើម្បីមានស្នេហ៍ដំបូងដែលមានរយៈពេលយូរ មុនសម្រេចឈានដល់ក្លាយជាសង្សារនឹងគ្នា ភាគីទាំងសងខាងគួរស្វែងយល់ពីគ្មានឲ្យច្បាស់សិន កុំហក់តាមមិត្តភ័ក្ដិ ដែលឃើញគេមានសង្សារ យើងក៏ចង់មានដែរ ដោយមិនពិចារណាច្បាស់លាស់។ ការស្វែងយល់គ្នាយូរ ជួយឲ្យអ្នកដឹងពីចរិតពិតរបស់គ្នាទៅវិញទៅមកច្បាស់។ កំឡុងស្វែងយល់នេះ បើឃើញថាមិនសមគ្នា យើងមិនចាំបាច់ឈានដល់ដំណាក់កាលស្រលាញ់គ្នាជាផ្លូវការនោះឡើយ។

រូបតំណាង

២. ចេះរក្សាតម្លៃខ្លួនឯង

ស្នេហ៍គ្រាដំបូងគឺស្ថិតក្នុងវ័យយុវវ័យដែលអ្នកណាក៏ចង់ដឹង ចង់ឮច្រើន មានចម្ងល់ក៏ច្រើន។ ដូចនេះហើយ កុំដោយសារតែការចង់ដឹងឮនេះហើយធ្វើឲ្យបាត់បង់តម្លៃរបស់ខ្លួនឲ្យសោះ។ កុំដោយសារតែស្នេហា អាចលះបង់អ្វីគ្រប់យ៉ាង ជាពិសេសគឺបោះបង់ការសិក្សាឲ្យសោះ។ ព្រោះនៅពេលដែលយើងលែងឲ្យតម្លៃខ្លួនឯង កុំសង្ឃឹមថាគេឲ្យតម្លៃអ្នកឲ្យសោះ។ នៅពេលភាគីទាំងសងខាងគោរពគ្នា មនោសញ្ចេតនាក៏ត្រូវបានឲ្យតម្លៃដូចគ្នា។

៣. សួរគេត្រង់ៗ

អ្វីដែលទៅតែម្ខាង នោះនឹងមិនស្ថិតស្ថេរនោះទេ ទាល់តែមានទៅមានមកទើបយូរអង្វែង។ ចង់យើងស្រលាញ់គេអស់ពីចិត្តប៉ុណ្ណា បើគេគ្មានអារម្មណ៍ដូចយើង នេះមិនមែនហៅថាស្នេហានោះទេ។ ដើម្បីជៀសវាងធ្លាក់ចូលការភាន់ច្រឡំដោយខ្លួនឯង។ មុនពេលដាក់ចិត្តដាក់កាយស្រលាញ់គ្នា ត្រូវសួរគេត្រង់ៗថា តើគេពិជាស្រលាញ់យើងឬអត់ ឬគ្រាន់តែលើសពីមិត្តភ័ក្ដិ តែមិនមែនជាស្នេហា។ ជៀសវាង យើងកំពុងតែដាក់ចិត្តស្រលាញ់គេហើយ គេបែរជាថា គ្រាន់តែចាត់យើងជាមិត្តជិតស្និទ្ធិប៉ុណ្ណោះ។ ព្រោះមនុស្សមិនតិចឡើយដែលបានធ្លាក់ចូលស្ថានភាពនេះរួចទៅហើយ៕