ហេតុផលបញ្ជាក់ថា អ្នកនៅ single ច្រើនតែជាមនុស្សរឹងមាំ

2018-11-27 00:00:00
ចំនួនមតិ 0 | ចំនួនចែករំលែក 0

ការរស់នៅម្នាក់ឯងយូរធ្វើឲ្យមនុស្សមានភាពរឹងមាំខ្លាំងឡើងៗ ព្រោះតែធ្វើអ្វីបានដោយខ្លួនឯង មិនបែងចែកអារម្មណ៍ មានភាពនឹងន...។ ខាងក្រោមនេះជាហេតុផលដែលបញ្ជាក់ថា អ្នកនៅ single យូរច្រើនតែរឹងមាំក្នុងជីវិតរបស់ពួកគេ។

១.អ្នកបានឃើញពិភពលោកពិត

មនុស្សជាច្រើនបានលោតចូលទៅក្នុងទំនាក់ទំនងស្នេហា ដើម្បីបង្វែរខ្លួនពួកគេចេញពីបញ្ហាជីវិត។ ពេលវេលាកន្លងផុតទៅជីវិតរបស់អ្នកទាំងនោះនឹងដួលរលំ ខណៈដែលពួកគេមិនដែលដោះស្រាយបញ្ហាពិតប្រាកដរបស់ពួកគេ។

រូបតំណាង

**២.អ្នកគិតពីអ្វីដែលអ្នកពិតជាចង់បានក្នុងជីវិត**

នៅពេលចូលក្នុងទំនាក់ទំនងស្នេហា មនុស្សមួយចំនួនច្រើនងាយនឹងភ្លេចអំពីគោលដៅជីវិតរបស់ពួកគេ។ នេះហើយជាហេតុធ្វើឲ្យអ្នកទាំងនោះមិនបានធ្វើរឿងដែលចង់ធ្វើ ទាល់តែស្នេហាមានការរង្គោះរង្គើ ទើបចង់បកក្រោយ។

៣.អាចប្រឈមមុខបញ្ហាលំបាកបាន

នៅពេលអ្នកជួបប្រទះនឹងបញ្ហានៃជីវិតតែម្នាក់ឯង អ្នកអាចអភិវឌ្ឍខ្លួនឲ្យកាន់តែរឹងមាំទៅៗ ហើយ សមត្ថភាពរបស់អ្នកក្នុងការដោះស្រាយបញ្ហាក៏កាន់តែល្អ អ្នកក៏មានអារម្មណ៍មានភាពរឹងមាំក្នុងខ្លួន។

៤.អ្នកដឹងពីមូលហេតុធ្វើឲ្យទំនាក់ទំនងបរាជ័យ

នៅពេលអ្នកចំណាយពេលយូរមើលគូស្វាមីភរិយា ឬគូសង្សារដទៃបែកបាក់ អ្នកក៏ចាប់ផ្ដើមគិតគូរពីមូលហេតុដែលធ្វើឲ្យទំនាក់ទំនងបរាជ័យ។ បទពិសោធនេះអាចជួយអ្នកឲ្យមានទំនាក់ទំនងល្អជាមួយដៃគូ ពេលមានស្នេហា។

៥.អ្នកទទួលបានឱកាសកាន់តែប្រសើរឡើង

មនុស្សដែលនៅលីវបានយូរ ក៏អាចទទួលបានឱកាសការងារ ក៏ដូចជាការសិក្សាបានច្រើនជាងអ្នកមានដៃគូស្នេហា។ ព្រោះគេមើលឃើញថា អ្នកមានភាពនឹងនក្នុងខ្លួនដែលអាចសម្រេចភារកិច្ចបានល្អជាងអ្នកមានគូរ។

រូបតំណាង

៦.អ្នកមានគ្រប់គ្រាន់តាមដែលខ្លួនចង់បាន

ចង់ធ្វើដំណើរកន្លែងណា? ទៅកន្លែងនោះភ្លាមមិនចាំបាច់សួរយោបល់ ឬណាត់ដៃគូទៅ។ ចង់ទៅញ៉ាំអី? ទៅញ៉ាំភ្លាម មិនចាំបាច់គិតថា ទៅញ៉ាំអានោះ តិចសង្សារអត់ចេះញ៉ាំទៅ។ ចង់សិក្សាក្រៅប្រទេស? ទៅវឹងគ្មានភ័យខ្លាចថា តិចសង្សារលួចមានថ្មីទៅ និយាយរួមគឺមានសេរីភាពពេញទំហឹង។

៧.អ្នកដឹងច្បាស់ពីតម្រូវការពិតប្រាកដរបស់ខ្លួនឯង

នៅពេលមនុស្សបានផ្លាស់ប្ដូរពីទំនាក់ទំនងមួយទៅទំនាក់ទំនងមួយទៀត ពួកគេបានបាត់បង់ទំនាក់ទំនងជាមួយខ្លួនឯងបាត់ទៅហើយ ហើយក៏មិនបានស្គាល់ពីតម្រូវការពិតប្រាកដរបស់ខ្លួនដែរ។ តែពេលអ្នកនៅលីវអ្នកនឹងរកឃើញអ្វីដែលអ្នកចង់បានពិត ហើយឱកាសរបស់អ្នកក៏ល្អ និងខ្ពស់ជាងដែរ៕

ចុចអាន៖មនុស្សស្រីលើលោកមិនចាំបាច់ត្រូវតែមានគូគ្រប់គ្នា បើមានហើយជីវិតកាន់តែវេទនា នៅលីវតល្អជាង

អត្ថបទ៖ ទ្រី រ៉ាវី