លែងខ្លាចផាត់មុខស កខ្មៅហើយ ឲ្យតែចេះរើសម្សៅតាមវិធីទាំងនេះ

2018-11-19 04:30:00
ចំនួនមតិ 0 | ចំនួនចែករំលែក 0

ធុញអត់ឲ្យតែពេលផាត់មុខម្តងៗ ឃើញមុខសជាងកមិនសមភ្នែកទាល់តែសោះ។ ដំណោះស្រាយតែមួយគត់គឺ ការចេះជ្រើសរើសម្សៅទ្រនាប់និងដឹងពីរបៀបផាត់ឲ្យបានត្រឹមត្រូវ ឬអាចធ្វើតាមការណែនាំដែល "កញ្ញា" បង្ហាញដូចក្រោមនេះ។

ជំហានទី១

ផាត់មុខនៅកន្លែងដែលមានពន្លឺគ្រប់គ្រាន់ ឆ្លុះកញ្ចក់មើល ដើម្បីដឹងថាស្បែកមុខនិងស្បែកក មានពណ៌ខុសគ្នាកម្រិតណា។

ជំហានទី២

ជ្រើសរើសម្សៅផាត់ក ឲ្យដូចគ្នាទៅនឹងម្សៅដែលអ្នកផាត់មុខ។

ជំហានទី៣

ប្រសិនបើអ្នកប្រើម្សៅទ្រនាប់ហុយ ត្រូវផាត់ដោយប្រើជក់ធំហើយទន់ នៅត្រង់បរិវេណក អូសចុះឡើង រហូតសាច់ម្សៅចូលសាច់សព្វល្អ ជាពិសេសនៅត្រង់កន្លែងថ្គាម។

ជំហានទី៤

ប្រសិនបើអ្នកប្រើម្សៅទ្រនាប់ទឹក ត្រូវចាក់នៅលើខ្នងដៃក្នុងបរិមាណសមល្មម ដោយប្រើប៉ុងដើម្បីផាត់មុខនិងក តប់ថ្នមៗ រហូតមានពណ៌ស្មើគ្នា។

ជំហានទី៦

ប្រើម្សៅហុយដែលមានពណ៌សជាងម្សៅទ្រនាប់ យកផាត់លើមុខនិងក ដើម្បីឲ្យម្សៅទ្រនាប់ជាប់បានយូរ និងនៅតែរក្សាពណ៌ដូចគ្នារវាងសាច់មុខនិងក។

បើមិត្តៗនារីចង់ដឹងកាន់តែច្បាស់ ពីរបៀបតុបតែងមុខ ឬទាក់ទងជាមួយនឹងការថែរក្សាសម្ផស្សឲ្យបានកាន់ច្បាស់ អាចចូលរួម ពិព័រណ៍ នារីសម័យថ្មី Ladies' Fair ដែលនឹងធ្វើឡើងនៅ ថ្ងៃទី២២-២៣ ខែធ្នូ ២០១៨ ខាងមុខនេះ នៅកោះពេជ្រ ដោយមានលក់សុទ្ធតែផលិតផលសម្រាប់ស្រីៗក្នុងតម្លៃ Discount រហូតដល់ ៨០% ឯណោះ។