១០លក្ខណៈរបស់មនុស្សស្រីខ្លាំងពូកែ ដែលអាចជាគោលជំហរគ្រួសារបាន

2018-11-14 23:00:00
ចំនួនមតិ 0 | ចំនួនចែករំលែក 0

មនុស្សស្រី បច្ចុប្បន្នមានការជឿជាក់លើខ្លួនឯងកាន់តែច្រើន។ អ្វីដែលសំខាន់គឺពួកគេក៏មានសមត្ថភាពមិនចាញ់បុរសឡើយ។ ដូចដែលយើងឃើញហើយតាមសារព័ត៌មានផ្សេងៗ ថាមនុស្សស្រីជាច្រើនអ្នកបានតស៊ូមិនចុះចាញ់រហូតបានជោគជ័យ និងក្លាយជាអាយដលរបស់មនុស្សជាច្រើន។ ប៉ុន្តែបើអ្នកចង់ជោគជ័យដូចជាពួកគេ សូមសាកល្បងយកលក្ខណៈសម្បត្តិរបស់មនុស្សស្រីរឹងមាំចំនួន ១០ចំណុចខាងក្រោមនេះមកអនុវត្ត៖

១. ជឿជាក់លើខ្លួនឯង

មនុស្សស្រីដែលទទួលជោគជ័យសុទ្ធតែមានចំណុចមួយដូចគ្នា នោះគឺភាពជឿជាក់លើខ្លួនឯង ដែលស្ដែងឲ្យឃើញច្បាស់តាមរយៈសកម្មភាពទូទៅ។

២. តែងអភិវឌ្ឍសមត្ថភាពខ្លួន

មនុស្សស្រីរឹងមាំនឹងមានសមត្ថភាពខ្ពស់ មិនចាញ់អ្នកណា ប៉ុន្តែសមត្ថភាពដែលបានមកនោះគឺសុទ្ធតែកើតចេញការហ្វឹកហាត់ជំនាញនានា និងត្រៀមខ្លួន។

៣. មិនព្រមឲ្យអ្នកណាមើលមកថាទន់ខ្សោយ

នាងនឹងមិនប្រើងារជាមនុស្សស្រីដើម្បីយកប្រៀប ឬបង្ហាញពីភាពទន់ខ្សោយឡើយ។ នាងនឹងព្យាយាមធ្វើគ្រប់យ៉ាង ឲ្យមានភាពស្មើគ្នា។

៤. ឧស្សាហ៍ ខំប្រឹងធ្វើការ

ពាក្យថាធ្វើការធ្ងន់ គឺមិនចាំបាច់ត្រូវធ្វើការអត់ដេកអត់ពួនដើម្បីបង្ហាញឲ្យគេឃើញថាខ្លួនខំធ្វើការទេ ប៉ុន្តែនាងធ្វើការដោយមានភាពវៃឆ្លាត និងរហ័ស។

៥. មើលឃើញតម្លៃពេលវេលាគ្រប់វិនាទី

នាងចាត់ចែងពេលវេលាចាប់ពីវិនាទីឡើង ដោយរៀបចំគម្រោងធ្វើការទុកជាមុន យ៉ាងហោច ១ថ្ងៃ និងមានគោលដៅរយៈពេលវែងផងដែរ។

៦. ឲ្យតម្លៃគ្រួសារជាធំ

នាងអាចបែងចែកពេលវេលាសម្រាប់ការងារ និងសម្រាប់គ្រួសារមិនឲ្យលើសខ្វះដោយប្រការណាមួយនោះឡើយ។ វាពិតជាមិនមានប្រយោជន៍ទេ បើយើងជោគជ័យក្នុងជីវិតការងារ ប៉ុន្តែគ្រួសាររបស់យើងគ្មានក្ដីសុខ។

៧. មានភាពជាអ្នកដឹកនាំ

បើមានកូនចៅជាមនុស្សប្រុសទៀត នាងរឹតតែបង្ហាញសមត្ថភាព និងភាពជាអ្នកដឹកនាំដើម្បីឲ្យពួកគេអាចទទួលស្គាល់ ពេលខ្លះអាចនឹងត្រូវធ្វើការធ្ងន់ជាងគេក៏មាន។

៨. ពូកែរកលុយ និងចេះចាត់ចែងលុយ

មនុស្សស្រីដែលពូកែនឹងចេះផ្ដោតលើការរកលុយ និងកាត់បន្ថយចំណាយដែលមិនចាំបាច់ ព្រមទាំងចេះយកលុយទៅបណ្ដាក់ទុនដើម្បី ឲ្យលុយកើតកូនកើតចៅបានទៀត។

៩. មិនរវល់តែតាមរកស្នេហា

មនុស្សស្រីដែលជាទីប្រាថ្នារបស់មនុស្សប្រុស មិនចាំបាច់ត្រូវតែស្អាតដូចស្រីទេពអប្សរទេ គ្រាន់តែជាមនុស្សស្រីដែលមានមន្តស្នេហ៍ និងចរិតលក្ខណៈល្អគឺគ្រប់គ្រាន់បាត់ទៅហើយ។

១០. ជួយគាំទ្រឲ្យនារីៗដទៃកាន់តែរឹងមាំដែរ

មនុស្សស្រីដែលពូកែពិតប្រាកដនឹងមិនរវល់តែច្រណែនមនុស្សស្រីដទៃ ឬខ្លាចថាមានអ្នកណាមកវ៉ាមុខក្នុងតួនាទីការងាររបស់ខ្លួនឡើយ ប៉ុន្តែនាងមានតែជួយជ្រោមជ្រែងគ្នាថែម ៕