ព្រាប សុវត្ថិ នាំកូនទាំង៣និងឱក សុគន្ធកញ្ញា ស្លៀកឈុតបុរាណចូលរួមព្រឹត្តិការណ៍អស្ចារ្យមួយរបស់កម្ពុជា

2018-11-12 04:02:38
ចំនួនមតិ 0 | ចំនួនចែករំលែក 0

ក្នុងព្រឹត្តិការណ៍បំបែកឯតទគ្គកម្មពិភពលោក ទូក ង វែងជាងគេលើពិភពលោក នៅខេត្តព្រៃវែងថ្ងៃនេះ តារាចចម្រៀង លោក ព្រាប សុវត្ថិ រួមទាំងកូនប្រុសទាំងបីរបស់លោក ព្រមទាំង កញ្ញា ឱក សុគន្ធកញ្ញា បានរៀបចំខ្លួន ក្នុងឈុតប្រពៃណីបុរាណ ស្អាត ស័ក្ដិសមក្រៃលែង។

សម្រាប់ព្រឹត្តិការណ៍នេះ តារាចម្រៀងល្បីៗទាំង៥ដួង បានបកស្រាយចម្រៀងជាច្រើនបទ ធ្វើឲ្យពិធីទាំងមូល កាន់តែឱឡារិក។ លើសពីនេះ កំពូលតារាចម្រៀងព្រាប សុវត្ថិ និង ឱក សុគន្ធកញ្ញា បានចូលរួមដង្ហែទូក ង វែងជាងគេរបស់កម្ពុជា និងអង្គុយលើទូកបណ្ដែតតាមគង្គា យ៉ាងពិសេសទៀតផង។

គួរបញ្ជាក់ថា កម្ពុជាបានបំបែកកំណត់ត្រាពិភពលោក ទូក ង វែងជាងគេ មានប្រវែងសរុប៨៧,៣០ ម៉ែត្រ និងទទឹងធំបំផុតប្រវែង ១,៩៤ម៉ែត្រ និងជម្រៅទូក ០,៨០ ម៉ែត្រ។ មានចំណុះទូកចំនួន ១៧៩ នាក់។ ទូកនេះត្រូវបានប្រសិទ្ធនាមថា “កម្ពោជិកបុត្តាខេមរាតរី” ដែលមានន័យថា “ទូកងរបស់កូនខ្មែររស់នៅក្នុងដែនដីកម្ពុជា”៕