ទោះអាយុជាង ៤០ តែសម្រស់ព្រះនាង ចាវ មាន នៅស្អាតដូចស្រ្តី ២០ ឆ្នាំ
- 2018-10-22 10:03:29
- ចំនួនមតិ 0 | ចំនួនចែករំលែក 0
ទោះអាយុជាង ៤០ តែសម្រស់ព្រះនាង ចាវ មាន នៅស្អាតដូចស្រ្តី ២០ ឆ្នាំ
សារព័ត៌មាន Daily Mail បានភ្ញាក់ផ្អើលខ្លាំង នៅពេលឃើញតារាតៃវ៉ាន់ Zhao Min វ័យ ៤៤ ឆ្នាំដែលទស្សនិកជនស្គាល់ខ្លាំងបំផុតពេលសម្ដែងជាតួព្រះនាង ចាវ មាន ក្នុងរឿង "ចាងអ៊ូជី" បែរជាមានរូបសម្រស់ស្រស់ស្អាតដូចស្រ្តីវ័យ ២០ ឆ្នាំទៅវិញ។
កាលពីឆ្នាំ ២០០២ Zhao Min ចាប់ផ្ដើមល្បីឈ្មោះពេញអាស៊ី ព្រោះតែរឿង "The Heaven Sword and Dragon Saber” ដែលសម្ដែងសមគ្នាឥតទាស់ជាមួយតារាប្រុស Alec Su ដើរតួជា ចាង អ៊ូជី។ នាងមានភ្នែកធំៗ មុខមូលក្រឡង់ ដងខ្លួនស្រឡូន ដែលអាចអន្ទង់ចិត្តអ្នកទស្សនាមិនអាចដកចិត្តបាន។
ទោះបីជាប៉ុន្មានឆ្នាំចុងក្រោយនេះតួព្រះនាង ចាវ មាន មិនសូវមានវត្តមានក្នុងរឿងភាគ ឬកម្មវិធីធំៗក៏ដោយ តែនាងនៅតែធ្វើឲ្យមហាជនចងចាំ និងចាប់អារម្មណ៍ពីរូបនាងជានិច្ច។ ថ្មីៗនេះសារព័ត៌មាន Daily Mail បានកោតសរសើរពីរូបសម្រស់នាង ដោយសរសេរដាក់ចំណងជើងធំៗថា "នារីម្នាក់ហ្នឹងមានសម្រស់ក្មេងជាងវ័យពាក់កណ្ដាល។ អ្នកទាយទៅមើស៍ថានាងអាយុប៉ុន្មាន” សារព័ត៌មានដ៏ល្បីរបស់អង់គ្លេសបានសរសេរទៀតថា នាងមានសម្រស់ស្រស់ស្អាត និងមានស្បែករលោងខ្លាំង និងគ្មានស្នាមជ្រួញ។
តាមរូបភាពដែលបង្ហាញតាមបណ្ដាញសង្គម ឃើញថានាងពិតជាក្មេងជាងវ័យខ្លាំងមែនទែន បើទោះជាស្ថិតនៅក្នុងសម្លៀកបំពាក់បែបណាក៏ដោយ មិនថាអាវយឺតខោខោវប៊យធម្មតា ឬរ៉ូបរាត្រីសមោសរទេ គឺស្រស់ស្អាតទាំងអស់ មិនខុសពីពេលល្បីឈ្មោះដំបូងៗឡើយ៕