មានរហស្សនាមជារាជិនីព្រំក្រហមមែនពិត តែពេលខ្លះ Fan Bingbing ក៏ស្លៀកពាក់មើលអត់យល់ដូចគ្នា
- 2018-10-22 03:33:38
- ចំនួនមតិ 0 | ចំនួនចែករំលែក 0
មានរហស្សនាមជារាជិនីព្រំក្រហមមែនពិត តែពេលខ្លះ Fan Bingbing ក៏ស្លៀកពាក់មើលអត់យល់ដូចគ្នា
ទោះត្រូវបានគេស្គាល់ថាជាកំពូលតារាផ្នែកស្លៀកពាក់ស្អាតលើកម្រាលព្រំក្រហមក៏ដោយ ក៏មានឱកាសមួយចំនួន ធ្វើឲ្យគេឆ្ងល់ថាមិនដឹងកំពូលតារាសម្ដែងស្រីចិន Fan Bingbing កំពុងតែស្លៀកអ្វីឲ្យប្រាកដដូចគ្នា។
រាល់ពេលបង្ហាញខ្លួននៅរាល់កម្មវិធី តារាសម្ដែងស្រីលំដាប់ A ចិន Fan Bingbing តែងបោះទុនលើសំលៀកបំពាក់ពីរាប់ពាន់ ដល់រាប់ម៉ឺនដុល្លារដើម្បីមានរូបសម្រស់ស្អាតបំផុតតាមដែលអាចធ្វើទៅបាន។ រាល់ឈុតដែលតួរឿង “ព្រះនាងយេយេ” ស្លៀកលើកម្រាលព្រំក្រហមតែងក្លាយជាប្រធានបទដ៏ក្ដៅគគុកនៅលើអ៊ឺនធឺណិត។
យ៉ាងណាក្ដី គេថា “ដំរីជើងបួនគង់មានភ្លាត់” ពិតជាមិនខុសឡើយ ត្បិតទោះស្អាតនៅគ្រប់កម្មវិធីក៏ដោយ តែស្រីស្អាតវ័យ៣៩ឆ្នាំក៏នៅតែមានស្ដាយស្លៀកពាក់ធ្វើឲ្យទស្សនិកជនមើលមិនយល់ដូចគ្នា នៅកម្មវិធីមួយចំនួន។ ជាក់ស្ដែង នៅក្នុងកម្មវិធីមួយដែលមានវត្តមានរបស់កំពូលតារាចម្រៀង Celine Dion គូដណ្ដឹងរបស់ Li Chen បានស្លៀករ៉ូបមួយដែលត្រូវគេវាយតម្លៃថាគ្មានខុសពីរ៉ូបដេកសូម្បីបន្តិច។ ខាងក្រោមនេះគឺជាឈុតមិនស្អាតរបស់រាជិនីសម្រស់មួយចំនួន៕