រឿង១០យ៉ាង ដែលម្ដាយក្មេកមិនគួរធ្វើដាក់កូនប្រសាទាល់តែសោះ
- 2018-10-18 09:01:17
- ចំនួនមតិ 0 | ចំនួនចែករំលែក 0
រឿង១០យ៉ាង ដែលម្ដាយក្មេកមិនគួរធ្វើដាក់កូនប្រសាទាល់តែសោះ
ម្ដាយក្មេកមួយចំនួនគិតថា នៅពេលកូនប្រសារៀបការចូលផ្ទះរបស់ខ្លួនហើយ នាងនឹងត្រូវមើលថែបម្រើគ្រប់គ្នានៅក្នុងផ្ទះនោះ បើហ៊ានព្រងើយកន្តើយនឹងត្រូវមាត់។ ជាច្រើនលើកច្រើនសាដែលខ្ញុំត្រូវម្ដាយក្មេកជេរស្ដីខ្លាំង ពេលម្ដាយខ្ញុំឃើញគាត់ក៏ឈឺចិត្ត ទើបពោលនូវប្រយោគ ១០ឃ្លានេះ៖
**១.** នៅពេលកូនខ្ញុំរវល់ការងារផ្ទះ ចង់សុំឲ្យកូនអ្នកជួយ អ្នកបែរជានិយាយថាមិនបាច់ជួយទេ អីចឹងនៅពេលអ្នកត្រូវការមនុស្សបម្រើ ក៏កុំបាច់ហៅនាងវិញដូចគ្នា។
២. នៅមុខកូនប្រុស កុំចេះតែនិយាយថាកូនប្រសាមិនល្អយ៉ាងនេះយ៉ាងនោះ ព្រោះវានឹងធ្វើឲ្យប្ដីប្រពន្ធគេឈ្លោះគ្នាលើសដើម ឬអាចឈានដល់ការបែកគ្នា។ បើពួកគេបែកគ្នាដោយសារអ្នក នោះអ្នកមានបាបធ្ងន់ណាស់។
៣. កុំបង្ខំឲ្យកូនប្រសាមើលថែកូនប្រុសអ្នកដូចអ្នកអី។ គេជាកូនប្រុសរបស់អ្នក ប៉ុន្តែគេជាប្ដីរបស់នាង នាងប្រណិប័តន៍ចំពោះគេក្នុងនាមជាស្វាមី មិនមែនកូនប្រុសនោះឡើយ។
៤. កូនប្រុសខ្ជិលប៉ុណ្ណា យើងជាម្ដាយគេប្រាកដជាដឹងច្បាស់ អីចឹងកុំនិយាយថាកូនយើងរវល់ការងារ ហើយការងារផ្ទះត្រូវតែកូនប្រសាជាអ្នកធ្វើ។ ត្រូវចេះប្រើហេតុផលថ្លឹងថ្លែង កុំកាន់ជើងកូនខ្លួនឯងខ្លាំងពេក។
៥. កូនប្រុសអ្នកក៏គ្រាន់តែជាមនុស្សធម្មតាម្នាក់ មិនមែនល្អឥតខ្ចោះដូចអ្នកគិតនោះទេ ដូច្នេះហើយកូនប្រសាក៏មិនចាំបាច់បម្រើលើកគេដាក់លើក្បាលដែរ សុំឲ្យតែពួកគេចេះស្រលាញ់ យល់ចិត្តគ្នាគ្រប់គ្រាន់ហើយ។
៦. នៅពេលកូនប្រសាទិញរបស់របរជូនឪពុកម្ដាយនាង សូមអ្នកកុំច្រណែន ព្រោះឪពុកម្ដាយនាងបានលះបង់ដើម្បីនាងច្រើនជាងអ្នកឆ្ងាយណាស់។
៧. មិនបាច់និយាយម្ដងហើយម្ដងទៀតថា គ្រួសារខាងកូនប្រសាក្រ ឬមានប៉ុណ្ណានោះទេ ព្រោះមិនថាមាន ឬក្រប៉ុណ្ណា ក៏វាមិនទាក់ទងអីនឹងអ្នកដែរ។
៨. បើចង់ឲ្យកូនប្រសាកតញ្ញូ ចេះបារម្ភសុខទុក្ខអ្នក អ្នកក៏គួរធ្វើល្អចំពោះនាងដែរ ល្អទៅល្អមក មិនមែនចង់បានអ្វីតែសម្រាប់ខ្លួនឯង ហើយបង្ខំឲ្យអ្នកដទៃធ្វើតាមខ្លួននោះទេ។
៩. កុំប្រៀបធៀប ឬអួតថាកូនប្រសាផ្ទះអ្នកដទៃល្អយ៉ាងម៉េចៗ ព្រោះទោះបីគេល្អប៉ុណ្ណា ក៏គេជាកូនប្រសាអ្នកដទៃ។ ចង់បានកូនប្រសាល្អ អ្នកត្រូវធ្វើខ្លួនជាម្ដាយក្មេកល្អសិន។
១០. កុំធ្វើឲ្យកូនប្រសារ៉ាប់រងការងារផ្ទះផ្ដាច់មុខ ព្រោះវាជាអ្វីដែលប្ដីប្រពន្ធទាំងពីរត្រូវជួយគ្នា។
ស្វាមីគ្រប់គ្នាតែងប្រាប់ភរិយាថា “អូនត្រូវធ្វើល្អជាមួយម៉ាក់បងណា គាត់ចិញ្ចឹមបងមកលំបាកណាស់” ប៉ុន្តែមិនសូវមានកូនប្រុសណាប្រាប់ម្ដាយខ្លួនថា “ម៉ាក់ សុំម៉ាក់ល្អជាមួយប្រពន្ធខ្ញុំផងណា នាងត្រូវចេញពីផ្ទះ ដើម្បីមកនៅជាមួយយើង ដូច្នេះវាមិនស្រួលទេសម្រាប់នាង”។
មនុស្សស្រី នៅពេលរៀបការរួចក៏ត្រូវចាកចេញពីផ្ទះដែលខ្លួនធ្លាប់រស់នៅ ដើម្បីទៅនៅជាមួយមនុស្សដែលខ្លួនស្រលាញ់រហូតដល់ចាស់។ បើសិនទាំងប្ដី ទាំងម្ដាយក្មេកមិនយល់ចិត្តនាង នាងនឹងហាក់ក្លាយជាកូនកំព្រា ដែលមិនបានទទួលក្ដីស្រលាញ់ និងការមើលថែយកចិត្តទុកដាក់ដូច្នោះដែរ ៕
ចុចអានបន្ត៖