អាថ៌កំបាំង ៧យ៉ាងអំពីបុរសដែលស្រីៗភាគច្រើនមិនដែលដឹង
- 2018-10-08 23:42:00
- ចំនួនមតិ 0 | ចំនួនចែករំលែក 0
អាថ៌កំបាំង ៧យ៉ាងអំពីបុរសដែលស្រីៗភាគច្រើនមិនដែលដឹង
ស្រីៗមួយចំនួន តែងតែគិតថាមនុស្សប្រុសគឺជាមាសទឹកដប់។ នៅក្នុងទំនាក់ទំនងស្នេហា ប្រុសៗគឺជាភាគីដែលមានប្រៀប ទោះបីប្រឡូកប្រឡាក់ជាមួយរឿងអាស្រូវស្នេហាយ៉ាងណាក៏មិនមានបញ្ហាដូចស្រីៗដែរ។ យ៉ាងណាមិញ ខាងក្រោមនេះគឺជា ៧ ចំណុចនៃផលវិបាកដែលមនុស្សប្រុសជួបក្នុងទំនាក់ទំនងស្នេហា ដែលស្រីៗមិនដែលចាប់អារម្មណ៍៖
១. ប្រឈមជាមួយការបដិសេធច្រើនជាងមនុស្សស្រី
មនុស្សប្រុសគឺជាភាគីដែលត្រូវចាប់ផ្ដើមមុនគ្រប់រឿង បញ្ចេញចំណាប់អារម្មណ៍ សារភាព បបួលទៅញ៉ាំអី មើលគុន ឫព្យាយាមទាក់ទង។ រឿងទាំងអស់នេះត្រូវការភាពក្លាហាន ទំនុកចិត្តខ្លាំង ដើម្បីទទួលបានជោគជ័យ។ ទោះបីពួកគេមានជម្រើសច្រើន តែក៏ប្រឈមជាមួយការបដិសេធ និងបំបាក់ទឹកចិត្តច្រើនដូចគ្នា។
២. ត្រូវការការអត់ធ្មត់ដើម្បីទទួលបានទំនុកចិត្ត
បើមនុស្សស្រីចង់បានភាពផ្អែមល្ហែម នាងមិនចាំបាច់ប្រីពេលយូរទេ តែបើមនុស្សប្រុសវិញ ហ៊ានតែធ្វើអ្វីតក់ក្រហល់ មិនមើលមុខក្រោយ ប្រាកដជាត្រូវបានភាគីនាងស្រីរត់ចោលជាមិនខាន។
៣. សម្ពាធរបស់សង្គមដែលតម្រូវឲ្យធ្វើល្អចំពោះស្រីៗគ្រប់ពេល
មនុស្សស្រីវាយ ឫជេរមនុស្សប្រុសមិនមែនជារឿងធំដុំទេ តែបើមនុស្សប្រុសវិញ ទោះបីតិចតួចក្តី ពួកគេនឹងក្លាយជាមនុស្សអាក្រក់ ឃោរឃៅបំផុតលើលោក។
៤. ប្រុសៗត្រូវបានលើកទឹកចិត្តឲ្យមានភាពឯករាជ្យ
មនុស្សស្រីត្រូវការការជួយ នាងនឹងសុំភ្លាមដោយមិនខ្លាចការរិះគន់អ្វីទាំងអស់ តែសម្រាប់មនុស្សប្រុស ត្រូវតែរឹងមាំ ចេះធ្វើអ្វីដោយខ្លួនឯងទាំងកម្លាំងកាយឫប្រាជ្ញា បើហ៊ានសុំជំនួយប្រាកដជាត្រូវបានស្រីៗពេបជ្រាយថា ជាមនុស្សប្រុសដែលអន់ គ្មានសមត្ថភាពមិនខាន។
៥. ប្រុសៗមិនសូវពូកែមើលចិត្តមនុស្ស
ស្រីៗឆាប់ដឹងពីអារម្មណ៍មនុស្សជុំវិញខ្លួនណាស់ តែប្រុសៗវិញផ្ទុយស្រឡះបើសិនអ្នកខឹងគាត់ រឿងអ្វីមួយហើយលាក់ទុកក្នុងចិត្ត នោះគាត់នឹងមិនដឹងជារៀងរហូត។ មួយវិញទៀតមនុស្សស្រីឆាប់យល់ស្ថានការណ៍ និងចូលចុះចំណោមមនុស្សជាងប្រុសៗ។
៦. ទស្សនៈមនុស្សប្រុស “ទាក់ទាញចំណាប់អារម្មណ៍ ស្រីៗគ្រាន់តែប្រើសម្រស់គឺបានហើយ”
ផ្ទុយទៅវិញ បើប្រុសៗចង់ទាក់ទាញចំណាប់អារម្មណ៍ស្រីៗវិញ ពួកគេត្រូវការចំណុចជាច្រើន ដើម្បីឲ្យគេទទួលយក។ សម្រាប់មនុស្សស្រី គ្រាប់តែស្លៀករ៉ូបរាត្រីស្រមោលស តែងខ្លួនស្រស់ស្អាត ដើរចូលពិធីជប់លៀងមនុស្សម្នានឹងចោលភ្នែកមករកនាងភ្លាម។
៧. ប្រុសៗត្រូវបានបង្រៀនអំពីតម្រូវការមនុស្សស្រី
តាំងពីតូចមក កូនប្រុសត្រូវបានទូន្មានឲ្យស្គាល់ពីតម្រូវការស្រីៗ នឹងត្រូវផ្ដល់អ្វីគ្រប់យ៉ាងដែលមនុស្សស្រីចង់បាន មុនខ្លួនឯង។ នារីត្រូវបានចាត់ទុកជាភាគីទន់ខ្សោយ ដែលត្រូវទទួលការការពារនិងថ្នាក់ថ្នមពីបុរស។
ការយកប្រៀបលើគ្នា មិនមែនជារឿងត្រឹមត្រូវទេនៅក្នុងទំនាក់ទំនងស្នេហា ដូច្នេះបន្ទាប់ពីដឹងអំពីផលលំបាករបស់មនុស្សប្រុស ស្រីៗក៏នឹងត្រូវយោគយល់ ព្រមបន្ធូរបន្ថយដើម្បីរក្សាសម្ពន្ធភាពស្នេហាឲ្យរឹតតែរឹងមាំ និងផ្អែមល្ហែមថែមទៀត ៕
ចុចអាន៖បើអ្នកសំណាងជួបមនុស្សប្រុសបែបនេះហើយ កុំឲ្យគេរបូតពីដៃអី