ផ្ញើជូនមនុស្សប្រុសដែលអស់អារម្មណ៍ ហើយចង់ដើរចេញពីមនុស្សស្រីម្នាក់ដែលអ្នកធ្លាប់ស្រឡាញ់
- 2018-09-27 07:48:06
- ចំនួនមតិ 0 | ចំនួនចែករំលែក 0
ផ្ញើជូនមនុស្សប្រុសដែលអស់អារម្មណ៍ ហើយចង់ដើរចេញពីមនុស្សស្រីម្នាក់ដែលអ្នកធ្លាប់ស្រឡាញ់
ជូនមនុស្សប្រុសដែលឈប់ស្រឡាញ់នាង
នៅពេលអ្នកឈប់ស្រឡាញ់នាង នាងនឹងមានអារម្មណ៍ដឹងពីវា។ អ្នកប្រហែលគិតថានាងមិនដឹងនោះទេ តែការពិតនាងដឹងគ្រប់យ៉ាង។ អ្នកប្រហែលឆ្ងល់ថាហេតុអីបាននាងដឹង? តើនាងដឹងដោយរបៀបណា?
តើនាងសម្គាល់អ្នកបែបនេះតាំងពីពេលណា? តើនាងដឹងថាអ្នកអស់អារម្មណ៍យ៉ាងម៉េចបើអ្នកមិនដែលនិយាយថាអ្នកអស់អារម្មណ៍ជាមួយនាងផង។
អ្នកប្រហែលមិនដឹងទេថានាងដឹងនៅពេលដែលអ្នកលែងមានអារម្មណ៍រំភើបនោះពេលអ្នកនៅក្បែរនាង។ នាងមានអារម្មណ៍ដឹងថាអ្នកលែងស្រឡាញ់នាងដូចពីមុន។ ត្រូវហើយ គ្រប់គ្នាតែងមានពេលមួយដែលមិនចង់និយាយអីទាំងអស់ជាមួយអ្នកណា ប៉ុន្តែនោះមិនមែនជារឿងមួយពេលនោះទេ ដែលអ្នកមិនអាចបង្ហាញក្ដីស្រឡាញ់ទៅឲ្យនាងរាល់ថ្ងៃបាន។ ផ្ទុយទៅវិញអ្នកចាប់ផ្ដើមលែងទទួលបានអ្វីដែលនាងចង់ផ្ដល់ទៅឲ្យអ្នកទៀតដោយអ្នកលែងខ្វាយខ្វល់ពីនាងគ្រប់យ៉ាង។
អ្នកលែងចូលចិត្តនូវសំឡេងសើចរបស់នាង អ្នកមើលនាងក៏លែងឃើញស្អាតដូចមុន អ្នកក៏ចាប់ផ្ដើមធុញទ្រាន់នូវចរិតរបស់នាង ទោះបីអ្នកធ្លាប់ស្រឡាញ់ពីមុនក៏ដោយ។
ជំនួសមកវិញ អ្នកផ្ដោតលើកំហុសរបស់នាង ការច្រឡោតខឹងរបស់នាង សម្ដីគំរោះគំរើយរបស់នាង នាងកាយវិការមិនល្អរបស់នាង នេះគឺមកពីអ្នកមើលឃើញនាងតែភាពអាក្រក់ប៉ុណ្ណោះ។ ពេលដែលនាងស្អាត នាងល្អអ្នកបែរជាមើលមិនឃើញ ទទួលមិនបាន ហើយកំហុសតិចតួចរបស់នាងក៏ខ្លាចជាចំណុចដែលអ្នកយកមកដាក់មុខ។
ពេលខ្លះអ្នកចង់រុញនាងចេញពីជីវិតអ្នកណាស់មែនទេ? អ្នកចង់ដើរចេញពីនាងណាស់ត្រូវអត់? អ្វីដែលអ្នកគិតពេលនេះគឺនាងមិនមែនជាមនុស្សដែលអ្នកត្រូវជ្រើសរើសដើរផ្លូវជាមួយគ្នាទៀតទេ។
ប៉ុន្តែសម្រាប់នាងវិញ គឺដូចគេយកកាំបិតមកចិញ្ច្រាំចិត្តនាងឲ្យខ្ទេចខ្ទីគ្មានសល់។ នាងនៅតែចង់ក្លាយជាមនុស្សដែលអ្នកជ្រើសកាន់ដៃជាមួយគ្នា ហើយនៅតែប្រឹងកុហកខ្លួនឯងថាអ្នកនឹងត្រឡប់ដូចពីមុនវិញ ទាំងការពិតអ្នកបានលែងដៃនាងទៅហើយ។
មួយរយៈធំដែលអ្នកបានសម្ដែងនូវភាពព្រងើយកន្តើយ លែងមាននាងក្នុងចិត្តទៀតមក ប្រហែលនាងយល់ ហើយក៏ព្យាយាមកាត់ចិត្តពីអ្នក ព្រោះនាងមិនចង់បង្ខំអ្នកឲ្យនៅជាមួយនាងទៀតនោះទេ។ នាងដឹងថាអ្នកមិនអាចស្រឡាញ់នាងម្ដងទៀតឡើយ ដូច្នេះអ្នកអាចទៅបានហើយ តែកុំត្រឡប់មកវិញអី៕
ចុចអាន៖បាបកម្មមានពិតមែន សម្រាប់មនុស្សប្រុសដែលធ្លាប់ធ្វើបាបចិត្តនារីៗ