ក្បាច់ងាយៗ ជួយឲ្យរាងកាយនិងសម្រស់នៅតែក្មេងស្អាត មិនចាស់តាមអាយុ
- 2018-09-03 09:19:17
- ចំនួនមតិ 0 | ចំនួនចែករំលែក 0
ក្បាច់ងាយៗ ជួយឲ្យរាងកាយនិងសម្រស់នៅតែក្មេងស្អាត មិនចាស់តាមអាយុ
រូបរាងកាយនិងសម្រស់នៅតែក្មេងស្អាត អាស្រ័យទៅលើកត្កាសំខាន់ៗដែលអ្នកត្រូវអនុវត្ត រួមទាំងការថែរក្សាសុខភាពផ្លូវចិត្តឲ្យបានល្អផងដែរ។ ខាងក្រោមនេះ គឺជាវិធីសាស្រ្តដែលថ្មីស្រឡាងមួយទៀតហើយ ដែល កញ្ញា ចង់ធ្វើការចែករំលែកដល់ប្រិយមិត្តទាំងអស់គ្នា ដើម្បីទទួលបានប្រសិទ្ធភាពនិងលទ្ធផល ដែលមិនខុសពីការរំពឹងទុក។
១. ការដកដង្ហើម
របៀបនៃការដកដង្ហើម ពិតជាចំណែកមួយដ៏ធំធេង សម្រាប់សុខុមាលភាព និងជួយឲ្យអាយុវែង។
អ្វីដែលត្រូវអនុវត្ត៖
ដកដង្ហើមចូលយឺតៗ ហើយទប់ឲ្យបាន១- ២វិនាទី
ដកដង្ហើមចូលបន្ថែមឲ្យពេញសួត
ឈប់១-២វិនាទី ហើយបញ្ចេញមកវិញតាមមាត់ សន្សឹមៗឲ្យបានវែង
តិចនិកដកដង្ហើមបែបនេះ ធ្វើឲ្យរាងកាយទាំងមូលមានតុល្យភាព និងទប់ស្កាត់ភាពចាស់។
២. ធ្វើចលនាកម្តៅសាច់ដុំ
ការធ្វើចលនាកម្តៅសាច់ដុំក៏សំខាន់ណាស់ដែរ និងជាជំហានដែលអ្នកមិនគួររំលង។
អ្វីដែលត្រូវអនុវត្ត៖
ដំបូងត្រូវឲ្យរាងកាយសម្រាកបន្តិច
បន្ទាប់មកបន្ទន់ជង្គង់ជុះបន្តិច ជើងទាំងសងខាងត្រូវឲ្យមានលំនឹង
ធ្វើចលនាដៃបក់ចុះឡើងពីមុខទៅក្រោយ ពីម្ខាងទៅម្ខាងទៀត។
៣. ខ្នងឲ្យត្រង់ ហើយឱនចុះ
លំហាត់ប្រាណនេះ ជួយតម្រង់ខ្នងឲ្យត្រង់ និងជួយសម្រួលដល់ដំណើរការរបស់ក្រលៀន។
អ្វីដែលត្រូវអនុវត្ត៖
ឈរឲ្យត្រង់ កន្ធែកជើងបន្តិចកុំឲ្យលើសប្រវែងទទឹងនៃស្មា ហើយត្រូវដាក់ម្រាមជើងត្រង់ទៅមុខ។
ព្យាយាមឱនចុះបន្តិចម្តងៗ តែហាមបន្ទន់ជង្គង់
សម្លឹងទៅលើហើយប្រឹងឲ្យម្រាមដៃប៉ះនឹងឥដ្ឋ អ្នកនឹងមានអារម្មណ៍ថាសាច់ដុំនៅបរិវេណចង្កេះ កំពុងតែធ្វើចលនា
ធ្វើកាយវិការបែបនេះឲ្យបាន១០វិនាទី ហើយងើបមកវិញថ្នមៗយឺតៗ។ ៤. តម្រង់ខ្នង
លំហាត់ប្រាណមួយនេះ ជួយឲ្យខ្នងត្រង់ ភ្នែកភ្លឺ និងធ្វើចលនាឈាមដើរស្រួល។
អ្វីដែលត្រូវអនុវត្ត៖
ឈរឲ្យត្រង់ ហើយងើយ កទៅក្រោយឲ្យអស់យឺតៗ
ឈរបែបនេះ ឲ្យបាន១៥វិនាទី និងដកដង្ហើមចេញចូលឲ្យបានវែង
ឱនក្បាលឲ្យត្រង់វិញថ្នមៗ
ធ្វើចុះឡើងដដែលៗឲ្យបាន៦ដងសឹមឈប់ គួរអនុវត្ត២- ៣ដងក្នុងមួយថ្ងៃ។
៥. លើកដៃឡើងតម្រង់ខ្លួន
លំហាត់ប្រាណនេះហៅថា "ដៃទាំងពីរទ្រមេឃ" មានតួនាទីសំខាន់សម្រាប់ជួយបង្កើនសមត្ថភាពដល់សួត ផ្តល់ថាមពលដល់រាងកាយ ព្រមទាំងសម្រួលដល់ដំណើរការ របស់ថ្លើម ក្រលៀន ក្រពះ និងពោះវៀន។
អ្វីដែលត្រូវអនុវត្ត៖
ឈរឲ្យខ្លួនត្រង់ស្មើ
លើកដៃឡើងឲ្យអស់ ផ្គុំម្រាមទាំងពីរចូលគ្នា ងើបមុខឡើង
ចំទើតម្រាមជើងទាំងពីរ ដកដង្ហើមចេញ ហើយទម្លាក់ចុះមកវិញយឺតៗ
ធ្វើដដែលៗបែបនេះឲ្យបាន៦ដង។
៦. ពត់ខ្លួន
ជ្រើសរើសវិធីពត់ខ្លួនណាមួយដែលអ្នកពេញជាងគេ ដើម្បីជួយឲ្យរាងកាយទាំងមូល បានធូរស្រាលនិងអារម្មណ៍ស្រស់ថ្លា។
កុំភ្លេចអនុវត្តទាំងអស់គ្នា ដើម្បីទទួលបានសុខភាពល្អ សម្រស់ក្មេងជាងវ័យ៕
ចុចអានបន្ត៖