ស្រីៗបាត់បង់ភាពស្រស់ស្អាត ដោយសារកំហុសឆ្គងទាំងប៉ុន្មាននេះ

2018-07-09 03:30:00
ចំនួនមតិ 0 | ចំនួនចែករំលែក 0

មនុស្សស្រីស្រស់ស្អាតបានដោយសារម៉ូដសក់ ខោអាវ និងរបៀបតែងមុខនេះឯង ប៉ុន្តែបើអ្នកតែងធ្វើរបៀបនេះចំពោះវា នោះសម្រស់អ្នកក៏បាត់បង់ទៅតាមនោះដែរ។ ៩ ចំណុចខាងក្រោមនេះ អ្នកមិនគួរមើលរំលងឡើយ ព្រោះអាចឲ្យមើលទៅចាស់ជាងធម្មតា៖

១.កុំទុកសក់ឲ្យមានពណ៌ខុសគ្នា

មិនត្រូវទុកពណ៌សក់ដែលលាប និងសក់ធម្មជាតិឲ្យខុសពណ៌គ្នាទេ អ្នកគួរតែដាក់ពណ៌តែមួយ។ ឧទាហរណ៍ខ្មៅសុទ្ធ កុំឲ្យគល់ខ្មៅ ចុងពណ៌ និយាយរួមគឺពណ៌សក់តែមួយ។

២.កុំដាក់កៅស៊ូចង់សក់នៅលើកដៃ

ស្ត្រីជាច្រើនមានទម្លាប់យកកៅស៊ូ ឬខ្សែយឺតសម្រាប់ចងសក់ពួកពាក់នៅកដៃ ដើម្បីងាយស្រួលយកតាមខ្លួន និងអាចចងបានពេលគេចង់។

៣.កុំចងសក់បត់

ម៉ូដសក់មួង ឬបត់ចូលក្នុងពេលស្ថិតនៅអាកាសធាតុក្ដៅ ឬពេលប្រញាប់ គឺជាជម្រើសល្អបំផុតសម្រាប់មិត្តៗស្ត្រី។ តែម៉ូដបែបនេះមិនអាចធ្វើទាំងសក់កំពុងសើមបានឡើយ ព្រោះបណ្ដាលឲ្យ សក់ឆាប់ខូច និងស្ងួត លែងរលាស់។

៤.សាច់ជុំវិញក្រចក

មនុស្សស្រីមួយចំនួនមិនបានកត់សម្គាល់ឃើញស្បែកនៅជុំវិញក្រចកនោះទេ។ បើទោះបីជាមានភាពតូចល្អិតក៏ពិតមែន ក៏វាមានឥទ្ធិពលលើចំណាប់អារម្មណ៍ជុំវិញខ្លួនដែរ។ ចំណាយពេលកាត់ក្រចក និងសាច់ជុំវិញនោះឲ្យបានញឹកញាប់ ហើយលាបឡេដើម្បីឲ្យដៃទន់រលោង។

៥.មិនត្រូវប្រើកាបូបផង ថង់ផងពេលតែមួយ

ក្នុងចំណោមពីរយ៉ាងនេះ អ្នកអាចប្រើបានតែមួយប៉ុណ្ណោះ។ បើអ្នក កាន់ថង់ ឬកាបូបធំធ្វើឲ្យអ្នកមើលទៅរញ៉េរញ៉ៃនៅក្នុងភ្នែកអ្នកដទៃ។

៦.មិនគួរឲ្យឃើញខ្សែអាវទ្រនាប់

ទោះជាពណ៌ខ្សែអាវទ្រនាប់នោះ ដូចគ្នានឹងពណ៌អាវអ្នកពាក់ពីក្រៅក៏មិនសូវសមភ្នែកដែរ ហើយរឹតតែយ៉ាប់យ៉ឺន ប្រសិនបើដៃអាវក្នុងពណ៌ក្រហម ហើយអាវក្រៅពណ៌ខ្មៅ។

៧.ស្បែកស្ងួត

ភាពចាំបាច់បំផុតរបស់បងប្អូនស្ត្រី គឺការថែទាំស្បែកកុំឲ្យស្ងួត និងមើលទៅមានសំណើមរហូត។ ប្រសិនបើអ្នកមានស្បែកស្ងួតនឹងមើលទៅឃើញចាស់ និងមានស្នាមជ្រួញខុសពីវ័យទៀតផង។

៨.កុំឲ្យសក់បែកចុង

ទោះបីជាអ្នកចង់ទុកសក់ឲ្យវែងក៏ដោយ រៀងរាល់ខែអ្នកគួរតែកាត់បន្តិចបន្តួចនៅចុង ទើបជួយឲ្យសក់ដុះកាន់តែវែង។

៩.កុំប្រើក្រែមរលោង

ក្រែមរលោងអាចលាបបានតែពីក្នុង ហើយខាងក្រៅអ្នកគួរតែលាបក្រែមពណ៌ផ្សេងដែលជាប្រភេទទឹក ឬដើម៕

ចុចអាន៖២ វិធីកម្ចាត់មុនក្បាលខ្មៅលើច្រមុះ ចង្កា ដោយមិនចាំបាច់ញេចនាំតែជាំមុខ

ប្រភព៖ bestie ប្រែសម្រួល៖ ទ្រី រ៉ាវី