គ្រាន់តែវីតាមីន E ប៉ុន្មានគ្រាប់ អាចជួយឲ្យផ្ទៃមុខនារីស្រស់ស្អាតដល់ម្ល៉ឹង

2018-06-28 04:00:00
ចំនួនមតិ 0 | ចំនួនចែករំលែក 0

អ្នកអាចនឹងរត់ទៅឱសថស្ថានភ្លាមៗ ដើម្បីទិញវីតាមីន E បន្ទាប់ពីដឹងអត្ថប្រយោជន៍នៃវីតាមីននេះ។ វីតាមីន E មានតួនាទីដ៏សំខាន់នៅក្នុងស្រទាប់ស្បែករបស់ស្រ្ដី។ វីតាមីនប្រភេទនេះជួយធ្វើឱ្យស្បែកស្រស់ថ្លាឡើងវិញបាន ជាពិសេសវាការពារកោសិកាក្នុងស្បែក ជួយការពារកុំឲ្យចាស់ រឹតបណ្ដឹងស្បែកមុខ ព្យាបាលស្នាមមុន ជួយធ្វើឲ្យស្បែកមានពណ៌ផ្កាឈូក និងមានសំណើម។ ដូច្នេះនៅពេលអ្នកថែរក្សាស្បែកដោយប្រើវីតាមីន E តាម ២ របៀបខាងក្រោម អ្នកនឹងមិនចំណាយប្រាក់ច្រើនទិញគ្រឿងសម្អាងបន្ថែម។

១.ការព្យាបាលដោយប្រើវីតាមីន E និងប្រទាលកន្ទុយក្រពើ

*វត្ថុធាតុដើមដែលត្រូវការ

ប្រទាលកន្ទុយក្រពើ
ម៉ាស៊ីនក្រឡុក
កាំបិត
វីតាមីន E ៤០០ មិល្លីក្រាម វីតាមីន C 500 មិល្លីក្រាម
ប្រេងដូង

របៀបប្រើ

ប្រើទឹកអនាម័យលាងដៃឲ្យស្អាត។ កាត់ប្រទាលកន្ទុយក្រពើ រួចកោសយកជែលវា បន្ទាប់មកយកទៅក្រឡុកក្នុងម៉ាស៊ីនឲ្យម៉ត់សព្វល្អ រួចក៏បន្ថែមគ្រាប់ វីតាមីន E វីតាមីន C និងប្រេងដូង និងក្រឡុកម្ដងទៀតឲ្យចូលគ្នា។ ពេលកិនរួចអ្នកគួរតែដួសល្បាយនោះមកដាក់ក្នុងកែវ ហើយរក្សាទុកក្នុងទូទឹកកក។

របៀបប្រើប្រាស់

លាងសម្អាតផ្ទៃមុខជាមួយទឹកស្អាត ហើយក្ដៅឧណ្ណៗ បន្ទាប់មកជូតជាមួយកន្សែងទន់ឲ្យស្ងួត រួចលាបល្បាយនោះលើស្បែក និងម៉ាស្សាថ្នមៗលើមុខឲ្យឆាប់ជ្រាបចូល ហើយទុកចោល ២០ ទៅ ២៥ នាទី ចាំលាងសម្អាតជាមួយទឹកធម្មតា។ ប្រើរូបមន្តនេះ ៣ ដងក្នុងមួយសប្ដាហ៍ស្បែកមុខអ្នកនឹងសរលោងដូចពងមាន់បក។

២.វីតាមីន E ទឹកឃ្មុំ និងក្រូចឆ្មារស្រស់

សម្ភារៈដែលត្រូវរៀបចំ

គ្រាប់វីតាមីន E ២
ក្រូចឆ្មារ ១ ចំហៀង
ទឹកឃ្មុំសុទ្ធ ១ ស្លាបព្រា
ទឹកអង្ករ ១ កូនចានតូច
ចាន និងស្លាបព្រា

របៀបធ្វើ

នៅពេលអ្នកលាងអង្ករ សូមចាក់ទឹកដំបូងចោលព្រោះវាមានជាតិកង្វក់ រួចលាងច្របាច់ម្ដងទៀតយកទឹកទី ២ ចាក់ចូលក្នុងចានតូចមួយ បន្ទាប់មកកាត់ក្រូចឆ្មារជាពីរកំណាត់ រួចច្របាច់មកគ្រាប់ចេញយកទឹកដាក់ក្នុងកូនចានទឹកអង្ករ និងដាក់វីតាមីន E ២ គ្រាប់។

របៀបប្រើប្រាស់

លាងមុខជាមួយទឹកស្អាត ហើយទឹកក្ដៅក្ដៅឧណ្ណៗ ដើម្បីយកជាតិកខ្វក់ និងធ្វើឲ្យរន្ធញើសរីកធំ ហើយក៏យកល្បាយមកលាបលើមុខ និងម៉ាស្សាប្រហែល ៥ នាទី ដើម្បីឲ្យល្បាយជ្រាបចូលក្នុងកោសិកា។

ទុកល្បាយនោះលើស្បែក ៣០ នាទី បន្ទាប់មកលាងជម្រះជាមួយទឹកស្អាតធម្មតា។ ប្រើរូបមន្តនេះ ២-៣ ដងក្នុងមួយសប្ដាហ៍ ស្បែកនឹងពណ៌ស រន្ធញើសរួមតូច។ លើសពីនេះទៅទៀតស្លាកស្នាមជាំ ឬមុនក៏រលាយបាត់ដែរ៕

ចុចអាន៖ទម្លាប់អាក្រក់ៗធ្វើឲ្យរាងកាយស្ត្រី ចុះអន់ថយ និងបាត់បង់ភាពស្រស់ស្អាត

ប្រភព៖ Eva ប្រែសម្រួល៖ ទ្រី រ៉ាវី