បើប្រុសៗចង់បាននារីពូកែវាងវៃជាដៃគូ គួរតែដឹងចរិតទាំង ១១ នេះសិន
- 2018-06-22 08:30:00
- ចំនួនមតិ 0 | ចំនួនចែករំលែក 0
បើប្រុសៗចង់បាននារីពូកែវាងវៃជាដៃគូ គួរតែដឹងចរិតទាំង ១១ នេះសិន
បានមនុស្សស្រីដែលពូកែវាងវៃជាសង្សារ មនុស្សប្រុសអាចនិយាយបានថាសំណាងបំផុតហើយ ប៉ុន្តែអ្នកឆ្លាតៗ មានចំណុចខ្លះដែលពិបាកនឹងទប់ទល់។ ស្រ្តីដែលមានចរិតបែបនេះ ខុសប្លែកពីអ្នកធម្មតាៗឆ្ងាយណាស់ ដូចនេះហើយគួរតែស្វែងយកជាមុនសិន ចាំសម្រេចចិត្តណាត់ជួបជាដៃគូ៖
១.នាងមានភាពមុតមាំ ហើយមិនឲ្យភាពភ័យខ្លាចមករារាំងពីអ្វីដែលនាងចង់បានឡើយ។
២.នាងដឹងថាខ្លួនឯងមានភាពខុសប្លែកពីនារីដទៃ ប៉ុន្តែនាងមានទំនុកចិត្តនឹងចរិតបែបនោះ ដោយមិនចង់កែប្រែអ្វីឡើយ។
៣.មនុស្សស្រីឆ្លាតមានមិត្តភ័ក្ដិជាបុរសច្រើនជាងស្រីៗដូចគ្នា ពីព្រោះតែនាងមានចំណុចអស្ចារ្យមួយចំនួនដែលនារីដទៃគ្មានដូចជាកំប្លែង រឹងមាំ និងចិត្តរឹង ដូចប្រុសៗ បានជាគេចូលចិត្តនិយាយលេងជាមួយ។
**៤**.នាងត្រូវបានគេស្គាល់ថា ជាមនុស្សដែលមានភាពស្មោះត្រង់ មានភាពស្និទ្ធស្នាល ព្រមជាមួយភាពរហ័សរហួនតាំងពីកំណើត។
៥.នាងជាមនុស្សទៀងត្រង់ ដូច្នេះហើយត្រូវត្រៀមខ្លួនសម្រាប់សម្ដីពិតដែលនាងនិយាយចេញមក ព្រោះវាអាចសម្លាប់ចិត្តប្រុសៗក៏ថាបាន។
៦.ជឿ ឬមិនជឿ ថាមនុស្សស្រីបែបនេះស្អប់រឿងស៊ីអារម្មណ៍ណាស់ ហើយក៏មិនបណ្ដោយឲ្យខ្លួនឯងធ្វើរឿងបែបនោះចេញមកដែរ។
៧.នារីបែបនេះដឹងពីរបៀបរក្សាអ្វីដែលគួរឲ្យចាប់អារម្មណ៍។ នាងមានបុគ្គលិកលក្ខណៈផ្ទាល់ខ្លួនមួយ និងមិនស្មុគស្មាញច្រើន ទើបនរណាៗក៏ស្រលាញ់ចូលចិត្ត។
៨.នាងមិនភ័យខ្លាចនឹងបញ្ហាប្រឈមអ្វីមួយឡើយ មានតែតស៊ូជម្នះគ្រប់រឿង ដើម្បីបង្ហាញពិភពលោកថា គ្មានរឿងអ្វីដែលស្ត្រីធ្វើមិនបានឡើយ។
៩.ស្ត្រីដែលពូកែវាងវៃ អាចមានចរិតជាមេគេបន្តិចបន្តួចហើយ ប៉ុន្តែមិនមែនគ្រប់ពេលឡើយ នាងដឹងពីពេលវេលា និងកាលៈទេសៈត្រូវប្រើចរិតនោះ។
១០.ប្រសិនបើនាងស្ងាត់ស្ងៀម អ្នកគួរតែភ័យខ្លាច។ ដូចនេះធ្វើអ្វីត្រូវតែប្រយ័ត្នប្រយែងឲ្យបានច្រើនបន្តិច ជៀសវាងនាងដេញទាន់ជាន់កែង។
១១.មនុស្សដែលនាងជ្រើសយកជាដៃគូ មិនអាចទន់ជ្រាយ ឬខ្សោយជាងនាងឡើយ។ គេត្រូវតែមានសមត្ថភាពប្រហាក់ប្រហែលនាង ឬខ្ពស់ជាង៕
ចុចអាន៖ពេលមនុស្សប្រុសចាប់អារម្មណ៍នារីណាម្នាក់ គេនឹងសង្កេតរឿងទាំងនេះ