ទោះខំហាត់ប្រាណយ៉ាងណាក៏មិនស្រកទម្ងន់ដែរ បើនៅតែប្រើក្បួនទាំងនេះទៀត
- 2018-06-22 03:30:00
- ចំនួនមតិ 0 | ចំនួនចែករំលែក 0
ទោះខំហាត់ប្រាណយ៉ាងណាក៏មិនស្រកទម្ងន់ដែរ បើនៅតែប្រើក្បួនទាំងនេះទៀត
ក្បាលពោះ ដើមដៃ ភ្លៅ មានខ្លាញ់ពិតជាធ្វើឲ្យមនុស្សស្រីមិនអាចបង្ហាញភាពជឿជាក់ចេញមកបានទេ ដូចនេះមានតែខិតខំទៅហាត់ប្រាណដើម្បីទទួលបានរាងស្វែលមកវិញ។ ប៉ុន្តែអ្នកខ្លះហាត់យ៉ាងណាក៏មិនឃើញស្គមដែរ ព្រោះមិនដឹងពីរបៀបទាំងនេះ៖
១.ការធ្វើលំហាត់ប្រាណមិនបានទៀងទាត់
ស្រីៗមួយចំនួនបានទៅហាត់ប្រាណដែរ ប៉ុន្តែមិនជាប់លាប់ ពោលគឺហាត់ ៣ ថ្ងៃ ឈប់ ១ សប្ដាហ៍ រួចក៏ត្រលប់មកហាត់ម្ដងទៀត។ ពេលអ្នកធ្វើលំហាត់ប្រាណមិនបានជាប្រចាំ មិនអាចទូទាត់សងសម្រាប់ថ្ងៃខកខានបានឡើយ ដោយសារតែរាងកាយមិនអាចសាំបាន។ តែពេលហាត់ជារៀងរាល់ថ្ងៃសាច់ដុំនឹងដំណើរការជាប្រព័ន្ធភ្ជាប់គ្នាមិនដាច់។
**២.ពេលវេលាហាត់ប្រាណ**
ភាគច្រើនបំផុតនៃការធ្វើលំហាត់ប្រាណ គឺនៅពេលព្រឹក និងពេលល្ងាច។ ប៉ុន្តែសម្រាប់ស្រីៗដែលចង់សម្រកទម្ងន់ពិត នៅថ្ងៃដំបូងគួរតែហាត់ប្រាណនៅពេលព្រឹក។ ការហាត់ប្រាណនាពេលល្ងាច គឺជិតដល់ពេលញ៉ាំអាហារ ដូចនេះវាធ្វើឲ្យអ្នកកាន់តែឃ្លានខ្លាំងជាងមុន។ ប៉ុន្តែបើពេលព្រឹក អ្នកអាចញ៉ាំអាហារតែបន្តិចបន្តួច។
៣.ផឹកទឹកមិនគ្រប់គ្រាន់
នេះជាមូលហេតុចម្បងដែលធ្វើឲ្យការហាត់ប្រាណមិនបានសម្រេចសោះ។ តាមធម្មតាមនុស្សម្នាក់ៗផឹកទឹកយ៉ាងតិច ៨-១០ កែវក្នុងមួយថ្ងៃ ប៉ុន្តែមនុស្សភាគច្រើនមិនអើពើនឹងវា ព្រោះមិនបានដឹងថា ទឹកមានសារៈសំខាន់ ដោយជួយប្រព័ន្ធរំលាយអាហារ។ បើអ្នកហាត់ប្រាណរាល់ថ្ងៃ ត្រូវផឹកទឹកឲ្យបានច្រើនជាងពេលធម្មតា ព្រោះវាជួយប្រព័ន្ធផ្សេងៗទៀតនៃរាងកាយធ្វើការកាន់តែប្រសើរ។
៤.គិតថាហាត់ប្រាណហើយ មិនបាច់គ្រប់គ្រងរបបអាហារ
ទោះជាហាត់ប្រាណហើយក៏ដោយ តែរបបអាហារនៅតែតម និងមានរបៀបញ៉ាំឲ្យត្រឹមត្រូវ ទើបអាចឃើញប្រសិទ្ធភាព។ ការបញ្ចុះទម្ងន់មិនអាចពឹងផ្អែកលើការតមអាហារ ឬហាត់ប្រាណមួយមុខឡើយ តែពីរនេះត្រូវរួមបញ្ចូលគ្នា។ ការទទួលទានអាហារប្រភេទសារាយ គឺមានអត្ថប្រយោជន៍ដល់រាងកាយច្រើនពេលអ្នកហាត់ប្រាណ ព្រោះវាអាចគ្រប់គ្រងកាឡូរីក្នុងរាងកាយមិនឲ្យកើន។
៥.ខំហាត់មិនឈប់មិនឈរ
ចង់ស្រកទម្ងន់ មានតែជ្រើសយកការហាត់ប្រាណនេះហើយ ប៉ុន្តែកុំធ្វើវាលើសពេក។ ស្រីៗខ្លះមានបំណងសម្រកទម្ងន់ ដូចនេះនៅដើមដំបូងពេលចូលហាត់ប្រាណគឺខំសម្រុកមិនឈប់ឈរ មួយថ្ងៃ ៣-៤ ម៉ោង។ វិធីនោះមានតែធ្វើឲ្យអ្នកឈឺចាប់ និងអស់កម្លាំងអត់ប្រយោជន៍។ ចាប់ផ្ដើមហាត់ដំបូងត្រឹមមួយថ្ងៃ ១ ម៉ោង ឬលើសនេះតិចតួចទៅបានហើយ៕
ចុចអាន៖ក្បាច់ហាត់ប្រាណដ៏មានប្រសិទ្ធភាពសម្រាប់សម្រកខ្លាញ់ភ្លៅ និងគូទ