ចំណុចមួយសំខាន់បំផុតឪពុកម្ដាយអាចអត់ដឹង មុនសម្រេចដាក់កូនរៀនសាលាណាមួយ
- 2018-06-01 03:58:39
- ចំនួនមតិ 0 | ចំនួនចែករំលែក 0
ចំណុចមួយសំខាន់បំផុតឪពុកម្ដាយអាចអត់ដឹង មុនសម្រេចដាក់កូនរៀនសាលាណាមួយ
និយាយពីសាលាឯកជន មានចំណុចជាច្រើនឪពុកម្ដាយត្រូវពិចារណាឲ្យបានដិតដល់ មុនដាក់កូនឲ្យរៀននៅសាលាណាមួយ ចៀសវាងខាតពេលកូនរៀនអត់ចេះ។ ឪពុកម្ដាយខ្លះខ្វល់ពីសាលាថោក ឬថ្លៃ? ខ្លះខ្វល់ពីកម្មវិធីសិក្សាល្អ ទំនើបអត់? ខ្លះខ្វល់ពីទីធ្លាសាលាតូច ឬធំ?
ចំណុចទាំងនេះសុទ្ធតែត្រូវទាំងអស់ តែមានចំណុចមួយដ៏សំខាន់បំផុតដែលឪពុកម្ដាយមួយចំនួនភ្លេចនឹកនាដល់ ហើយត្រូវពិចារណាជាងគេឲ្យមែនទែននោះ គឺថាតើសាលាមួយនោះផ្ដល់សុខុមាលភាពផ្លូវចិត្តដល់ក្មេងកម្រិតណា! មានន័យថា សាលាផ្ដល់សុវត្ថិភាព និងធ្វើឲ្យក្មេងមានទំនុកចិត្តលើខ្លួនឯង សប្បាយចិត្តចង់រៀនសូត្រកម្រិតណាដែរ។
"ក្នុងនាមជាម្ដាយ និងជាគ្រូបង្រៀន ខ្ញុំគិតថា សុខុមាលភាពផ្លូវចិត្ត និងផ្លូវកាយរបស់ក្មេងសំខាន់ជាងគេបំផុត បើចង់រើសសាលាល្អឲ្យគេរៀន"។ នេះជាសម្ដីរបស់អ្នកស្រី Fiona Barry (Fibi) ជាគ្រូបង្រៀនថ្នាក់បឋមសិក្សានៅសាលាអន្តរជាតិ Forest Hill International School ផ្ដល់បទសម្ភាសឲ្យ Sabay។
អ្នកស្រីបន្តថា៖ "ជាការពិត សាលាត្រូវមានតុល្យភាពរវាងការអប់រំ (កម្មវិធីសិក្សា) និងសុខុមាលភាពផ្លូវចិត្តសម្រាប់ក្មេង។ ប៉ុន្តែ សុខុមាលភាពផ្លូវចិត្តសម្រាប់ក្មេង គឺសំខាន់ជាងបន្តិច ព្រោះបើក្មេងមិនរីករាយ គេគ្មានទំនុកចិត្តលើខ្លួនឯងទេ គេនឹងមិនចង់រៀន ឬក្លាយជាមនុស្សមិនក្លាហាន ខ្លាចនេះខ្លាចនោះច្រើន"។
ពេលសួរថាចុះកម្មវិធីសិក្សាវិញ សំខាន់ដល់កម្រិតប៉ុណ្ណាដែរ គ្រូបង្រៀនសម្បូរបទពិសោធលើផ្នែកអប់រំរូបនេះ តបថា ច្បាស់ណាស់ កម្មវិធីសិក្សាពិតជាសំខាន់មែន ប៉ុន្តែក្មេងរៀនម៉េចនឹងកើត បើដំណាក់កាលដំបូងឡើយ ក្មេងគ្មានទំនុកចិត្តលើខ្លួនឯង អត់ចង់រៀនផងហ្នឹង! អ៊ីចឹង សាលាត្រូវបង្កើតបរិស្ថានល្អមួយដែលធ្វើឲ្យក្មេងមានសុខុមាលភាពផ្លូវចិត្តល្អ បង្កើតទំនុកចិត្តលើខ្លួនឯង (ក្លាហាន) និងសប្បាយចិត្តចង់រៀន។
ត្រង់នេះ Fibi ដែលជាគ្រូបង្រៀនកម្រិតថ្នាក់ទី១ និងទី២ រូបនេះ បញ្ជាក់ថា សាលាអន្តរជាតិ Forest Hill មានលក្ខណៈពិសេសម្យ៉ាងអាចអង្កេតពីក្មេងម្នាក់ៗថាតើពួកគេចូលចិត្តធ្វើអ្វី មានតម្រូវការអ្វីពិសេស ចង់បានអ្វីខ្លះ មានភាពខ្លាំង និងភាពខ្សោយត្រង់ណា រួចបំពេញគ្រប់យ៉ាងដែលក្មេងៗត្រូវការ និងខ្វះខាត ដើម្បីឲ្យក្មេងមានទំនុកចិត្តលើខ្លួនឯង សប្បាយចិត្តនឹងរៀន តាមរយៈសកម្មភាពអនុវត្តក្នុងថ្នាក់រៀន។
សាលាមានសកម្មភាពជាច្រើនឲ្យក្មេងៗនិយាយទំនាក់ទំនង និងអនុវត្តជាក្រុមគ្រប់ពេលដើម្បីឲ្យពួកគេមានទំនាក់ទំនងល្អដូចបងប្អូនអ៊ីចឹង ច្រើនជាងអ្វីៗដែលមាននៅក្នុងសៀវភៅ ឬកម្មវិធីសិក្សាទៅទៀត ក្នុងនោះមានការនិយាយបើកចំហច្រើនជាមួយក្មេងៗពីរឿងសប្បាយចិត្ត និងមិនសប្បាយ លើកទឹកចិត្តពួកគេឲ្យធ្វើនេះធ្វើនោះ បង្ហាត់ពីជំនាញបំណិនជីវិត ដោយពន្យល់ថាហេតុអ្វីពួកគេគួរធ្វើបែបនេះ មិនគួរធ្វើបែបនោះ-ល-។
៩០% នៃសកម្មភាពឲ្យក្មេងៗអនុវត្តក្នុងថ្នាក់រៀន មានលក្ខណៈជាការនិយាយ មើល ស្ដាប់ និងទំនាក់ទំនង ឯគ្រូគ្រាន់តែជាអ្នកបង្ហាត់បង្ហាញ។
សាលាអន្តរជាតិ Forest Hill មានកម្មវិធីសិក្សាចំនួន ៣ គឺ (១) ការថែទាំក្មេងបែប Montessori ចាប់ពីអាយុ ៣ ខែ - ៣ ឆ្នាំ, (២) មត្តេយ្យសិក្សា អាយុ ៣ ឆ្នាំ - ៦ ឆ្នាំ និងចុងក្រោយ គឺកម្មវិធីបឋមសិក្សាស្តង់ដារអាមេរិកាំង។
អត្ថបទពាក់ព័ន្ធ៖ រឿងសម្ងាត់ឪពុកម្ដាយសម័យថ្មី ផ្ដើមនិយមប្រើសេវាថែទាំក្មេង Daycare នៅសាលាធំៗ ដូចកូនបរទេស
ការចុះឈ្មោះចាប់ផ្ដើមពីថ្ងៃនេះតទៅ និងទទួលបានការបញ្ចុះតម្លៃ ២០% លើតម្លៃសិក្សា ពេលចុះឈ្មោះ សម្រាប់ថ្នាក់មត្ដេយ្យសិក្សា និងបឋមសិក្សា។ សម្រាប់ព័ត៌មានបន្ថែម សូមទាក់ទង៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
