អាហារ ៤ មុខនេះអាចញ៉ាំភ្លាមៗនៅកន្លែងបាន តែហ៊ានខ្ចប់ទុកយូរនឹងប៉ះពាល់សុខភាព
- 2018-06-01 06:00:00
- ចំនួនមតិ 0 | ចំនួនចែករំលែក 0
អាហារ ៤ មុខនេះអាចញ៉ាំភ្លាមៗនៅកន្លែងបាន តែហ៊ានខ្ចប់ទុកយូរនឹងប៉ះពាល់សុខភាព
ដោយសារគេចពីអាកាសធាតុក្ដៅ ដូច្នេះហើយអ្នកធ្វើការងារឬសិស្សសាលាមួយចំនួននិយមខ្ចប់បាយទៅទុកញ៉ាំពេលថ្ងៃត្រង់នៅ កន្លែងធ្វើការឬនៅសាលា ព្រោះខ្ជិលចេញដើរទៅក្រៅក្រោមកម្ដៅថ្ងៃ។ ប៉ុន្តែអាហារ ៤ មុខនេះល្អពេលញ៉ាំភ្លាមៗតែប៉ុណ្ណោះ បើសិនខ្ចប់ទុកញ៉ាំយូរពេក និងបណ្ដាលឲ្យប៉ះពាល់ធ្ងន់ធ្ងរដល់សុខភាព។
១. គ្រឿងក្នុងជ្រូក
គ្រឿងក្នុងដូចជាបេះដូង ថ្លើម និងពោះវៀនជ្រូកជាបំណែកឆ្ងាញ់មួយនៃសត្វជ្រូក ហើយគេនិយមយកឆាខ្ញី ឬស្ងោជ្រលក់ទឹកត្រីផ្អែម។ ប៉ុន្តែបើសិនអ្នកខ្ចប់ទុកយូរទើបញ៉ាំនិងប៉ះពាល់ដូចជាអ្នកនឹងមានហានិភ័យខ្ពស់ធ្វើឲ្យពុលអាហារ។ គ្រឿងក្នុងសត្វជ្រូកនៅពេលដែលចម្អិនមិនបានឆ្អិនល្អមេរោគងាយតោងជាប់នៅពេលទុកយូរម៉ោង ហើយនិងធ្វើឲ្យអ្នកមានអាការពុលអាហារ។
២. បន្លែបៃតង
បន្លែបៃតងបន្ទាប់ពីចម្អិនអាហារបានកាត់បន្ថយបរិមាណវីតាមីនមួយចំនួន។ ប្រសិនបើត្រូវទុកចោលយូរពេកដូចជាជួយសម្រួលដល់ការបម្លែងបាក់តេរីដូច្នេះដែរ។ ក្នុងនោះអាស៊ីដ Nitrate នឹងត្រូវបាន បម្លែងទៅជា nitrite ដែលជាសារធាតុបង្កឲ្យមានជំងឺមហារីកពោះវៀន។ សូម្បីតែកម្ដៅក៏មិនអាចកម្ទេចសារជាតិនេះដែរ។ ដូច្នេះមិនត្រូវបរិភោគបន្លែឆ្អិនសល់រំលងមួយយប់នោះទេ។
៣. អាហារប្រភេទញ៉ាំ
នៅពេលដែលធ្វើញ៉ាំឬសាឡាត់ ជាទូទៅគេប្រើគ្រឿងទេសជាច្រើនដូចជាទឹកខ្មេះ ទឹកត្រី ម្ទេស និងគ្រឿងផ្សេងៗទៀត។ ប្រសិនបើទុកដល់ថ្ងៃបន្ទាប់ ទោះបីអ្នកទុកនៅក្នុងទូទឹកកកក៏ដោយ ក៏ងាយវាស្រួលក្នុងការបង្កជាបាក់តេរី ផ្សិតដែលបណ្ដាលឲ្យពុលអាហារផងដែរ។ ដូច្នេះពុំគួរខ្ចប់អាហារប្រភេទនេះទុកយូរទើបញ៉ាំឡើយ។
៤. គ្រឿងសមុទ្រ
គ្រឿងសមុទ្រមិនត្រឹមតែបាត់បង់រសជាតិឆ្ងាញ់ពេលទុកយូរនោះទេ ប៉ុន្តែវាប៉ះពាល់ដល់ថ្លើមនិងក្រលៀនផងដែរ។ ម៉្យាងទៀតម្ហូបនេះងាយនឹងផ្អូម បើសិនជាមិនបានទុកដាក់ត្រឹមត្រូវដែលងាយធ្វើឲ្យពុលនិងរាករូសណាស់៕
ចុចអាន៖ហេតុផល ៦យ៉ាងដែលសំបកដំឡូងមានប្រយោជន៍ជាងដំឡូងទៅទៀត