ហេតុផល ៦យ៉ាងដែលសំបកដំឡូងមានប្រយោជន៍ជាងដំឡូងទៅទៀត
- 2018-05-25 04:35:58
- ចំនួនមតិ 0 | ចំនួនចែករំលែក 0
ហេតុផល ៦យ៉ាងដែលសំបកដំឡូងមានប្រយោជន៍ជាងដំឡូងទៅទៀត
ជារឿងធម្មតាទេដែលអ្នកគ្រប់គ្នាតែងតែចោលសំបកដំឡូង។ ក្រោយពីដឹងពីអត្ថប្រយោជន៍ទាំងនេះ អ្នកនឹងឈប់ចោលសំបកដំឡូង៖
១. ជួយប្រឆាំងនឹងការឡើងទម្ងន់
ត្រឹមត្រូវហើយព្រោះថាសំបកដំឡូងអាចជួយដុតបំផ្លាញជាតិខ្លាញ់។ វាមានសារធាតុខ្លាញ់ (Cholesterol) និងសូដ្យូមទាបជាងបន្លែនិងសាច់ដំឡូង។ អ្នកអាចយកវាធ្វើជាអាហារសម្រកទម្ងន់ព្រោះវាធ្វើឱ្យអ្នកឆ្អែតបានយូរ ហើយមិនចាំបាច់បារម្ភរឿងឡើងកាល់ឡូរី។
២. ជួយដល់ប្រព័ន្ធភាពសុំា
សំបកដំឡូងសំបូរទៅដោយវីតាមីនC និង B រួមជាមួយនឹងកាល់ស្យូម។ សារធាតុទាំងនេះជួយឱ្យអ្នកមានថាមពល និងជួយការពារប្រព័ន្ធភាពសុំារបស់អ្នកបានយ៉ាងល្អ។
៣. ការពារពីជំងឺមហារីក
សំបកដំឡូងអាចជួយការពារអ្នកពីជំងឺមហារីកបានដោយសារតែសារធាតុ Phytochemicals ដែលអាចប្រឆាំងនឹងមេរោគផ្សេងៗ។ លើសពីនេះទៅទៀត វាផ្ទុកទៅដោយ Chlorogenic ជាច្រើនដែលជួយបំបាត់ការដុះសាច់ និងមហារីក។
៤. ទប់លំនឹងកម្រិតជាតិស្ករ
ក្រៅពីមានជីវជាតិហ្វៃបឺ (Fiber) យ៉ាងច្រើន សំបកដំឡូងក៏មាននូវជីវជាតិបំប៉នជាច្រើនទៀតដែលកាត់បន្ថយកម្រិតគ្លុយកូសនៅក្នុងខ្លួន។
៥. កាត់បន្ថយអត្រានៃការកើតជំងឺបេះដូង
សំបកដំឡូងក៏មានជាតិមេតាប៉ូលីសដែលជាសារធាតុដ៏សំខាន់ក្នុងការការពារពីជំងឺបេះដូង ជាពិសេសការគាំងបេះដូងនិងដាច់សរសៃឈាមខួរក្បាល។
៦. ជួយស្បែកឱ្យកាន់តែភ្លឺ
សំបកដំឡូងប្រឆាំងនឹងបាក់តេរី ជួយបំបាត់ស្នាមខ្មៅៗធ្វើឱ្យស្បែកកាន់តែភ្លឺនិងជួយដល់ស្បែកដែលខូចដោយសារកម្តៅថ្ងៃ។ អ្នកមិនចាំបាច់ធ្វើអ្វីច្រើនទេ គ្រាន់តែយកវាមកដុសខាត់នៅត្រង់កន្លែងខ្មៅជាការស្រេច៕
ចុចអាន៖
ចាប់ផ្ដើមពពោះ កិច្ចការផ្ទះ៤យ៉ាងនេះ គួរឈប់ធ្វើបើមិនចង់មានគ្រោះថ្នាក់ដល់កូន
ស្អាតបានមួយតួខ្លួនដោយប្រើរបស់ដែលមានស្រាប់នៅក្នុងផ្ទះ