សម្រាប់អ្នកចូលចិត្តទិញរបស់មួយទឹកគួរប្រយ័ត្នរបស់ ៥យ៉ាងនេះ
- 2018-05-29 05:30:00
- ចំនួនមតិ 0 | ចំនួនចែករំលែក 0
សម្រាប់អ្នកចូលចិត្តទិញរបស់មួយទឹកគួរប្រយ័ត្នរបស់ ៥យ៉ាងនេះ
ការដែលទិញរបស់មួយទឹក គឺជាជម្រើសដ៏ល្អមួយដើម្បីសន្សំលុយ។ ប៉ុន្តែរបស់គួរសន្សំ របស់មិនគួរសន្សំព្រោះអ្នកអាចនឹងចង់ចំណេញដាច់ចំណង។ ទាំងនេះជារបស់មិនគួរទិញមួយទឹកនោះទេ៖
១. មួកសុវត្ថិភាព
មួកសុវត្ថិភាពជួយការពារអ្នកពីគ្រោះថ្នាក់ផ្សេងៗ។ មួកសុវត្ថិភាពមានអាយុកាលរបស់វា នៅពេលដែលអ្នកទិញមួកដែលប្រើហើយ វាពិតជាមិនអាចជួយការពារអ្នកបានអ្វីទាល់តែសោះ។
២. គ្រឿងសម្អាង
ការដែលទិញផលិតផលសម្អាងដែលគេប្រើហើយគឺជារឿងដែលអាក្រក់។ មិនថាគេប្រើបានមួយដង ឬពីរដងទេ ព្រោះថាគ្រឿងសម្អាងជារបស់មិនគួរប្រើរួមគ្នាឬទិញតពីគេទេ។ កម្រមានអ្នកលក់ឬទិញគ្រឿងសម្អាងមួយទឹកណាស់ ប៉ុន្តែបើជៀសបានគួរតែជៀសទៅ។
៣. គ្រែកូនង៉ា និងគ្រឿងសង្ហារឹម
គ្រឿងសង្ហារឹមមិនមែនចេះតែទិញនោះទេ នៅពេលដែលអ្នកទិញត្រូវដឹងពីប្រវត្តិឱ្យបានច្បាស់ជាមុនសិន ជាពិសេសគ្រែកូនង៉ា ។
៤. ពូក និងគ្រែ
ពូកនិងគ្រែមិនងាយស្រួលបោកដូចជាភួយ ខ្នើយទេ។ បាក់តេរី និងមេរោគផ្សេងៗនៅតែមាន ហើយអ្នកក៏អាចឆ្លងមេរោគផ្សេងៗដោយមិនដឹងខ្លួន។
៥. កុំព្យូទ័រ
កុំព្យូទ័រមួយទឹកមិនមានបាក់តេរីឆ្លងទេ តែវាមានមេរោគដែលប៉ះពាល់ដល់ឯកសារសំខាន់ៗរបស់អ្នក។ បើសិនជាអ្នកជាអ្នកជំនាញITនោះមិនសូវជាមានបញ្ហាទេ។