ស្អាត​ៗ​អ៊ីចឹង​បានជា​តារា​ស្រី ៥ រូប​នេះ ត្រូវ​តារា​ប្រុស​បរទេស​សារភាព​ស្នេហ៍​ត្រង់​ៗ

  • 2018-05-16 05:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មិន​ត្រឹមតែ​មាន​ទេព​កោសល្យ និង​រូប​សម្រស់​ស្រស់​ស្អាត​ទាក់ទាញ​បេះដូង​បុរស​ៗ​ក្នុង​ស្រុក​ប៉ុណ្ណោះ​ទេ តារា​ស្រី​ឈ្មោះ​ល្បីល្បាញ​របស់​ចិន​ទាំង​ប៉ុន្មាន​រូប​នេះ​ អាច​ឆក់​បាន​ការ​ចាប់អារម្មណ៍​ពី​តារា​ប្រុស​ដទៃ​នៅ​ក្នុង​ពិភពលោក​ទៀត​ផង។ ចង់​ដឹង​ថា​តារា​ប្រុស​ប្រទេស​ណា​ខ្លះ លង់​ស្រលាញ់​ស្រីស្អាតត​របស់​ចិន​ទាំង ៥ តាមដាន​ជាមួយ កញ្ញា ដូច​ខាងក្រោម៖

១.Dilraba Dilmurat

នាង​ត្រូវ​បាន​កីឡាករ Alexandre Pato របស់​ក្លឹប Tianjin Quanjian លើ​ក​រូប​ថតពេល​អបអរ​ជ័យជម្នះ​លើ​ក្រុម​កូរ៉េខាងត្បូង Jeonbuk Motors និង​បាន​សារភាព​ស្រលាញ់​​តែ​ម្ដង។

២.Fan Bingbing

មិត្ត​ស្រី Li Chen គឺជា​រាជិនី​កំពូល​សម្រស់​របស់​ចិន ដែល​អាច​ទាក់ទាញ​បេះដូង​បុរស​ៗ​បាន​យ៉ាង​ច្រើន។ មិន​ត្រឹម​តែ​មាន​អ្នក​ស្រលាញ់​ច្រើន​ក្នុង​ប្រទេស​ឡើយ Bingbing ក៏​ត្រូវ​បាន​គេ​ស្វែងរក​ក្នុង​ពិភពលោកយ៉ាង​សន្ធឹកសន្ធាប់​ផងដែរ ជាពិសេស​ប្រទេស​នៅ​ក្នុង​តំបន់​អាស៊ី។ សូម្បី​តែ MC និង​ជា​តារា​កំប្លែង​ជប៉ុន​ដ៏​ល្បីល្បាញ Tetsuro Degawa បាន​សារភាព​ជា​សាធារណៈ​ថា ជា​អ្នកគាំទ្រ​ដ៏​ងប់ងុល​របស់​នាង​អស់​ពី​បេះដូង។

លោក Tetsuro Degawa

៣.AngelaBaby

ភាព​ស្រស់​ស្អាត​របស់ Baby មិន​ត្រឹមតែ​អាច​ទាក់ទាញ​ចិត្ត​ស្វាមី​របស់​នាង គឺ​តារាសម្ដែង Huang Xiaoming ឡើយ​ តែ​ក៏​ធ្វើឲ្យ​តារា​ប្រុស​កូរ៉េ​ដ៏​ល្បី​ឈ្មោះ Kim Jong-kook លង់​ស្នេហ៍​ដក​ចិត្ត​មិន​រួច​ផង​ដែរ។ នៅ​ក្នុង​បទសម្ភាសន៍​មួយ​តារា​កូរ៉េ​រូប​នោះ បាន​សារភាព​ជា​សាធារណៈ​ចំពោះ​ការ​ស្រលាញ់​ AngelaBaby ហើយ​បាន​និយាយ​ថា នាង​គឺតារា​ចិន​កំពូល​សម្រស់ ដែល​លោក​ចង់​ធ្វើការ​ជាមួយ​បំផុត។

AngelaBaby ជាមួយ Kim Jong-kook

៤.Victoria Song

នៅ​ពេល​ចូលរួម​ក្នុង​កម្មវិធី​មួយ​នៅ​ប្រទេស​ចិន Shaquille O'Neal ដែល​ជា​អតីត​កីឡាករ​បាល់បោះ​ដ៏​ល្បី​របស់​អាមេរិក បាន​ធ្វើ​រឿង​គួរ​ឲ្យ​ភ្ញាក់ផ្អើល​មួយ ដោយ​លោក​បាន​លុតជង្គង់​សូមមេក្រុម​ចម្រៀង F(x) រៀបការ។

Victoria ជាមួយ O'Neal

៥.Zhao Wei

បន្ទាប់ពី​ជោគជ័យ​ក្នុង​រឿង "ព្រះ​នាង​យេ​យេ​ ” Zhao Wei បាន​ក្លាយ​ទៅ​ជា​និមិត្តរូប​មួយ​ក្នុង​បេះដូង​អ្នក​ទស្សនា​រាប់​លាន​នាក់​នៅ​ទូទាំង​ទ្វីប​អាស៊ី។ ភ្នែក​ធំ​ៗ មុខ​មាន​មន្ត​ស្នេហ៍​ពី​ធ្វើឲ្យ​តារា​ប្រុស​ថៃ​ដ៏​ល្បី Weir Sukollawat ធ្លាប់​ផ្សព្វផ្សាយ​ជា​សាធារណៈ​ម្ដង​ថា លោក​ពេញ​ចិត្ត​នឹង​តារា​ស្រី​វ័យ ៤២ ឆ្នាំ​នោះ​ខ្លាំង​ណាស់៕

Weir

ចុចអាន៖សម្រស់​តារា​ស្រី​ល្បី​ៗ​នៅ​អាស៊ី មុខ​ស្អាត​ៗ​ពី​កំណើត​ ទោះ​គ្មាន​ម្សៅ​ក៏​នៅតែ​អេម!


ប្រភព៖ bestie ប្រែ​សម្រួល៖ ទ្រី រ៉ាវី