កុំឲ្យឈឺក្បាលរឿងស្ទះ របស់៧យ៉ាងនេះមិនគួរចាក់ចោលក្នុងបំពង់បង្ហូរទឹកឡើយ
- 2018-05-11 04:09:48
- ចំនួនមតិ 0 | ចំនួនចែករំលែក 0
កុំឲ្យឈឺក្បាលរឿងស្ទះ របស់៧យ៉ាងនេះមិនគួរចាក់ចោលក្នុងបំពង់បង្ហូរទឹកឡើយ
អ្នកគ្រប់គ្នាតែងតែចាក់របស់ផ្សេងៗដោយមិនបានពិចារណាឱ្យបានត្រឹមត្រូវថានឹងអាចស្ទះទៅថ្ងៃក្រោយ។ តើអ្នកដឹងទេថារបស់ណាគួរចាក់របស់ណាមិនគួរចាក់?
១. បាយឬមី
បាយនិងមីមិនងាយរលាយទេ ហើយវាថែមទាំងរីកទៅៗដែលធ្វើឱ្យស្ទះនៅក្នុងបំពង់។
២. សំបកស៊ុត
គ្រប់គ្នាតែងគិតថាពេលដែលបំបែកសំបកស៊ុតឱ្យតូចៗនោះវានឹងលែងធ្វើឱ្យស្ទះហើយ។ ប៉ុន្តែអ្នកគិតខុសហើយ សំបកតូចៗផ្តុំគ្នាអាចធ្វើឱ្យស្ទះបានដូចគ្នា។
៣. ម្សៅ
សាកគិតទៅមើលថាម្សៅនៅពេលដែលត្រូវទឹកវានឹងទៅជាយ៉ាងណា? វាប្រៀបដូចជាកាវទៅបិទបំពង់អញ្ចឹង។
៤. សក់
សក់គឺជារបស់ដែលងាយស្ទះបំផុត ជាពិសេសនៅក្នុងបន្ទប់ទឹក។សក់ងាយជំពាក់គ្នាប្រៀបដូចជាសំណាញ់ដែលងាយនឹងរបស់ផ្សេងៗទៀត។ ដូច្នេះហើយអ្នកត្រូវប្រយ័ត្ននៅពេលដែលកក់សក់ និងសិតសក់។
៥. ស្គុត(Sticker)
ទោះបីជាស្គុតតូចយ៉ាងណាក៏វាអាចធ្វើឱ្យស្ទះបំពង់បានដែរ។ អ្នកកុំភ្លេចថាវាមានកាវដែលអាចស្អិតបាន។
៦. កន្ទុយបារី
បញ្ហានោះគឺ កន្ទុយបារីមានស្នោដែលរីកនៅពេលត្រូវទឹក។ នៅពេលដែលអ្នកចោលវាកាន់តែច្រើន នោះវានឹងធ្វើឱ្យកាន់តែស្ទះដោយមិនដឹងខ្លួន។
៧. ក្រដាសអនាម័យ
របស់នេះអ្នកគ្រប់គ្នាសុទ្ធតែបានដឹងហើយ ថាវាអាចធ្វើឱ្យស្ទះបានយ៉ាងងាយ ៕
ចុចអាន៖