កំហុស ៥ យ៉ាងធ្វើនាំឲ្យទម្ងន់កើនឡើងមិនស្រក ទោះខំញ៉ាំតមយ៉ាងណាក៏ដោយ
- 2018-05-09 10:00:00
- ចំនួនមតិ 0 | ចំនួនចែករំលែក 0
កំហុស ៥ យ៉ាងធ្វើនាំឲ្យទម្ងន់កើនឡើងមិនស្រក ទោះខំញ៉ាំតមយ៉ាងណាក៏ដោយ
ការឡើងទម្ងន់ គឺជាសត្រូវរបស់មនុស្សស្រីគ្រប់ៗគ្នា។ មានស្ត្រីមិនតិចទេដែលឆ្ងល់ខ្លួនឯងថា ហេតុអ្វីពិបាកស្រកខ្លាំងម្ល៉េះទោះខិតខំសម្រកយ៉ាងណាក៏ដោយ។ នោះក៏ព្រោះតែមិនបានចាប់អារម្មណ៍វិធីតមរបស់អ្នកឲ្យបានត្រឹមត្រូវ ហើយគួរជៀសវាងអ្វីខ្លះ។ វិធីតមទាំង ៥ យ៉ាងនេះដែលខុស ហើយបែរជាធ្វើឲ្យឡើងគីឡូទៅវិញ៖
១. ញ៉ាំតិចពេក
បើខំតមញ៉ាំតិចៗហើយនៅតែមិនស្រកគីឡូទៀតគឺអ្នកធ្វើខុស ព្រោះដើម្បីស្រកទម្ងន់បាន ត្រូវការថាមពលបម្លែងការដុតកាឡូរី។ ជាទូទៅមនុស្សស្រីត្រូវការ ២០០០ កាឡូរីក្នុងមួយថ្ងៃ ហើយការញ៉ាំកាឡូរីតិចជាងនេះមិនមែនជាជម្រើសធ្វើឲ្យអ្នកស្រកទម្ងន់នោះទេ។ ការញ៉ាំអាហារសុខភាពដូចជាបន្លែ ផ្លែឈើ និងគ្រាប់ធញ្ញជាតិច្រើនទើបជារឿងដែលគួរធ្វើ។
**២. ហាត់ប្រាណតិចពេក ឬច្រើនពេក**
ពេលតមអាហារខ្លាំងអ្នកល្ហិតល្ហៃ ធ្វើឲ្យគ្មានកម្លាំងក្នុងការហាត់ប្រាណ ដែលធ្វើឲ្យខ្លាញ់នៅសេសសល់ ហើយបាត់បង់សាច់ដុំទៅវិញ។ ផ្ទុយទៅវិញបើអ្នកខិតខំហាត់ប្រាណហួសកម្លាំងពេក និងបង្កឲ្យកើតស្ត្រេសមិនស្រកទម្ងន់ដដែល។
៣. ញ៉ាំអាហារគ្មានជាតិសសៃ
ការញ៉ាំអាហារដែលគ្មានជាតិកាកសរសៃក៏មិនធ្វើឲ្យអ្នកស្រកទម្ងន់បានដែរ។ ដូច្នេះញ៉ាំបន្លែផ្លែឈើមានជាតិកាកសរសៃច្រើនដូចជាបន្លែបៃតង គ្រាប់ជី ស្វាយ ល្ហុងជាដើមទើបល្អក្នុងការបញ្ចុះគីឡូ។
៤. ប៉ាន់ស្មានរបបអាហារខុស
អ្នកខ្លះយល់ដឹងពីប្រភេទអាហារ និងការហាត់ប្រាណ ប៉ុន្តែបែរជាប៉ាន់ស្មានខុស ដូចជាគិតថាខ្លួនញ៉ាំអាហារត្រឹម ២០០០ កាឡូរី តែការពិតញ៉ាំលើសនេះដល់ទៅ ២៥០០ ទៅ ៣០០០។ ដូច្នេះអ្នកគួរមានកំណត់ត្រានូវរាល់អាហារដែលបានញ៉ាំ ដើម្បីងាយស្រួលតាមដាន។
៥. មិនអាចកាត់ផ្ដាច់ពីភេសជ្ជៈកំប៉ុងបាន
ដាច់ខាតមិនត្រូវញ៉ាំភេសជ្ជៈកំប៉ុងឡើយបើចង់ស្រកទម្ងន់ មិនថាភេសជ្ជៈនោះមានដាក់ផ្លាក Diet ក៏ដោយ។ ភេសជ្ជៈកំប៉ុង Diet នៅតែប្រើស្ករគ្រាន់តែក្នុងបរិមាណតិចជាងធម្មតាប៉ុណ្ណោះ៕
ចុចអាន៖ចង់បានរាងស្អាត គ្មានក្បាលពោះ ញ៉ាំភេសជ្ជៈប៉ុន្មានមុខនេះ