ហេតុផល ៣ធំៗ ដែលសង្សារអ្នកប្រកែក ពេលសុំឲ្យចូលស្ដីដណ្ដឹង
- 2018-04-12 05:30:00
- ចំនួនមតិ 0 | ចំនួនចែករំលែក 0
ហេតុផល ៣ធំៗ ដែលសង្សារអ្នកប្រកែក ពេលសុំឲ្យចូលស្ដីដណ្ដឹង
អ្នកងឿងឆ្ងល់ណាស់មែនទេ ហេតុអ្វីស្រលាញ់គ្នាជាមួយគាត់យូរហើយ ពេលសុំឲ្យចូលដណ្តឹងតាមប្រពៃណី បែរជាមានលេសថា មិនទាន់ត្រៀមខ្លួនរួចទៅវិញ? ហេតុអ្វីមិនទាន់ត្រៀមរួចទៀត បើយល់ចិត្តគ្នា ហើយនិយាយថាស្រលាញ់គ្នាពេញៗមាត់ហើយនោះ? អ្នកប្រាកដជាមានអារម្មណ៍មិនស្រួលក្នុងចិត្ត ហើយមិនច្បាស់ថា ពាក្យដែលគាត់និយាយថាស្រលាញ់អ្នកនោះ ជាការពិតឬយ៉ាងណា? ដើម្បីកុំឲ្យមានមន្ទិលសង្ស័យច្រើន កញ្ញា នឹងជួយអ្នកទាំងអស់គ្នាបកស្រាយមន្ទិលទាំងនោះ ដោយលើកហេតុផល ៣ ធំៗ ដូចខាងក្រោម៖
១. អ្នកមិនមែនជាជម្រើសរបស់គាត់ទេ នេះជាហេតុផលចម្បង ព្រោះចាប់តាំងពីស្រលាញ់គ្នា គាត់មិនដែលបានតាំងចិត្តខ្ពស់ និងចាត់ទុកទំនាក់ទំនងមួយនេះ ឲ្យបានវែងឆ្ងាយដល់កម្រិតណានោះទេ។ អ្នកអាចមិនមែនជាជម្រើសរបស់គាត់ ទើបគាត់គ្មានផែនការច្បាស់លាស់ជាមួយអ្នក ដូចនឹងអ្វីដែលអ្នកបានគិតទៅលើគាត់នោះទេ។
**២. ពេលវេលាមិនអំណោយផល**
ពេលខ្លះគាត់ចង់ចូលមកដែរ ប៉ុន្តែគិតថាពេលវេលាមិនទាន់ស័ក្ដិសមត្រឹមត្រូវនៅឡើយ។ គាត់អាចនឹងគិតចង់ឲ្យអ្វីៗមានលំនឹងសិន ដូចជាការងារ លុយកាក់ ជាដើម។ ទាំងនេះហើយដែលជារនាំង នៃការសម្រេចចិត្តរបស់គាត់។
៣. គាត់មានចិត្តលើអ្នកផ្សេង
នេះជាហេតុផលមួយដែលស្តាប់ទៅ ពិបាកទទួលយកបន្តិច ប៉ុន្តែទទួលស្គាល់ការពិតប្រសើរជាង ការតាំងចិត្ត មានសង្ឃឹមតែម្នាក់ឯង វាអាចនឹងធ្វើឲ្យអ្នកខកចិត្តខ្លាំងទៅថ្ងៃក្រោយ។ បើគាត់មានចិត្តលើអ្នកផ្សេងហើយនោះ ទោះអ្នកខំធ្វើល្អយ៉ាងណាក៏វាគ្មានតម្លៃដែរ៕
ចុចអានបន្ត៖