បើដឹងរឿងរ៉ាវទាំង ៩ ពី Bella តួឯកស្រីក្នុងរឿង "បុព្វេសន្និវាស" នារីៗពិតជាច្រណែនជាមិនខាន

2018-03-13 03:42:09
ចំនួនមតិ 0 | ចំនួនចែករំលែក 0

ក្រោយរឿង "បុព្វេសន្និវាស”ចេញផ្សាយតួឯកស្រីនាង Bella Ranee កាន់តែមានប្រជាប្រិយភាពខ្លាំងមួយកម្រិតទៀត។ ទន្ទឹមនឹងនេះអ្នកគាំទ្រជាច្រើនមិនបានដឹងរឿងដ៏អស្ចារ្យទាំង ៩ របស់មិត្តស្រី Weir ឡើយ។ កញ្ញា សូមបង្ហាញជូននូវចំណុចលេចធ្លោបំផុតរបស់ Bella ដែលប្រិយមិត្តមិនសូវដឹង៖

១.ប្រវត្តិរបស់ Bella

នាងគឺជាតារាសម្ដែងថៃកាត់អង់គ្លេស កើតនៅថ្ងៃ ២៤ ខែ ធ្នូ ឆ្នាំ ១៩៨៩ បច្ចុប្បន្នមានអាយុ ២៨ ឆ្នាំ។ Bella បានបញ្ចប់ការសិក្សាពីសាកលវិទ្យាល័យ Thammasat ជាមួយ GPA នៃ ៣,៥០។

២.Bella ជាស្រីស្អាតប្រចាំសាលា

នាងគឺជាក្មេងស្រីដ៏ល្អក្នុងសាលារៀន ដោយពេលនៅរៀននៅសាកលវិទ្យាល័យ នាងគឺជាឯកអគ្គរាជទូតប្រចាំ Thammasat ឬអាចនិយាយបានថា នាងជាស្រីស្អាតតំណាងសាកលវិទ្យាល័យ។

៣.សម្ដែងដំបូងជាតួចិត្តអាក្រក់

Bella Ranee បានចូលប្រឡូកក្នុងឧស្សាហកម្មកម្សាន្តថៃជាច្រើនឆ្នាំក្នុងប៉ុស្តិ៍លេខ ៣ ប៉ុន្តែតួអង្គដែលនាងសម្ដែងដំបូងបំផុត គឺជាតួចិត្តអាក្រក់។

៤.បានដើរជាតួឯកដំបូងជាមួយ Boy Pakorn

ទម្រាំតែមានទស្សនិកជនស្គាល់ តារាស្រីពូកែថែរាងរូបនេះ ត្រូវដើរតួតូចតាចជាមុនសិន រហូតដល់រឿង “Porn Prom Onlaweng” ទើបនាងមានឱកាសក្លាយជាតួឯក ជាមួយតារាប្រុសល្បីល្បាញក្នុងស្រទាប់មហាជន គឺ Boy Pakorn។

៥.រឿងដែលធ្វើឲ្យល្បី គឺសម្ដែងជាមួយJames Jirayu

ទោះជាមានឱកាសសម្ដែងជាមួយ Boy Pakorn ក៏ដោយ តែកេរ្តិ៍ឈ្មោះនាងហាក់មិនសូវមានគេទទួលស្គាល់ច្រើនទេ។ ទាល់តែបានចាប់ដៃគូលេងជាមួយតារាប្រុសមុខស្រទន់ James Jirayu ក្នុងរឿង "Khun Chai Ronapee"ទើប Bella មានអ្នកស្គាល់ច្រើនឡើង។

៦.ពានរង្វាន់ដែលទទួលបាន

នៅពេលនិយាយអំពីសមត្ថភាពសម្ដែងរបស់ Bella អ្នកជំនាញសម្ដែងនិយាយថា សមត្ថភាពរបស់នាងមិនធម្មតាទេ។ Bella ធ្លាប់បានទទួលពានសំខាន់ៗដូចជា Fantasy Couple of the Year (with Jirayu Tangsrisuk) Popular Female Lead Actress Female Rising Star of the Year និង Recreational Reward Prize...។

៧.ព្យាយាមហាត់ប្រាណ

Bella គឺជាតារាស្រីម្នាក់ដែលឧស្សាហ៍ហាត់ប្រាណបំផុត ពោលគឺ ៤- ៥ ដងក្នុងមួយសប្ដាហ៍។ មិនតែប៉ុណ្ណោះ Yoga ក៏នាងនិយមនាងខ្លាំងណាស់ដែរ ដើម្បីឲ្យបានរាងស្អាត។

៨.រកលុយធ្វើផ្ទះដោយខ្លួនឯង

ផ្ទះដ៏ស្រស់ស្អាតរបស់មិត្តស្រី Weir មានតម្លៃ ១០ លានបាត ដែលនោះជាញើសឈាមដែលនាងខំសាងក្នុងសង្គមសិល្បៈ។

៩.ជីវិតស្នេហា

បន្ទាប់ពីបានចាប់ផ្ដើមមិត្តភាពជាមួយតួឯកប្រុសប៉ុស្តិ៍លេខ ៧ មក Bella កេរ្តិ៍ឈ្មោះកាន់តែល្បីថែមមួយកម្រិតទៀត។ ចំពោះសម្ពន្ធភាពពួកគេ មិនសូវបង្ហាញឲ្យឃើញពីភាពផ្អែមល្ហែមប៉ុន្មានទេ៕