ដំណោះស្រាយងាយៗអ្នកមានបញ្ហារលាកច្រមុះ ដោយមិនចាំបាច់ប្រើថ្នាំ
- 2018-03-06 02:28:28
- ចំនួនមតិ 0 | ចំនួនចែករំលែក 0
ដំណោះស្រាយងាយៗអ្នកមានបញ្ហារលាកច្រមុះ ដោយមិនចាំបាច់ប្រើថ្នាំ
សព្វថ្ងៃនេះ បញ្ហាឈឺក្នុងឆ្អឹងច្រមុះ ឬរលាកច្រមុះនេះ កំពុងតែរាតត្បាតមនុស្សខ្លាំងណាស់។ តែកុំបារម្ភ កញ្ញា សូមណែនាំវិធីងាយៗ ដែលអាចជួយដោះស្រាយបានមួយពេលៗ ដោយមិនចាំបាច់ថ្នាំ៖
១.ម៉ាស៊ីនផ្សើម
ខ្យល់ស្ងួតអាចធ្វើឲ្យកកស្ទះចរន្តចូលច្រមុះរបស់អ្នក ដែលមិនមានទឹករំអិលចេញ។ ឧបករណ៍សើមផ្ដល់នូវខ្យល់ដែលមានសំណើម ដើម្បីធ្វើឲ្យភាពស្ងួត រលាក ឬរមាស់ក្នុងប្រហោងឆ្អឹងច្រមុះរបស់អ្នកធូរស្រាលមួយរំពេច។ សូមព្យាយាមប្រើវាពេញមួយយប់ ដើម្បីកាត់បន្ថយការកកស្ទះនៅពេលព្រឹក។ ប៉ុន្តែត្រូវសម្អាតម៉ាស៊ីនផ្សើម ឲ្យបានញឹកញាប់។
២.ផឹកទឹក
ការទទួលទានទឹកគ្រប់គ្រាន់ ធ្វើឲ្យរាងកាយទាំងមូលមានជាតិទឹក ហើយវារួមបញ្ចូលទាំងប្រហោងឆ្អឹងច្រមុះរបស់អ្នកផងដែរ។ ទឹកក៏នឹងជួយរក្សាទឹករំអិលរបស់អ្នកឲ្យសើមផងដែរ ដើម្បីឲ្យវាហូរមកមានភាពប្រក្រតី។ ចៀសវាងជាតិកាហ្វេអ៊ីន ឬអាល់កុល ព្រោះអាចបណ្ដាលអោយខះជាតិទឹក។
៣.ស៊ុបក្ដៅៗ
ទឹករាវដែលក្ដៅអាចជួយបន្ថយការឈឺចាប់បាន ហើយវា ក៏ជួយសម្រួលដល់ភាពស្ងួតក្នុងបំពង់កបានទៀតផង។ ជ្រើសរើសអាហារដែលជាស៊ុប និងមានគ្រឿងគ្រៅហិនបន្តិច ទើបជួយបន្ថយច្រមុះដែលរាំងស្ទះបាន។
៤.កម្ចាត់អាឡែរហ្សី
ប្រសិនបើបញ្ហាប្រហោងច្រមុះអ្នក បានបង្កឡើងដោយអាឡែរហ្សី គួរតែប្រុងប្រយ័ត្នក្នុងការប្រើប្រាស់ខ្នើយ។ អ្នកអាចចាប់ផ្ដើមដោយប្រើពូក ខ្នើយ ភួយ ស្អាត និងកុំឲ្យសត្វចិញ្ចឹមចេញចូលក្នុងបន្ទប់គេងរបស់អ្នក។ ជៀសវាងប្រើអ្វីដែលមានធូលី ឬអ្នកក៏គួរតែពាក់ម៉ាសនៅពេលដែលអ្នកត្រូវសម្អាតតំបន់មានធូលីដីនៅក្នុងផ្ទះ។
៥.អនាម័យ
ការអនុវត្តទម្លាប់អនាម័យល្អ អាចជារឿងធម្មតា ប៉ុន្តែវាជាអ្វីដែលមនុស្សជាច្រើនតែងតែយកមកប្រើ ដើម្បីរារាំងបញ្ហាច្រមុះ។ កខ្វក់ពីដៃរបស់អ្នក អាចធ្វើឲ្យបាក់តេរីចូលទៅកាន់ក្នុងច្រមុះ យ៉ាងងាយនៅពេលអ្នកប៉ះមុខ។ ដូច្នេះត្រូវចងចាំថា ត្រូវលាងដៃឲ្យបានញឹកញាប់ ដើម្បីការពារ។
៦.ងូតទឹកក្ដៅ
កម្ដៅ និងចំហាយចេញពីផ្កាឈូក អាចបន្ថយការកកស្ទះ និងជួយឲ្យច្រមុះដកដង្ហើមស្រួល។
៧.ស្អំក្រណាត់ក្ដៅ
ប្រសិនបើមានអារម្មណ៍ថា ឈឺចាប់ក្នុងច្រមុះ អ្នកយកកន្សែងតូចមួយទៅជ្រលក់ទឹកក្ដៅ ហើយពូតឲ្យស្ងួត ហើយដាក់ស្អំលើភ្នែក វាអាចជួយធ្វើឲ្យដកដង្ហើមស្រួលឡើងវិញ៕
ចុចអាន៖ម្ដាយគ្រប់រូបកុំអាលអរ ពេលឃើញទារកថ្លោស ព្រោះធំឡើងពួកគេក៏នឹងក្លាយជា....