ស្រ្តីម្នាក់ស្លាប់ក្នុងអាងងូតទឹកខណៈពេលកំពុងថតរូបSelfie

2018-02-22 03:30:59
ចំនួនមតិ 0 | ចំនួនចែករំលែក 0

ខណៈពេលដែលបច្ចេកវិទ្យាកាន់តែសម្បូរបែប ហើយវត្តមាននៃកាម៉ារ៉ាមិនជ្រាបទឹក Waterproof កាន់តែច្រើននោះ មនុស្សក៏កាន់តែចំណាយពេលជាមួយវារហូតពេលខ្លះសូម្បីតែងូតទឹក មុជទឹកក៏ប្រើវាដើម្បីថតរូបដែរ។ យ៉ាងណាមិញការធ្វើបែបនេះវាគ្មានសុវត្ថិភាពឡើយ។

ស្ត្រីរងគ្រោះ

យោងតាមរបាយការណ៍របស់ La Verdad បានឲ្យដឹងថាស្ត្រីម្នាក់ត្រូវបានគេរកឃើញថាបានស្លាប់ដោយសារការឆក់ចរន្តអគ្គិសនីនៅពេលនាងបានថតរូបខ្លួននៅក្នុងអាងងូតទឹកមួយ។

ស្ត្រីម្នាក់អាយុ ៤២ឆ្នាំ នៅទីក្រុងម៉ូស្គូ ប្រទេសរុស្ស៊ីបានថតរូបខ្លួនឯងតាមទូរស័ព្ទខណៈពេលកំពុងងូតទឹកហើយត្រូវបានឆក់ដោយអគ្គីសនី។

រូបតំណាង

បន្ទាប់មកនាងត្រូវបានរកឃើញដោយកូនប្រុសរបស់នាង ដោយឆ្ងល់ថាហេតុអីគាត់មិនបានចេញពីបន្ទប់ទឹកសោះបន្ទាប់ពីចូលងូតទឹករយៈពេលយូរហើយ។

នៅពេលកូនប្រុសបានបើកទ្វារនោះស្ត្រីនោះស្ថិតនៅក្នុងអាងងូតទឹកហើយទូរស័ព្ទនៅលើទ្រូងទាំងកំពុងសាកថ្ម។

ទាក់ទិននឹងករណីនេះ ក្រុមអ្នកជំនាញបានព្រមានថាការប្រើប្រាស់ទូរស័ព្ទនៅពេលដែលសាកថ្មគឺមានហានិភ័យខ្ពស់ក្នុងការមានបញ្ហាដល់ជីវិតដូច្នេះគួរតែប្រើវាតាមតែអាចធ្វើបានដោយមិនប្រើទាំងកំពុងបញ្ចូលថ្ម៕