មនុស្សស្រី ឬប្រុសចំណាស់? ធ្វើតេស្ដអត្តចរិតជាមួយរូបភាពបំភាន់ភ្នែក
- 2018-02-21 01:47:40
- ចំនួនមតិ 0 | ចំនួនចែករំលែក 0
មនុស្សស្រី ឬប្រុសចំណាស់? ធ្វើតេស្ដអត្តចរិតជាមួយរូបភាពបំភាន់ភ្នែក
តើអ្នកចង់ស្គាល់អំពីខ្លួនឯងឲ្យរឹតតែច្បាស់ទេ? រូបភាពបំភាន់ភ្នែកមួយសន្លឹកខាងក្រោមអាចជួយអ្នកបាន។ ពេលអ្នកក្រឡេកភ្នែកមើលវា តើអ្នកឃើញរូបមនុស្សស្រី ឬក៏បុរសចំណាស់មុន? តោះទៅអានលទ្ធផលដែលបង្ហាញអំពីបុគ្គលិកលក្ខណៈរបស់អ្នកខាងក្រោយទាំងអស់គ្នា៖
មនុស្សស្រី
អ្នកជាមនុស្សសុទិដ្ឋិនិយម ដែលតែងតែគិតផ្លូវល្អគ្រប់ពេល។ អ្នកចាប់អារម្មណ៍រឿងរ៉ាវគ្រប់យ៉ាងដែលនៅជុំវិញ ហើយចង់ភ្លក់រសជាតិថ្មីៗ ប្លែកៗជានិច្ច។ ពេលខ្លះអ្នកជាមនុស្សចិត្តក្ដៅ ដែលចង់ធ្វើរឿងអ្វីមួយភ្លាមៗ ទាំងតក់ក្រហល់។ ដូច្នេះអ្នកគួរតែបន្ថយល្បឿន ដោយព្យាយាមរៀបចំផែនការទុកជាមុន នោះអ្នកនឹងអាចសន្សំពេល និងកម្លាំងខ្លួនឯងបានខ្លះ។ អ្នកចូលចិត្តជួយអ្នកដទៃ ព្រោះអ្នកជាមនុស្សចិត្តល្អ ចិត្តទូលាយ និងដឹងអំពីវិធីចែករំលែកសុភមង្គលដល់អ្នកជុំវិញ។
អ្នកជាមនុស្សរឹងមាំ និងមានឆន្ទៈមោះមុតខ្លាំងណាស់។ មិនថាត្រូវឆ្លងកាត់ឧបសគ្គច្រើនប៉ុណ្ណាទេ អ្នកមិនដែលត្អូញត្អែរ រារែកឡើយ។ អ្នកតែងរក្សាជំហរ និងពុះពារឆ្ពោះទៅមុខយ៉ាងក្លាហានបំផុត។
អ្នកជាប្រភេទមនុស្សដែលមិនអាចលាក់រឿងលំបាកក្នុងខ្លួនតែឯងបាន។ អ្នកហ៊ានបើកចំហវាជាមួយអ្នកដទៃ ហើយថែមទាំងរកដំណោះស្រាយជាមួយពួកគេបានទៀតផង។ ការរិះគន់ក្នុងន័យស្ថាបនា ដំបូន្មាន និងការជ្រោមជ្រែងពីសំណាក់ក្រុមគ្រួសារ ក៏ដូចជាមិត្តភ័ក្ដិ អ្នកតែងតែទទួលយក ដើម្បីអភិវឌ្ឍខ្លួនឲ្យរឹតតែប្រសើរឡើង។
បុរសចំណាស់
អ្នកជាមនុស្សស្ងប់ស្ងាត់ និងស្មោះត្រង់ខ្លាំង។ មនុស្សជុំវិញតែងគិតថា អ្នកជាមនុស្សដែលគួរឲ្យទុកចិត្ត និងអាចពឹងពាក់បាន។ អ្នកមានភាពជាមេដឹកនាំពីកំណើត។ អ្នកពូកែក្នុងការវិភាគស្ថានការណ៍ ដើម្បីធ្វើការសម្រេចចិត្តច្បាស់លាស់ ទាញយកផលចំណេញ និងដឹកនាំក្រុមទាំងមូលទៅរកភាពជោគជ័យ។
មុនធ្វើអ្វីមួយ អ្នកតែងរៀបចំគម្រោងយ៉ាងល្អិតល្អន់។ ទោះជាវាត្រូវចំណាយពេល និងថាមពលរបស់អ្នកច្រើន ប៉ុន្តែលទ្ធផលដែលទទួលបានគឺតែងតែគាប់ចិត្ត ហើយអ្នកមិនដែលជួបរឿងស្ដាយក្រោយចំពោះការសម្រេចចិត្តម្ដងណាឡើយ។ អ្នកហត់នឿយខ្លាំង ដោយសារតែចង់ឲ្យអ្វីៗល្អឥតខ្ចោះពេក ដូច្នេះអ្នកក៏គួរបណ្ដោយតាមព្រហ្មលិខិតខ្លះ។ កុំព្យាយាមដាក់សម្ពាធឲ្យខ្លួនឯងខ្លាំង រហូតលែងខ្វល់ពីសេចក្ដីសុខផ្ទាល់ខ្លួនឲ្យសោះ៕
ចុចអាន៖ចូលឆ្នាំថ្មីៗ អពមង្គល ៣យ៉ាងហាមធ្វើដាច់ខាត បើចង់ឲ្យមាសប្រាក់ហូរចូលពេញមួយឆ្នាំ