ព្រោះបុរសចំណាស់មានគុណសម្បត្តិបែបនេះ ទើបនារីៗមិនយកក្មេងដំណាលគ្នា
- 2018-01-18 02:00:00
- ចំនួនមតិ 0 | ចំនួនចែករំលែក 0
ព្រោះបុរសចំណាស់មានគុណសម្បត្តិបែបនេះ ទើបនារីៗមិនយកក្មេងដំណាលគ្នា
គេថា «ស្រលាញ់ប្រុសចាស់ចេះថ្នម» ពាក្យនេះមិនសូវជាខុសប៉ុន្មានទេ ព្រោះពួកគេមានគុណសម្បត្តិច្រើនយ៉ាង ដែលអាចឲ្យនារីៗពឹងពាក់បាន។ ខាងក្រោមនេះជាចំណុចពិសេសនៃបុរសចំណាស់៖
១.ផ្នែកហិរញ្ញវត្ថុគាត់មានសុវត្ថិភាព
មិនមែនមនុស្សស្រីស្រលាញ់បុរសដោយសារតែទ្រព្យសម្បត្តិទេ។ ជាទូទៅបុរសវ័យចំណាស់បានឆ្លងកាត់ដំណាក់កាលតស៊ូនៃអាជីពបានច្រើន ដែលធ្វើឲ្យពួកគេមានលំនឹងខាងផ្នែកនេះ ហើយគេក៏ចេះទុកដាក់ស្រួលបួលមិនឲ្យខ្វះខាតទៅថ្ងៃមុខដែរ។
**២.មានបទពិសោធ**
បុរសវ័យចំណាស់ម្នាក់ដឹងអំពីរបៀបដែលគាត់មានទំនាក់ទំនងស្នេហាច្បាស់ របៀបផ្គាប់ចិត្តមិត្តស្រី និងដឹងពីរបៀបថែអ្នកទៅថ្ងៃអនាគត។ ព្រោះគាត់ធ្លាប់មានបទពិសោធក្នុងទំនាក់ទំនងអតីតកាលរបស់គាត់។ បទពិសោធរបស់គាត់ពិតជាអាចជួយពង្រឹងទំនាក់ទំនងជាមួយអ្នក និងគាត់នៅក្នុងផ្លូវដ៏ល្អ។ មួយវិញទៀតគាត់ដឹងយ៉ាងច្បាស់ពីរឿងត្រូវធ្វើ និងមិនត្រូវធ្វើក្នុងទំនាក់ទំនង។
៣.គាត់មានស្ថេរភាពអារម្មណ៍
បើនិយាយឲ្យចំគាត់មិនចេះងរង៉ក់ច្រើន ដើម្បីឲ្យខាងស្រីតាមលួងលោមឡើយ។ បុរសបែបនេះមានចិត្តអំណត់ និងចេះអត់ឱនខ្លាំងណាស់ ហើយគាត់មិនក៏សូវប្រកាន់ខឹងនឹងមិត្តស្រីដែលមានវ័យក្មេងជាងខ្លួនដែរ។
៤.មានដំណោះស្រាយល្អ
បុរសចាស់ៗធ្លាប់មានបទពិសោធពីនារីរួចមកហើយ ដូចនេះពេលមានបញ្ហាណាមួយគាត់អាចមានដំណោះស្រាយយសមរម្យ ព្រោះធ្លាប់ដឹងយ៉ាងច្បាស់អំពីវិធីធ្វើឲ្យមនុស្សស្រីឈប់ខឹង។
៥.ជាអ្នកទំនាក់ទំនងដ៏ល្អម្នាក់
បុរសវ័យចំណាស់បានឃើញពិភពលោកច្រើនជាងអ្នក ហើយគាត់ត្រូវតែបានជួប និងនិយាយជាមួយមនុស្សផ្សេងគ្នាជាច្រើន។ វាជួយបង្កើនជំនាញទំនាក់ទំនង ឬវិធីសាស្ត្របង្កើនផលប្រយោជន៍ដល់រូបគេទៀតផង។
៦.មានភាពច្បាស់លាស់ជាមួយអ្នក
នៅពេលអ្នកមានស្នេហាជាមួយបុរសក្នុងកំឡុងពេលសាកលវិទ្យាល័យ អ្នកតែងតែភ័យខ្លាចថាទំនាក់ទំនងនោះនឹងមិនអាចក្លាយជាប្ដីប្រពន្ធបានឡើយ។ តែសម្រាប់បុរសវ័យចំណាស់វិញមានតែខ្លាចបាត់បង់អ្នក ហើយគាត់ពិតជាចង់រៀបការ និងរស់នៅជាមួយអ្នកឲ្យបានឆាប់តាមដែលអាចធ្វើទៅបាន៕
ចុចអាន៖ទម្លាប់មិនល្អទាំង ៤ របស់មនុស្សស្រី ធ្វើឲ្យបុរសជាសង្សារឆាប់ធុញទ្រាន់