ទម្លាប់មិនល្អទាំង ៤ របស់មនុស្សស្រី ធ្វើឲ្យបុរសជាសង្សារឆាប់ធុញទ្រាន់

2018-01-17 02:30:40
ចំនួនមតិ 0 | ចំនួនចែករំលែក 0

បើមិនចង់ឲ្យមិត្តប្រុសធុញនឹងខ្លួនទេ ស្រីៗមិនគួរធ្វើរឿងទាំងអស់នេះទេ ព្រោះវាជាទម្លាប់មិនល្អ។ ណាមួយបុរសភាគច្រើន គិតថាវាជារឿងមិនបានការ។ កញ្ញា នឹងបង្ហាញទម្លាប់មិនល្អទាំង ៤ របស់មនុស្សស្រីនៅខាងក្រោមដែលធ្វើឲ្យបុរសជាសង្សារឆាប់ធុញទ្រាន់៖

១.ថតរូប

សព្វថ្ងៃនេះមនុស្សគ្រប់គ្នាចង់បង្ហាញរបៀបរស់នៅរបស់ពួកគេតាមរយៈប្រព័ន្ធផ្សព្វផ្សាយ ហើយសម្រាប់គូស្នេហ៍ការថតរូបជាមួយគ្នាពិតជាល្អ ដើម្បីចងក្រងជាអនុស្សាវរីយ៍។ តែមនុស្សប្រុសពិតជាឆាប់ធុញពេលអ្នកបញ្ជាឲ្យគេថតរូបឲ្យគ្រប់ពេល មិនថា ឈរ អង្គុយ ពោលគឺគ្រប់កាយវិការ។

២.ថ្ងៃពិសេសច្រើនពេក

ខួបកំណើតក៏មានកាដូ Anniversary ស្រលាញ់គ្នាក៏មានកាដូ ពោលបើងាកៗមានកម្មវិធីពិសេសមិនឈប់រហូតដល់សឹងតែមានរាល់ខែ នោះមនុស្សប្រុសពិតជាធុញនឹងអ្នកជាមិនខាន។

៣.ឈឺមិនឈប់

ពិតណាស់ថាគ្មាននរណាម្នាក់អាចឃាត់រឿងនេះបានឡើយ តែបើអ្នកឈឺនេះបន្តិចក៏ប្រាប់ ឈឺនោះបន្តិចក៏ប្រាប់គេ ឈឺក្បាលក៏ប្រាប់ ឈឺធ្មេញក៏ប្រាប់។ បើប្រែជាអ្នកស្ដាប់វិញក៏ធុញខ្លាំងណាស់ដែរ យល់ល្អរឿងមិនធំដុំមិនបាច់ឲ្យគេដឹងទេ។

៤.ភាពយឺតយ៉ាវ

សម្រាប់រឿងនេះ មនុស្សប្រុសអាចទ្រាំបានគេប្រាកដជាទ្រាំ។ តែកុំរាល់ដងពេក ហើយយឺតមិនដែលចេះតិច ដោយណាត់ម៉ោង ៥ ល្ងាច ម៉ោង ៧ បានទៅដល់ ច្បាស់ណាស់ថាគេនឹងមិនរង់ចាំអ្នកទៀតឡើយ បើមានការណាត់លើកក្រោយ៕

ចុចអាន៖ទង្វើ ៥យ៉ាងអាចសម្លាប់ចិត្តមនុស្សស្រីឲ្យលង់ស្រឡាញ់អ្នកបានយ៉ាងរហ័ស

ប្រភព៖ Kapook ប្រែសម្រួល៖ ទ្រី រ៉ាវី